Morgunblaðið - 06.10.2004, Blaðsíða 18
18 MIÐVIKUDAGUR 6. OKTÓBER 2004 MORGUNBLAÐIÐ
MINNSTAÐUR
HÖFUÐBORGARSVÆÐIÐ
LANDIÐ
Garðabær | Sumarleikirnir eru hreint ekki að baki hjá
börnum á grunnskólaaldri þó að haustið sé komið. Þeir
Jökull og Grétar úr Garðaskóla nýttu hið óvænta
haustfrí til þess að hjóla bæði á láði og lofti, og létu
svalan vind sem leikið hefur um höfuðborgarsvæðið
undanfarna daga ekkert á sig fá.
Morgunblaðið/RAX
Hjólað um háloftin í verkfallinu
Hafnarfjörður | Boðað er til íbúa-
þings í Hafnarfirði laugardaginn 9.
október undir yfirskriftinni Undir
gafli, en þar gefst bæjarbúum kostur
á að koma sínum hugmyndum,
áherslum og ábendingum á framfæri
við bæjaryfirvöld.
Yfirskrift þingsins vísar í gamla
tíma þegar Hafnfirðingar áttu það til
að standa undir göflum og skegg-
ræða málin, og segir Lúðvík Geirs-
son bæjarstjóri að nú eigi að kalla
íbúa til samræðu um bæjarsamfélag-
ið á sama máta og upprunalegu gafl-
ararnir gerðu fyrr á árum, þar sem
íbúarnir sjálfir ráði ferðinni.
Lúðvík segir þingið ætlað hinum
venjulegu íbúum bæjarins, aðflutt-
um jafnt sem innfæddum. „Við erum
fyrst og fremst að leita eftir hug-
myndum, áherslum og ábendingum
íbúanna um samfélagið, byggðina og
þjónustuna, eins og þetta er í dag og
eins og menn sjá þetta fyrir sér.“
Það er mikill hraði í uppbygging-
unni í Hafnarfirði, og segir Lúðvík
að íbúum fjölgi um í kringum 4% á
ári um þessar mundir. „Bæjarbúar
eru að verða 22 þúsund, og verða
orðnir 30 þúsund innan fárra ára.
Þetta þýðir auðvitað að bærinn er að
stækka og færast suður í hraunin, en
um leið eru menn að leggja áherslu á
það að styrkja, efla og byggja upp
miðbæinn sem kjarnasvæði í versl-
un, þjónustu og afþreyingu.“
Ekki fundur fram á kvöld
Íbúaþingið hefst kl. 10 á laugar-
dag í Íþróttahúsinu við Strandgötu
og lýkur kl. 18. Lúðvík segist vonast
til þess að sem flestir sjái sér fært að
koma við og stansa í lengri eða
skemmri tíma. „Aðalatriðið er það að
koma við og koma ábendingum og
tillögum á framfæri, en það er ekki
verið að kalla eftir því að fólk sitji yf-
ir einhverjum fundi og umræðum frá
morgni til kvölds. Þetta er vettvang-
ur til að koma, stansa jafnvel í stutta
stund, og koma að sínum sjónarmið-
um. Menn geta gert það með ýmsum
hætti, það er ekki verið að vinna
þetta með ræðuhöldum heldur að
menn komi, skrifi sínar ábendingar
og hugsanir á miða og blöð og skilji
þau eftir.“ Áhugasamir íbúar geta
einnig tekið þátt í hópvinnu þar sem
rætt verður um skóla, þjónustumál,
umhverfismál o.fl. Barnagæsla verð-
ur á staðnum, og boðið upp á hádeg-
isverð og kaffi fyrir bæjarbúa til að
sem flestir geti tekið þátt.
Stefnt er að því að vinna hratt úr
upplýsingum og ábendingum sem
berast, og hefur verið boðað til borg-
arafundar í Hafnarborg miðvikudag-
inn 13. október til að kynna helstu
tillögur og niðurstöður. „Það er al-
veg öruggt mál að þær ábendingar
sem koma fram verða skoðaðar, og
þær munu verða innlegg í umræðu
um bæði það skipulag sem við erum
að horfa til, og hvernig menn leggja
sínar áherslur á þjónustu og aðra
uppbyggingu í bænum. Það er auð-
vitað það innlegg sem skiptir mestu
um það sem bæjaryfirvöld eru að
vinna með hverju sinni, hvaða sjón-
armið koma fram hjá íbúunum,“ seg-
ir Lúðvík.
Þetta er fyrsta íbúaþingið sem
haldið er í Hafnarfirði, ef undan er
skilið vel heppnað unglingaþing sem
haldið var í vor. Lúðvík segir að ekki
sé búið að taka formlega ákvörðun
um hvort fleiri íbúaþing verða haldin
í framtíðinni, en segist þess fullviss
að þetta verði einungis fyrsta þingið
af mörgum á komandi árum.
Hafnfirðingum boðið á íbúaþing næstkomandi laugardag
Íbúarnir sjálfir ráða ferðinni
Hólmavík | Um hundrað manns
voru við hátíðarhöldin þegar
Orkubú Vestfjarða hélt upp á 50
ára afmæli Þverárvirkjunar á
Ströndum en þau fóru fram í hús-
næði virkjunarinnar í Þiðriksvalla-
dal. Við þetta tækifæri var einnig
fagnað endurbyggingu virkjunar-
innar sem staðið hefur yfir und-
anfarin misseri og Valgerður
Sverrisdóttir iðnaðarráðherra
gangsetti endurbyggða virkjunina
með formlegum hætti.
Við athöfnina var opnuð sýning
á myndlist Guðbjargar Lindar
Jónsdóttur. Málverk hennar munu
prýða virkjunina næstu vikur en
þau falla vel að húsnæðinu og um-
hverfi þess. Einnig var opnuð sýn-
ing úr sögu virkjunarinnar sem
Sögusmiðjan á Kirkjubóli á
Ströndum setti upp í tilefni af-
mælis Þverárvirkjunar. Sú sýning
mun einnig standa áfram og getur
þar m.a. að líta gamla muni, ljós-
myndir og myndband. Sérstaka
athygli sýningargesta vöktu rúllu-
gardínur fyrir gluggum hússins,
en á þær eru prentaðar gamlar
teikningar sem skannaðar voru úr
gömlum ársskýrslum Orkubús
Vestfjarða.
Við hátíðina í virkjuninni var
einnig tónlistarflutningur og
Kristján Haraldsson orkubússtjóri
rakti sögu Þverárvirkjunar og
minntist um leið 100 ára afmælis
rafvæðingar á landinu.
Haldið upp á hálfrar aldar afmæli Þverárvirkjunar
Iðnaðarráðherra gangsetti
endurnýjaða virkjun
Morgunblaðið/Kristín Sigurrós Einarsdóttir
Gangsetning virkjunar Valgerður Sverrisdóttir iðnaðarráðherra fékk það
hlutverk að gangsetja endurgerða Þverárvirkjun með formlegum hætti.
Breiðholt | Unnið hefur verið mikið
starf undanfarin ár við að koma
Breiðholtslaug úr gamla tímanum í
þann nýja, og eru sex nýjar örygg-
ismyndavélar sem sýna neðri hluta
laugarinnar og botninn því sem næst
lokahnykkurinn á þeim framkvæmd-
um.
Gunnar Hauksson, forstöðumaður
Breiðholtslaugar, segist að vonum
ánægður með breytingarnar, og seg-
ir hann nýju myndavélarnar auka
enn á öryggi sundlaugargesta. Þær
auðvelda eftirlit með sundlaugar-
botninum þegar aðstæður í eftirlits-
turni eru erfiðar.
Gunnar segir að undanfarna daga
hafi mátt sjá hversu vel vélarnar
virka, þegar mikill vindur gárar yf-
irborð laugarinnar og gerir eftirlit úr
turninum erfiðara. Einnig séu þær
mikið þarfaþing þegar uppgufun og
frostþoka valda því að sundlauga-
vörður sér ekki til botns. Auk
myndavélanna voru ljós sett í veggi
laugarinnar til að útsýnið verði sem
best.
Ekki viðbrögð vegna slysa
Gunnar segir að með uppsetningu
öryggismyndavélanna sé ekki verið
að bregðast við slysum sem orðið
hafa í lauginni, en þrjú alvarleg slys
urðu í lauginni á seinni hluta árs
2003 og í byrjun árs 2004. Hann seg-
ir að myndavélarnar hefðu í raun
engu breytt í þeim tilvikum enda ör-
yggi eins gott og það geti verið bæði
fyrir og eftir komu nýju myndavél-
anna.
Eftir að nýju myndavélarnar
komu hefur sundlaugavörðurinn
sem stendur vaktina í eftirlitsturn-
inum bæði eftirlit með botninum á
sjónvarpsskjá og með berum augum.
Myndir úr myndavélunum sex birt-
ast á skjánum, ein vél í senn í fimm
sekúndur, svo með því að horfa í
tæplega hálfa mínútu má sjá hvað
um er að vera á öllum laugarbotn-
inum.
Lokahnykkur á framkvæmdum
Vélarnar og ljósin voru boruð inn í
sundlaugarveggina, og eru inni í
vatnsheldum hólkum sem hægt er að
taka út úr veggnum til viðhalds án
þess að tæma laugina, sem Gunnar
segir auðvelda allt viðhald með tækj-
unum. Auk myndavéla og ljósa í
lauginni hefur einnig verið lagt mikið
í endurnýjun á öðrum tækjabúnaði
tengdum lauginni, og nú er verið að
vinna frekar í frágangi á lóðinni.
Gunnar segir að nú sé lokahnykk-
urinn á framkvæmdum undanfar-
inna ára framundan, segja megi að
laugin sé nú komin inn í nútímann.
Starfsmenn ánægðir „Þetta er mjög þægilegt og allir mjög ánægðir með
þetta,“ segir Gunnar. Hér sést Sveinn Auðunsson, sundlaugarvörður í
Breiðholtslaug, fylgjast með myndunum úr öryggismyndavélunum.
Breiðholtslaugin
nútímavæðist
Grindavík | Komið hefur verið upp
svokölluðum „heitum reit“ í Bláa lón-
inu – heilsulind þar sem gestir stað-
arins hafa aðgang að þráðlausu há-
hraða netsambandi. Heitu reitirnir
eru í veitinga- og ráðstefnusölum
heilsulindarinnar. Var þessu komið
upp í samstarfi Bláa lónsins hf. og
Og Vodafone.
Þjónustan er gestum að kostnað-
arlausu. Notkun á heitum reitum
hefur notið mikilla vinsælda erlendis
en hérlendis hefur þessi aðgangur
staðið tölvunotendum til boða gegn
gjaldi. Og Vodafone er brautryðj-
andi í að bjóða þessa þjónustu endur-
gjaldslaust á völdum stöðum hér á
landi, segir í fréttatilkynningu.
Einnig kemur fram að töluverð eft-
irspurn hefur verið eftir netsam-
bandi á staðnum, bæði meðal gesta
heilsulindarinnar og ráðstefnugesta.
Vel tengd Komið hefur verið upp endurgjaldslausu þráðlausu netsam-
bandi í heilsulind Bláa lónsins og ráðstefnusölum Eldborgar.
„Heitur reitur“
í Bláa lóninu