24 stundir - 26.08.2008, Blaðsíða 4
4 ÞRIÐJUDAGUR 26. ÁGÚST 2008 24stundir
Úthlutun lóðarinnar á Tryggvagötu 13 til
Ungmennafélags Íslands (UMFÍ) er enn til um-
fjöllunar í borgarkerfinu og óvíst hvenær
ákvörðun verður tekin um málið. Eins og sagt
var frá í 24 stundum í byrjun sumar stóð vilji
UMFÍ til þess að reka hótel í byggingunni. Slík-
ur rekstur var hins vegar ekki í samræmi við vil-
yrði fyrir lóðaúthlutuninni frá borgaryfirvöld-
um og lýstu borgarfulltrúar því yfir að sú
starfsemi ætti ekki heima í þessum rekstri.
Enn stefnt að gistiheimili
Sæmundur Runólfsson, framkvæmdastjóri
Ungmennafélags Íslands (UMFÍ), segir að
enn sé stefnt að því að hluti af húsnæði UMFÍ
sem stefnt er að að rísi á Tryggvagötu 13 verði
gistiaðstaða fyrir félagsmenn.
„Að því hefur alltaf verið stefnt en frekari
hótelrekstur er hins vegar kominn út af borð-
inu. Það kom í ljós að andstaða var við slík
áform og því var fallið frá því. Við erum hreyf-
ing sem telur níutíu þúsund félagsmenn og vilj-
um auðvitað fara í þessa framkvæmd í sátt við
okkar félagsmenn og auðvitað við borgaryfir-
völd. Nú bíðum við bara eftir því að gengið
verði frá málinu í borgarkerfinu og ég er bjart-
sýnn á að það fái farsæla lausn.“
Hanna Birna Kristjánsdóttir borgarstjóri seg-
ir að málið sé í skoðun hjá framkvæmdasviði
borgarinnar. „Það er í sjálfu sér ekkert nýtt að
gerast í þessu máli, það er bara í ferli. Rekstur
gistiheimilis í höfuðstöðvunum var alltaf hluti
af umsókn UMFÍ og það var staðfest í borgaráði
á sínum tíma. Við munum auðvitað standa við
þá ákvörðun.“
Hrólfur Jónsson, sviðsstjóri á framkvæmda-
og eignasviði Reykjavíkurborgar, segir að um-
sögn um úthlutun lóðar sé langt komin og
reikna megi með að hún verði lögð fyrir á fundi
borgarráðs á fimmtudaginn kemur eða í næstu
viku. freyr@24stundir.is
Umsögn um úthlutun lóðar til UMFÍ fyrir borgarráð á næstu dögum
Tryggvagata 13 Umsögn um út-
hlutun lóðarinnar til UMFÍ verður
lögð fyrir borgarráð á næstu dögum.
Enn stefnt að rekstri gistiheimilis
Eftir Ingibjörgu B. Sveinsdóttur
ingibjorg@24stundir.is
Þótt sektirnar, 50 þúsund krónur
á dag, sem eigendur iðnaðarhús-
næðisins á Hvaleyrarbraut 22 í
Hafnarfirði eru beittir, séu
komnar upp í rúmar 5 milljónir
króna hafa þeir enn ekki rýmt
ólöglegu vistarverurnar í húsinu.
Búsetan er í ósamræmi við
skipulag og samþykkta notkun
hússins.
„Við teljum að ástandið sé
óbreytt og að leigjendur séu enn
rúmlega 20,“ segir Bjarki Jó-
hannesson, sviðsstjóri skipulags-
og byggingasviðs Hafnarfjarðar-
bæjar. Bæjaryfirvöld hafa ekki
heimild til annarra aðgerða en að
beita dagsektum til að fá eig-
endur til að rýma ólöglegu vist-
arverurnar, að sögn Bjarka.
Stenst ekki samþykktir
,,Við höfum reynt að fylgja eft-
ir herferð slökkviliðsins gegn
ólöglegri búsetu. Slökkviliðið
gerði athugasemdir vegna ónógra
eldvarna í þessu húsi. Þá settu
eigendur upp einhverja reyk-
skynjara og veggi en þeir voru
ekki með samþykktar teikningar
að því. Slökkviliðið tók þetta gott
og gilt fyrir sitt leyti en við erum
náttúrlega ekki sáttir því að þetta
stenst ekki samþykktir um land-
notkun,“ tekur Bjarki fram.
Guðmundur Benediktsson
bæjarlögmaður segir leigusalana
þrjá eftir því sem næst hefur ver-
ið komist. „Dagsektirnar skiptast
eftir eignarhlutföllum og þær
hækka á meðan ólögleg búseta er
í húsinu.“
Sjá alvöruna í þessu
Hann segir bæjaryfirvöld ekki
hrædd um að geta ekki innheimt
dagsektirnar. „Við höfum áður
beitt dagsektum til að þrýsta á
menn að ljúka framkvæmdum og
höfum undantekningarlaust
fengið viðbrögð þegar komið er í
lögfræðilega innheimtu og menn
sjá fyrir sér að uppboð sé fram-
undan. Þá sjá menn alvöruna í
þessu. Þessar kröfur njóta auk
þess lögveðsréttar og ganga þess
vegna framar öðrum kröfum. Við
erum vel tryggðir.“
Íhuga að sekta fleiri
Við könnun slökkviliðs höfuð-
borgarsvæðisins í desember í
fyrra kom í ljós ólögleg búseta í
Hafnarfirði á 35 stöðum. „Það
kemur að því að fleiri verða
beittir dagsektum,“ segir Bjarki.
Til athugunar er hjá yfirvöld-
um í Hafnarfirði að breyta land-
notkun í einu af gömlu iðnaðar-
svæðunum í Hafnarfirði og
skilgreina það sem athafnasvæði
en á slíkum svæðum er leyfilegt
að hafa starfsmannabústaði, að
því er Bjarki greindi í viðtali við
24 stundir fyrir tæpu ári. Bú-
setuleyfi færi þó eftir öryggis-
málum og starfseminni sem fyrir
væri.
Sektirnar komnar í
rúmar 5 milljónir
Ólöglegu vistarverurnar við Hvaleyrarbraut í Hafnarfirði enn ekki rýmdar Sektir upp
á 50 þúsund krónur á dag Bæjaryfirvöld viss um að geta innheimt sektirnar
Ólöglegar vistarverur
Standast ekki samþykkt
um landnotkun.➤ Slökkvilið höfuðborgarsvæð-isins kortlagði ólöglegt hús-
næði á höfuðborgarsvæðinu í
fyrra.
➤ Samkvæmt kortlagningunnibjuggu að minnsta kosti
1.200 manns í óleyfilegum
vistarverum í atvinnu-
húsnæði.
ÓLEYFILEG BÚSETA
Foreldrar í Linköping í Sví-
þjóð hafa verið sektaðir um 12
þúsund sænskar krónur eða
rúmlega 155 þúsund íslenskar
krónur vegna skróps sonar
þeirra á táningsaldri.
Í nóvember í fyrra tilkynnti
unglingurinn um veikindi en
þar sem foreldrarnir komu
ekki á boðaðan fund skóla-
yfirvalda var ekki hægt að fá
staðfest að strákurinn, sem
mætti aðeins í nokkra daga yf-
ir veturinn, væri veikur.
Arna Hauksdóttir, ráðgjafi í
menntamálaráðuneytinu, seg-
ir að ekki sé kveðið á um refsi-
heimildir gagnvart foreldrum
í nýjum grunnskólalögum.
„Gangi barn af einhverjum
ástæðum ekki í skóla hefur
það yfirleitt komið til kasta
barnaverndaryfirvalda að
hlutast til um málið.“ ibs
Skrópaði í skólanum
Foreldrarnir
greiði sekt
Umhverfisnefnd Alþingis er nú
komin til Edinborgar í Skotlandi til
þess að kynna sér framkvæmd
landsskipulagsáætlana.
Nú er til umfjöllunar í nefndinni
ný skipulagslög Þórunnar Svein-
bjarnardóttur umhverfisráðherra.
Þriðji kafli þeirra laga, sem fjallar
um landsskipulagsáætlun, hefur
verið mjög umdeildur á milli
stjórnarflokkanna tveggja. Þórunn
og Samfylkingin hafa lagt mikla
áherslu á að kaflinn verði hluti af
nýjum skipulagslögum og telur
Þórunn að þau geti orðið mikil-
vægt stjórntæki í þágu umhverfis-
verndar.
Þingmenn Sjálfstæðisflokksins,
með Kjartan Ólafsson, varafor-
mann umhverfisnefndar, í farar-
broddi, hafa hins vegar lagst gegn
ákvæði um landsskipulag. Kjartan
hefur jafnvel gengið svo langt að
segja ólíklegt að það verði hluti af
lögunum. ejg
Heimsækja
Edinborg
Umhverfisnefnd Al-
þingis kynnir sér
landsskipulag.
● Sandgerðisdagar
Hátíðahöld hefjast í Sandgerði í
dag sem ná hápunkti um
helgina. Boðið verður upp á
listsýningar, golfmót, skemmti-
siglingar, dorgveiðikeppni, fjöl-
skylduratleik, grillveislu og
dansleik svo eitthvað sé nefnt.
● Sauðfjárbændur funda
Félag sauðfjárbænda í Dala-
sýslu hefur boðað til opins
fundar í félagsheimilinu í
Búðardal annað kvöld kl.
20.30. Efni fundarins er hækk-
un aðfanga til sauðfjárbænda
og verðskrár fyrir dilkakjöt
haustið 2008.
● Selfosskirkja
Kirkjan stendur fyrir Tólf spor-
um, andlegu ferðalagi í vetur.
Kynningarfundur verður í Sel-
fosskirkju 10. september, kl 20.
Neytendasamtökin eru frjáls félagasamtök: stofnuð árið 1953. Þau
verja hag félagsmanna og berjast fyrir hagsmunum neytenda.
Sjá www.ns.is - netfang:ns@ns.is
Að þessu sinni könnuðu Neytendasamtökin verð á MS
þykkmjólk m/jarðarberjum í 1/2 l umbúðum. Munur
á hæsta og lægsta verði reyndist vera 17,8% eða 30
krónur. Þetta er minni munur en oft er í mat-
vöruverslunum en þó algengt þegar um er að ræða
ýmsar landbúnaðarvörur. Tekið skal fram að könn-
unin er ekki tæmandi.
Óheimilt er að vitna í könnunina í auglýsingum.
18% munur á þykkmjólk
Jóhannes
Gunnarsson
NEYTENDAVAKTIN
MS þykkmjólk m/jarðarberjum, 1/2 l
Verslun Verð Verðmunur
Bónus 169
Krónan 170 0,6%
Kaskó 171 1,2%
Fjarðakaup 182 7,7%
Melabúðin 194 14,8%
Skagfirðingabúð 199 17,8%
Icelandair Cargo flutti í tvígang
hergögn fyrir Bandaríkjastjórn til
Georgíu. Seinni ferðin var farin
upp úr miðjum júlí en stríðsátök
brutust út í Georgíu 7. ágúst.
Gunnar Már Sigurfinnsson
framkvæmdastjóri segir að um
riffla án skotfæra hafi verið að
ræða. „Þetta eru bara flutningar
sem flokkast undir eðlilega flutn-
inga og eru hluti af okkar daglega
lífi. Öll flugfélög taka þátt í slíkum
flutningum á hverjum einasta degi
og ekkert við þá að athuga. Við
myndum aldrei taka að okkur
svona flutninga nema það væri
fullt leyfi fyrir þeim og þar með
fáum við staðfestingu á því að þetta
eru eðlilegir flutningar. Enginn gat
séð fyrir þá hörmulegu atburði sem
síðar urðu og ef okkur hefði órað
fyrir þeim hefðum við ekki tekið að
okkur þessa flutninga.“ fr
Icelandair Cargo flutti hergögn til Georgíu
„Eðlilegt og hluti af
okkar daglega lífi“
STUTT