24 stundir - 26.08.2008, Blaðsíða 22

22 ÞRIÐJUDAGUR 26. ÁGÚST 2008 24stundir
Eftir Kristínu Ýri Gunnarsdóttur
kristing@24stundir.is
„Ef fólk hefur verið með stöðugar
áhyggjur í sex mánuði eða meira
þá ætti það að athuga hvort um
kvíðaröskun sé að ræða. Það er
ekki nóg að finna fyrir kvíðanum í
viku,“ segir Sigurbjörg Lúðvíks-
dóttir, sálfræðingur hjá Kvíða-
meðferðarstöðinni. „Sé kvíðinn
farinn að trufla daglegar venjur og
viðkomandi á erfitt með að fara út
í búð eða í veislur er þetta orðið
vandamál. Oft getur kvíðinn farið
að stjórna því sem fólk tekur sér
fyrir hendur og komið í veg fyrir
að viðkomandi fari t.d. í skóla
vegna hræðslu.“
Kvíðinn er mismunandi
Ýmsar kvíðaraskanir eru til og
má þar meðal annars nefna fé-
lagsfælni, ofsakvíða og almenna
kvíðaröskun. Algengasta kvíða-
röskunin er félagsfælni og má ætla
að 10 til 13 prósent fólks fái hana
einhvern tímann á ævinni. „Fé-
lagsfælni lýsir sér þannig að við-
komandi á erfitt með að fara meðal
fólks og inn í ýmsar aðstæður þar
sem fjölmenni gæti verið. Algeng-
ast er að eiga erfitt með að tala fyr-
ir framan aðra. Annað hvort slepp-
ir fólk því að vera innan um aðra
eða dregur sig alveg í hlé, talar lítið
sem ekkert og fer með veggjum,“
segir Sigurbjörg.
Erfðir geta spilað inn í
Sigurbjörg segir að það sé mis-
jafnt hverjir greinist með kvíða, hjá
sumum er þetta áunnið en ein-
hverjar erfðir geta verið í þessu.
Eins er misjafnt hvernig fólk bregst
við hinum almenna kvíða.
„Kvíði getur komið í kjölfar ein-
eltis eða eftir að fólk hefur lent í
áfalli. Umhverfið hefur mikið um
þetta að segja.“
Meðferðarúrræði
„Við vinnum mest með hug-
ræna atferlismeðferð þar sem við
skoðum þættina sem viðhalda
vandanum og kennum nýjar leiðir.
Læra þarf að horfast í augu við ótt-
ann.“
Sigurbjörg segir að ekki sé ein
leið sem henti öllum til að takast á
við félagsfælni en það virkar vel að
vinna í hópum. „Hópavinnan gef-
ur betra tækifæri til að setja upp
aðstæður og fólk tekst á við kvíð-
ann með því að mæta í hópana.
Sumir hafa sig ekki út úr húsi en
finna fyrir stuðningi í hópavinnu.
Fólk með félagsfælni leitar sér oft
ekki aðstoðar fyrr en þunglyndi er
farið að spila inn í og depurð farin
að ná yfirhöndinni. Það er einnig
algengt að leitað sé í áfengi eða
vímuefni til að safna kjarki og fara
út úr húsi.“
24stundir/hag
Félagsfælni er algengasta kvíðaröskunin hjá Kvíðameðferðarstöðinni
Kvíðaröskun truflar
daglegar venjur
➤ Kvíðameðferðarstöðin varstofnuð í maí árið 2007.
➤ Hún var opnuð formlegaföstudaginn 29. febrúar 2008.
➤ Kvíðameðferðarstöðin erfyrsta sálfræðistofan hér-
lendis af þessu tagi þar sem
áhersla er lögð á rannsóknir
og meðferð við kvíða og
skyldum vandkvæðum.
KVÍÐAMEÐFERÐARSTÖÐIN25 prósent Íslendinga fá
kvíðaröskun einhvern
tímann á ævinni. Algeng-
asta röskunin er fé-
lagsfælni. Kvíðinn getur
farið að stjórna gjörðum
fólks og haft áhrif á þau
framtíðarplön sem hafa
verið gerð.
Kvíðaröskun Sigurbjörg
Lúðvíksdóttir vinnur á kvíða-
meðferðarstöðinni
Guð er máttugri en læknavís-
indin, að mati rúmlega helmings
Bandaríkjamanna samkvæmt ný-
legri rannsókn vísindamanna þar í
landi. Um 57 prósent þátttakenda í
rannsókninni sögðust trúa því að
Guð gæti læknað dauðvona sjúk-
linga jafnvel þótt læknar hefðu úr-
skurðað að útilokað væri að
áframhaldandi meðferð bæri ár-
angur. Þá töldu um 75 prósent að
dauðvona sjúklingar og aðstand-
endur þeirra ættu að hafa rétt á að
fara fram á slíka meðferð. Af þeim
læknum og öðrum heilbrigð-
isstarfsmönnum sem tóku þátt í
könnuninni sögðust tæplega 20
prósent telja að Guð gæti mögu-
lega læknað dauðvona fólk sem
læknavísindin gætu ekki komið til
bjargar.
Í niðurstöðum rannsóknarinnar
kom fram að ljóst væri að læknar
þyrftu að hafa þetta í huga þegar
kæmi að því að tilkynna sjúkling-
um og aðstandendum þeirra að
engin leið væri fyrir þá að ná bata.
Til þess að koma fólki í skilning
um að áframhaldandi meðferð
væri gagnslaus dygði því ekki alltaf
að segja einfaldlega að fólk sem
tryði á kraftaverk hefði rangt fyrir
sér. Þvert á móti þyrftu læknar að
leitast við að vinna sér inn traust
fólks og koma því til leiðar að þeir
vildu óska þess að kraftaverk gæti
bjargað sjúklingnum, en að slíkt
ætti því miður ekki eftir að gerast á
þessari stundu fyrir þennan til-
tekna sjúkling. Engin ástæða væri
þó til að draga á langinn að koma
fólki í skilning um alvöru ástands-
ins eða koma að öðru leyti öðruvísi
fram við þá sem tryðu á kraftaverk
heldur en þá sem gerðu það ekki.
Margir Bandaríkjamenn trúa á kraftaverk
Telja Guð máttugri en lækna
Polarolje
Selolía, einstök olía
Gott fyrir:
Maga- og þarma starfsemi
Hjarta og æðar
Ónæmiskerfið
Liðina
Polarolían fæst í:
apótekum, Þín verlsun Seljabraut,
heilsuhúsum, Fjarðarkaupum,
og Melabúð
Meiri virkni
Hátt hlutfall Omega 3
fitusýrur
Fiskbúðinni Trönuhrauni