24 stundir - 26.08.2008, Blaðsíða 26
26 ÞRIÐJUDAGUR 26. ÁGÚST 2008 24stundir
Eftir Hildi E. Einarsdóttur
hilduredda@24stundir.is
Hljómsveit Tómasar R. Einars-
sonar og söngkonan Ragnheiður
Gröndal halda tónleika í Fríkirkj-
unni í Reykjavík næstkomandi
fimmtudagskvöld klukkan 20. Á
efnisskrá eru ástarkvæði og timb-
urmannaljóð eftir ýmsa höfunda
sem Tómas hefur samið tónlist
við. „Timburmannaljóð eru svona
harmagrátur, þau fjalla um hlut-
skipti hins breyska manns,“ út-
skýrir Tómas. Sem dæmi um slík
ljóð má nefna Örljóð langþreytta
drykkjumannsins eftir Sveinbjörn
I. Baldvinsson, Náungarnir mínir
eftir dóttur Tómasar, Kristínu
Svövu og Stolin stef eftir Tómas
sjálfan. Hann segist ekki fljótur
að yrkja. „Ég hef spreytt mig á því
stundum og það tekur mig svona
fimm sinnum lengri tíma að
semja texta heldur en tónlist. Ég
er gamall hagyrðingur og samdi
dálítið af rímum þegar ég var um
tvítugt, þannig að ég er ekki alveg
ókunnugur þeirri iðju. En ég lít
þó alls ekki á mig sem skáld og
segi eins og einn góður maður
orðaði það forðum: Ég er hagyrð-
ingur en ekki skáld.“
Ljóð með hægu latínbíti
Tómas segir alls ekki erfitt að
semja tónlist við rímaðan kveð-
skap. „Það er kannski frekar hitt
að það sé of þægilegt enda meiri
hætta á að maður detti í klisju-
pottinn ef svo má segja þegar
maður semur tónlist við fer-
skeytlur. Öðru máli gegnir um
það sem maður getur kallað
óreglulega nútímaljóðlist. Hún
togar mann oft í óvæntar áttir af
því að það þarf að elta orðin
hingað og þangað,“ segir hann.
Lögin sem Ragnheiður, Tómas
og hljómsveit hans ætla að spila á
fimmtudaginn eru öll af nýrri
plötu Tómasar sem kemur út í
október, og verður um frumflutn-
ing að ræða á þeim flestum. Eins
og inntak ljóðanna gefur til
kynna er þung undiralda í plöt-
unni að sögn Tómasar. „Þá meina
ég bæði taktinn og kveðskapinn.
Þannig að þetta er ekki beint par-
típlata. Það má kannski segja að
þetta séu lífsreynsluljóð með lat-
ínbíti.“
Tónleikar Ragnheiðar, Tómasar
og hljómsveitar hans eru liður í
Jazzhátíð í Reykjavík, sem hefst í
dag og stendur til 30. ágúst. Dag-
skrá hátíðarinnar má nálgast á
slóðinni jazz.is/festival og hægt er
að nálgast miða á midi.is.
Flytja lífsreynsluljóð með latínbíti
Tómas R. og Ragnheiður Gröndal.
Hljómsveit Tómasar R. og Ragnheiður Gröndal spila á Jazzhátíð
Ástarkvæði og
harmagrátur
Ástarkvæði og timb-
urmannaljóð eru á efnis-
skrá tónleika hljómsveitar
Tómasar R. Einarssonar og
söngkonunnar Ragnheið-
ar Gröndal, sem haldnir
verða í Fríkirkjunni á
fimmtudaginn. Tónleik-
arnir eru liður í Jazzhátíð í
Reykjavík, sem hefst í dag
og stendur til 30. ágúst.
➤ Verður haldin í nítjánda sinndagana 26. til 30. ágúst.
➤ Í boði í ár verða um 30 atriðimeð meira en 100 listamönn-
um.
➤ Haldnir verða tónleikar í Von-arsal SÁÁ í Efstaleiti, Há-
skólabíói, Norræna húsinu,
Nasa, Fríkirkjunni í Reykjavík,
Iðnó og í Rúbín í Öskjuhlíð.
JAZZHÁTÍÐ Í REYKJAVÍK
Natalie Jeremijenko heldur fyr-
irlestur á vegum Opna listaháskól-
ans í stofu 113 í Skipholti 1-5
klukkan 12 í dag. Natalie er lista-
maður með bakgrunn og menntun
í lífefnafræði, eðlisfræði og verk-
fræði. Hún er doktor í verkfræði og
var nýlega valin einn af 40 áhrifa-
mestu hönnuðum heims af ID Ma-
gazine og ein af 100 helstu upp-
finningamönnum heims af MIT
Technology Review. Hún er stofn-
andi xDesign Environmental
Health Clinic í New York-háskóla,
starfar sem aðstoðarprófessor í
myndlist auk þess sem hún er
gestaprófessor í Royal College í
London. Verk hennar hafa verið
sýnd víða um heim og verið til um-
fjöllunar í hinum ýmsu virtu miðl-
um, nú síðast í New York Times.
Allir eru velkomnir á fyrirlest-
urinn í Opna listaháskólanum
meðan húsrúm leyfir.
Fyrirlestur Natalie Jeremijenko í Opna listaháskólanum í dag
Áhrifamikill hönnuður
Opið öllum Fyrirlesturinn verður
haldinn í húsnæði LHÍ við Skipholt.
LÍFSSTÍLL
lifsstill@24stundir.is menning
Það er meira
í Mogganum
Í LAUSASÖLU 200 ÁSKRIFT 2950 HELGARÁSKRIFT 1800 PDF Á MBL.IS 1800
í dag
Þriðjudagur 26. ágúst 2008
Þrír ljósmyndarar ausa
af viskubrunni sínum.
» Meira í Morgunblaðinu
Nokkur góð ráð
Byggingu verslunar-
miðstöðvar í miðbænum
slegið á frest.
» Meira í Morgunblaðinu
Hægir á
Akiko
Haji er í
hlutastarfi
á Grund. Í
tómstund-
um hefur
hún hins
vegar ráð-
ist í að
þýða íslenskar bókmenntir
yfir á móðurmál sitt.
» Meira í Morgunblaðinu
Þýðir á japönsku
Ferðaskrifstofur bæta
við ferðum og kannast ekki
við að kreppa sé í landinu.
» Meira í Morgunblaðinu
Sólarþrá um vetur