24 stundir - 26.08.2008, Blaðsíða 34
34 ÞRIÐJUDAGUR 26. ÁGÚST 2008 24stundir
William Ray Norwood, Jr. sem
ber sviðsnafnið Ray J. fæddist 17.
janúar árið 1981 í Bandaríkj-
unum. Hann er sonur gosp-
elsöngvarans Willie Norwood og
yngri bróðir R&B-söngkonunnar
Brandy. Ray J. hefur komið víða
og er þekktur sem leikari, texta-
höfundur, útgáfustjóri, rappari og
söngvari.
Fjör í svefnherberginu
Auk þess að vera þekktur í tón-
listarlífinu vestanhafs er Ray J.
einnig frægur að endenum en ár-
ið 2006 fór kynlífsmyndband með
honum og Kim Kardashian, dótt-
ur lögfræðings O.J. Simpson, eins
og eldur í sinu um Bandaríkin.
Ray J. og Kim voru á þessum tíma
par og í myndbandinu má sjá þau
í margendurteknum ástarleik en
bæði neituðu að hafa lekið mynd-
bandinu. Segja sumir að ferill Ray
J. sé í raun þetta myndband sem
hann hefur óhikað nýtt sér til
framdráttar til að öðlast frægð og
frama.
Athafnamaður
Ray J. hefur sannarlega ekki
lagt árar í bát eftir sambandsslit
sín við Kim en frá þeim tíma hef-
ur hann leikstýrt klámmynd, gefið
út geisladisk og sést á stefnumót-
um með Whitney Houston og
þykir því hafa plumað sig nokkuð
vel. Þó hefur honum ekki gengið
nógu vel að næla sér í drauma-
konuna og hefur nú verið gengið
frá samningi við sjónvarpsstöðina
VH1 þess efnis að á næsta ári
muni Ray J. sjá um sinn eiginn
stefnumótaþátt. Í fréttatilkynn-
ingu frá sjónvarpsstöðinni segir
að þrátt fyrir að vera þekktur sem
einn alræmdasti glaumgosi hipp-
hopp heimsins vonist hann þó
allra helst til þess að festa ráð sitt
með góðri konu. Leit er nú hafin
að konum sem gætu hugsað sér
að reyna piltinn og ætti ekki að
vera minnsta vandamál fyrir þær
að kynna sér hann gaumgæflega
áður en lengra er haldið.
mó
Glaumgosinn ógurlegi leiður á svallinu
Ray J. vill finna
góða konu
Heitur, sjóðandi og yf-
irleitt í sviðsljósinu fyrir
eitthvað ósæmilegt,
hvernig getur slíkur mað-
ur gengið laus? Rapp-
aranum Ray J. hefur ekki
gengið sem skyldi í ást-
armálunum og hefur nú
ákveðið að taka málin í
sínar eigin hendur.
Mmmm Hver myndi ekki
vilja vakna með þennan
súkkulaðimola á kodd-
anum hjá sér?
Heimildar- og stuttmyndahá-
tíðin Reykjavík Shorts & Docs
stendur nú yfir en hátíðin hófst
um síðastliðna helgi. Herlegheitin
fara fram í Austurbæ en það er
mikið gleðiefni að kvikmyndasýn-
ingar fari fram þar á nýjan leik.
„Við fengum lánaðan Austurbæ,
sem áður var kvikmyndahús, og
gerðum hann alveg upp til sýninga.
Það var ekkert þarna inni, við
fengum tjald og allt annað og er-
um búin að gera þetta mjög flott,“
segir Guðrún Ragnarsdóttir, fram-
kvæmdastjóri Reykjavík Shorts &
Docs.
Á hátíðinni er sýnt gott sam-
ansafn stutt- og heimildarmynda,
jafnt erlendra sem innlendra.
Sýndar eru myndir sem vakið hafa
athygli á stórum kvikmyndahátíð-
um svo sem Cannes og Sundance
og er því ljóst að hér er á ferðinni
mikill hvalreki fyrir unnendur
kvikmynda í öllum mögulegum
lengdum.
Að þessu sinni eru sýndar átta
íslenskar myndir á hátíðinni. Guð-
rún segir að gæði á þeim myndum
gefi til kynna að íslensk kvik-
myndagerð sé á stöðugri uppleið.
„Það er gróska í kvikmynda-
gerðinni á Íslandi. Það eru nýjar
kynslóðir að koma inn og það er
rosalega gaman að sjá. Fólk er
komið misjafnlega langt en allar
myndirnar eru mjög vel gerðar.“
Reykjavík Shorts & Docs stend-
ur yfir fram til föstudags og fer
miðasala á hátíðina fram í Aust-
urbæ. Allar nánari upplýsingar um
dagskrá hátíðarinnar er hægt að
nálgast á vefsíðunni www.short-
docs.info. viggo@24stundir.is
Austurbær iðar af
lífi á nýjan leik
Einmana skyndibitakokkur Ein
fjölmargra mynda sem sýndar eru
á Reykjavík Shorts & Docs.
Ed Robertson, söngvari Bar-
enaked Ladies meiddist lítið sem
ekkert þegar hann brotlenti flug-
vél sinni í Kanada í fyrradag.
Ed var í flugtúr með þrjá farþega
þegar vélin missti lofthraða í
flugtaki á Baptiste-vatninu nærri
Bancroft-skógum. Söngvarinn
neyddist því til þess að brotlenda
inni í skógarjaðri og náði með
kænsku að koma vélinni örugg-
lega niður.
Lögreglan á svæðinu staðfesti að
enginn hefði meiðst en neitaði að
gefa upplýsingar um hverjir voru
í vélinni. Slúðurnetsíða í Kanada
hefur það þó eftir heimamönnum
á svæðinu að aðrir í vélinni hafi
verið liðsmenn sveitarinnar. bös
Söngvari lifir af
flugslys
Íslenski lundinn kunni greinilega
ekki að meta sóðakjaftinn í enska
sjónvarpskokknum Gordon Ram-
sey þegar hann heimsótti Vest-
mannaeyjar fyrir skemmstu. Á
YouTube.com er nú komið mynd-
skeið þar sem Ramsey sést á
lundaveiðum og tekur hann utan
um einn fuglinn og ætlar að kyssa
hann, þess á milli sem hann notar
f-orðið ógurlega. Fuglinn bregst
hinn versti við og glefsar beint í
nef kokksins sem hlýtur þó ekki
mikinn skaða af. Kokkurinn blót-
ar þó enn meira og sleppir fugl-
inum í flýti. bös
Gordon bitinn í
nefið af lunda
FÓLK
24@24stundir.is a
Ray J hefur sannarlega ekki lagt árar í bát eftir sam-
bandsslit sín við Kim en frá þeim tíma hefur hann leikstýrt
klámmynd, gefið út geisladisk og sést á stefnumótum með Whit-
ney Houston og þykir því hafa plumað sig nokkuð vel. poppmenning