24 stundir - 26.08.2008, Blaðsíða 12

12 ÞRIÐJUDAGUR 26. ÁGÚST 2008 24stundir
24stundir
Útgáfufélag:
Ritstjóri:
Fréttastjórar:
Ritstjórnarfulltrúi:
Árvakur hf.
Gunnhildur Arna Gunnarsdóttir
Björg Eva Erlendsdóttir
Magnús Halldórsson
Þröstur Emilsson
Elín Albertsdóttir
Auglýsingastjóri: Gylfi Þór Þorsteinsson Ritstjórn & auglýsingar: Hádegismóum 2, 110 Reykjavík
Aðalsími: 510 3700 Símbréf á fréttadeild: 510 3701 Símbréf á auglýsingadeild: 510 3711
Netföng: frettir@24stundir.is, auglysingar@24stundir.is, 24stundir@24stundir.is,
Prentun: Landsprent ehf.
Umræður um valdabrölt fjölmiðla fyrr og nú eru áberandi síðsumars.
Furðulegar dagbókarfærslur Matthíasar Johannessen eru góður grunnur
að slíkum hugleiðingum en fleira kemur til sem stendur okkur nær í tíma.
Dagbækur Matthíasar eru augljóslega hvorki samboðnar ritstjóra né
skáldi. Gróa á Leiti hefði ekki getað slegið hann út á för sinni milli bæja
þótt hún hefði haft með sér bestu gerð af fartölvu. En gamlar valdalínur
blasa við.
Forseti Íslands má vel við una. Þeir sem Össur Skarphéðinsson kallar
heimastjórnarráðherrana og kollegi þeirra Matthías hafa nú tryggt Ólafi
Ragnari Grímssyni samúðarfylgi eins lengi og hann vill vera forseti. Dor-
rit varpar svo viðbótarljóma á embættið og gamlir valdsmenn eiga ekki
sjéns.
Það hjálpar heimastjórnarmönnunum ekki einu sinni að Ríkissjón-
varpið geri Ólympíuleikana að sérstakri hátíð fyrir ráðherra Sjálfstæð-
isflokksins en setji forsetann til hliðar eftir að Ísland tók við silfrinu í
Kína.
Formaður Blaðamannafélags Íslands bendir á mikilvægt atriði í 24
stundum í síðustu viku. Arna Schram er spurð hvort birting dagbóka
Matthíasar samrýmist starfsreglum blaðamanna og hún svarar að trún-
aðarsamtölin við ritstjórann hafi verið við valdsmanninn en ekki blaða-
manninn Matthías. Og enginn neitar því að Morgunblaðið hafi verið
pólitísk valdastofnun frá upphafi.
Menn hafa hinsvegar keppst við að lofsyngja frelsi íslenskra fjölmiðla
eftir að flokksblöðin liðu undir lok. Nema þá áðurnefndir heimastjórn-
armenn sem grunuðu svokallaða Baugsmiðla um græsku og valdalausir
vinstri menn sem höfðu horn í síðu mannaráðninga á
Ríkisútvarpinu. Eftir sneypuleg endalok fjölmiðla-
frumvarps unnu „Baugsmiðlar“ mikið starf til að
koma á sáttum við ráðandi öfl í þjóðfélaginu. Þar var
fetuð þekkt slóð. Menn úr valdastöðum þjóðfélagsins
voru veiddir og þeim fengnir stjórastólar og há laun.
En hvaða ritstjórar, fréttastjórar, eða útvarpsstjórar
eru valdsmenn árið 2008? Sjá þeir bara sumar fréttir
en taka ekki eftir vafasömum veiðiferðum viðskipta-
jöfra og hálfpólitíkusa?
Blaðamannafélagið fylgir vonandi fordæmi for-
mannsins og opnar nýja og frísklega umræðu um
fjölmiðla og vald, því hún á alltaf rétt á sér. Valdatafl,
með fjölmiðla að vopni, leið síður en svo undir lok
með flokksblöðunum.
Á valdaveiðum
Magnús Skúlason, fulltrúi Ólafs
F. í skipulagsráði, náði varla að
sitja nema einn fund í ráðinu.
Nú er komið nýtt
skipulagsráð og
vekur sérstaka
athygli að fulltrúi
Framsókn-
arflokksins þar
er Sigmundur
Davíð Gunn-
laugsson sem
hefur haldið uppi
merkilegri umræðu um skipu-
lagsmál í Reykjavík, þar á meðal
í Silfri Egils eins og má sjá hér.
Framsókn fær prik fyrir að skipa
hann í ráðið – það er heldur alls
ekki víst að hugmyndir hans og
Óskars Bergssonar fari alltaf
saman.
Egill Helgason
eyjan.is/silfuregils
BLOGGARINN
Nýtt ráð
Ég hef áður bent á það að þrátt
fyrir að ríkisstjórn Íslands hafi
uppi metnaðarfull áform um að
bæta tækjakost
Landhelgisgæsl-
unnar á næstu ár-
um og hefði stig-
ið stór skref í því
sambandi myndu
Íslendingar einir
aldrei geta sinnt
því hlutverki sem
Bandaríkjamenn
hafa sinnt við öryggis- og björg-
unarmál í Norður-Atlantshafi á
síðustu áratugum. Íslenska ríkið
hefði einfaldlega ekki bolmagn til
þess að tryggja allan þann tækni-
búnað sem Bandaríkjamenn
höfðu yfir að ráða efna eftirlits-
og björgunarmála meðan þeir
höfðu hér viðveru.
Sigurður Kári Kristjánsson
sigurdurkari.blog.is
Ekki bolmagn
Ætli það sé tilviljun að framsókn-
armaðurinn Guðni Ágústsson
hefji fundarherferð sína sama dag
og framsókn-
armaðurinn Bar-
ack Obama hefur
formlega kosn-
ingabaráttu sína
fyrir forsetakosn-
ingarnar í Banda-
ríkjunum …
Allavega er ljóst
að fundirnir í
kvöld eru báðum framsókn-
armönnunum mikilvægir.
… Guðni stefnir á að endurreisa
fylgi Framsóknarflokksins og
verður að standa sig vel á Borg-
arnesfundinum í kvöld og á
haustdögum ef hann ætlar að
auka fylgið og halda formennsk-
unni í flokknum.
Hallur Magnússon
hallurmagg.blog.is
Aukið fylgi
Björg Eva
Erlendsdóttir
beva@24stundir.is
Er réttlætanlegt að fórna umferðaröryggi
barna fyrir aðeins meira umferðaröryggi
ökumanna? Hvort vegur þyngra, bætt aðgengi að
Reykjanesbraut og þjónustu á Ásvöllum eða umferð-
aröryggi barnanna okkar? Þurfum við banaslys til að
gera okkur grein fyrir alvöru málsins? Eiga börnin okk-
ar ekki rétt á sambærilegu umferðaröryggi og önnur
börn í Hafnarfirði? Deiliskipulag Reykjanesbrautar hef-
ur verið kynnt og hafa íbúar sent inn formlegar at-
hugasemdir án þess að hafa fengið formleg svör. Deili-
skipulagið gerir ráð fyrir mislægum gatnamótum þar
sem opnað verður fyrir umferð af Reykjanesbraut með
tengingu við Suðurbraut. Árið 2006 fóru 11.000 bílar á
sólarhring um þann hluta Reykjanesbrautar og talið er
að árið 2024 muni umferðin vera komin upp í 26.000
bíla. Hluta af þessum umferðarþunga á að beina inn í
íbúðarbyggð með 30 km hámarkshraða. Í áliti Skipu-
lagsstofnunar kemur fram að helstu neikvæðu áhrif
framkvæmdanna á umferðaröryggi sé hætta á auknum
gegnumakstri við Hvaleyrarskóla. Hvaleyrarskóli er 600
barna skóli og það er algjörlega ábyrgðarlaust að hleypa
umferð af fjórfaldri hraðbraut inn í íbúðarbyggð og
beint framhjá skólanum. Í áliti skipulagsstofnunar kem-
ur fram að umferðaröryggi fyrir bílaumferð muni batna
en aukin umferð um Suðurbraut muni hafi neikvæð
áhrif á gangandi vegfarendur, sérstaklega við Hvaleyr-
arskóla. Nú þegar er umferð um Suðurbraut mjög mikil
og ljóst er að aukin umferð mun stórminnka umferð-
aröryggi ásamt því að auka hávaða og mengun. Börn í
Hvaleyrarskóla sækja íþrótta- og sundkennslu á Ásvöll-
um og þurfa því að fara nokkrum sinnum í viku yfir í
Vallarhverfið. Það mun verða ógjörlegt fyrir foreldra að
hvetja börnin sín til að ganga eða hjóla
á æfingar sökum umferðarhættu. Að
opna umferðina mun þýða að börnin
okkar búi við alversta umferðaröryggi
bæjarins og þar með er ekki jafnræði
m.t.t. umferðaröryggis meðal barna í
Hafnarfirði. Foreldraráð Hvaleyr-
arskóla skorar á bæjaryfirvöld að falla
frá því að opna fyrir umferð í gegnum
Hvaleyrarholtið.
Höfundur er formaður
Foreldraráðs Hvaleyrarskóla og á þrjú börn.
Hvers virði eru börnin okkar?
ÁLIT
Sveindís
Jóhannsdóttir
sveindis@talnet.is
www.tskoli.is
Tæknimenntaskólinn óskar eftir að ráða
stundakennara á haustönn. Um er að ræða
kennslu í eftirtöldum áföngum:
Þýska: ÞÝS 103 (6 stundir á viku).
Saga: SAG 103 (6 stundir á viku).
Lífsleikni (12 stundir á viku).
Nánari upplýsingar veitir Haukur Gunnarsson í
síma 863 0363 og í tölvupósti: hau@tskoli.is.
Stundakennarar
óskast