24 stundir - 26.08.2008, Blaðsíða 8
8 ÞRIÐJUDAGUR 26. ÁGÚST 2008 24stundir
Fyrrverandi forsætisráðherrann
Nawaz Sharif tilkynnti í gær að
hann hefði ákveðið að draga flokk
sinn úr ríkisstjórn Pakistans.
Flokkurinn er annar stærsti flokk-
ur landsins, en stjórnin hefur ekki
komið sér saman um hvort eigi að
skipa þá dómara, sem fyrrverandi
forsetinn Pervez Musharraf rak,
aftur í embætti.
Flokkur Sharifs hefur einnig átt í
deilum við stærsta flokkinn, PPP,
um hver eigi að taka við sem næsti
forseti landsins. Reiknað er með að
Asif Ali Zardar, leiðtogi PPP og
ekkill Benazir Bhutto, verði kjör-
inn forseti 6. september.
Ákvörðun Sharifs ýtir enn frekar
undir efnahagslegan óstöðugleika,
en mikið óvissuástand hefur ríkt í
landinu síðustu mánuði.
Gengi pakistönsku rúpíunnar
féll um tvö prósent til viðbótar í
gær og hefur aldrei verið lægra.
aí
Enn deilt um dómarana í Pakistan
Dregur flokkinn úr
samsteypustjórninni
Danska þingið hefur samþykkt
að stærsti vindmyllugarður heims
muni rísa milli Djursland á Jót-
landi og eyjarinnar Anholt í Katte-
gat fyrir árið 2012. Reistar verða
um hundrað risavindmyllur með
samanlagða framleiðslugetu upp á
400 megavött.
Áætlað er að garðurinn komi til
með að kosta jafnvirði um 50 millj-
arða króna og að myllurnar komi
til með að framleiða rafmagn fyrir
um 400 þúsund dönsk heimili.
Uppbygging vindmyllugarðsins er
liður í því að draga úr útblæstri
Dana á gróðurhúsalofttegundum.
Danskir þingmenn eru jafnframt
sammála um að hefja rannsóknir á
öðrum vindmyllugarði við Læsø og
Kriegers Flak í Eystrasalti. Kriegers
Flak er sérstaklega vel til þess fallið
að reisa vindmyllugarð vegna mik-
ils grunnsævis, en svæðið tilheyrir
Danmörku, Svíþjóð og Þýskalandi
og hafa öll ríkin áætlanir um að
reisa þar vindmyllur.
Danskir jafnaðarmenn, sem eru
í stjórnarandstöðu, eru mjög
ánægðir með ákvörðunina um
uppbyggingu vindmyllugarðsins í
Kattegat og segja það mikinn sigur
fyrir þá. atlii@24stundir.is
Vindmyllugarður í Kattegat
Verður sá stærsti
Eftir Atla Ísleifsson
atlii@24stundir.is
Þúsundir bandarískra demókrata
eru nú samankomnar í Denver í
Colorado-ríki til að sækja flokks-
þing demókrata. Barack Obama
mun á þinginu formlega hljóta út-
nefningu sem forsetaefni flokksins í
forsetakosningunum sem fram fara
þriðjudaginn 4. nóvember.
Mætir á morgun
Eiginkona Obama, Michelle,
flutti stefnuræðu fyrir hönd eigin-
manns síns í gærkvöldi. Obama
mun sjálfur mæta til flokksþingsins
á morgun þar sem hann sækir nú
kosningafundi á stöðum þar sem
þykir mjótt á munum milli hans og
Johns McCains, forsetaefnis repú-
blikana.
Talsmenn Demókrataflokksins
hafa reynt að draga úr þeim sögu-
sögnum að sundurlyndi ríki innan
herbúða demókrata vegna vals
Obama á öldungadeildarþingmann-
inum Joe Biden sem varaforsetaefni.
Að sögn eru margir stuðnings-
menn Hillary Clinton, helsta and-
stæðings Obama í forvali demó-
krata, reiðir þar sem hún hafi aldrei
alvarlega komið til greina í hlutverk-
ið.
80 þúsund manns
Obama mun formlega taka við
útnefningu flokksins á fimmtudag-
inn, er hann ávarpar 80 þúsund
manns á INVESCO Field, leikvangi
ruðningsliðsins Denver Broncos.
Talsmaður Obama segir að gleði
og hamingja muni einkenna flokks-
þingið. Á forsetaframbjóðandinn að
hafa verið í sambandi við hjónin Bill
og Hillary Clinton og eru allir sam-
mála um að vinna sem best að því
að skapa sem mesta einingu innan
flokksins.
Hillary hefur sjálf hvatt stuðn-
ingsmenn sína til að greiða Obama
atkvæði á miðvikudagskvöldið.
Fréttaskýrandi BBC telur þó vel
hugsanlegt að margir þeirra muni
ekki verða við ósk hennar og greiða
henni atkvæði í táknrænni athöfn.
Ekki gróið um heilt
Nýleg könnun Wall Street Journal
leiddi í ljós að einungis 52 prósent
stuðningsmanna Hillary Clinton
hafa gert upp hug sinn og kjósa
Obama í nóvember. Fimmtungur
sagðist ætla að kjósa McCain og
rúmur fjórðungur er enn óákveð-
inn.
Þó að flokksþingið hafi formlega
verið sett í gær fór fram trúarsam-
koma fyrir fylgjendur allra trúar-
bragða í Colorado-ráðstefnumið-
stöðinni í Denver á sunnudaginn.
Talið er að með samkomunni hafi
demókratar reynt að höfða sérstak-
lega til mjög trúaðra kjósenda, en
kannanir sýna fram á nokkuð
öruggt forskot McCains meðal
þeirra.
Flokksþing
demókrata hafið
Þúsundir bandarískra demókrata eru samankomnar í Denver
Einhver reiði ríkir meðal hluta stuðningsmanna Hillary Clinton
➤ Michelle, eiginkona Obama,flutti stefnuræðu í gærkvöldi.
➤ Í dag: Mark Warner, fyrrver-andi ríkisstjóri í Virginíu, flyt-
ur stefnuræðu, auk þess sem
Hillary Clinton flytur ræðu.
➤ Á morgun: Meðal ræðu-manna eru Bill Clinton, fyrr-
verandi forseti, og Joe Biden,
varaforsetaefni Obama.
➤ Fimmtudagur: Obama tekurvið útnefningunni sem for-
setaefni demókrata, auk þess
sem hann flytur ræðu.
DAGSKRÁ ÞINGSINS
NordicPhotos/AFPÞing Öllu er tjaldað til svo að flokksþingið verði sem glæsilegast.Sonur manns sem er efst-
ur á lista stofnunar Simon
Wiesenthal í Ísrael yfir
eftirlýsta nasista, vill að
faðir sinn verði úrskurð-
aður látinn svo að hann
komist yfir auðæfi föður
síns og geti gefið þau til
rannsóknarverkefna á
þeim stað sem faðirinn
framdi glæpina.
Ariberts Heim, sem hefur hlotið viðurnefnið „Doktor Dauði“, hefur
verið saknað um margra ára skeið, en hann er sakaður um að hafa
pyntað og framkvæmt viðurstyggilegar tilraunir á fjölda fólks í Maut-
hausen-einangrunarbúðunum í Austurríki á tímum seinni heimsstyrj-
aldar. Sé hann á lífi er hann nú 94 ára gamall.
Ekkert hefur spurst til Heim frá árinu 1962. Sonur hans, Ruediger, seg-
ir þó að honum og móður hans, hafi borist dularfull bréf, 1962 og
1967, hugsanlega frá Heim, þar sem stóð „Ég hef það fínt.“ Ruediger
segist þó ekki viss um að bréfin hafi í raun komið frá föður hans. aí
Verði úrskurðaður látinn
Dóttir Margaret Thatcher, fyrr-
um forsætisráðherra Bretlands,
lýsir andlegri hrörnun móður
sinnar í nýrri bók sem kemur út í
næsta mánuði. Carol Thatcher
segir að móðir hennar eigi í
vandræðum með að ljúka setn-
ingum, viti ekki hvar hún eigi
heima og gleymi jafnvel að eig-
inmaður hennar Denis sé látinn,
en hann lést árið 2003.
Hin 82 ára Thatcher er sögð þjást
af elliglöpum og hefur heilsu
hennar hrakað mikið eftir röð
minni háttar heilablóðfalla.
Carol segir að Járnfrúin hafi sýnt
fyrstu merki elliglapa fyrir um
áratug og hafi þá meðal annars
ruglast á stríðinu á Balkanskaga á
tíunda áratugnum og Falklands-
eyjastríðinu 1982.
Margaret Thatcher gegndi emb-
ætti forsætisráðherra Bretlands á
árunum 1979 til 1990. aí
Lýsir andlegri
hrörnun móður
Tveir þingmenn simbabvesku
sjónarandstöðunnar voru hand-
teknir er þeir mættu til að taka
sæti á þinginu, fimm mánuðum
eftir kosningarnar í landinu.
Talsmaður MDC, flokks Morgans
Tsvangirai, sagði að lögregla vildi
handtaka 15 þingmenn svo að
flokkur Roberts Mugabe ynni
kjör þingsins um nýjan þing-
forseta. Það gekk þó ekki eftir. aí
Tveir þingmenn
teknir höndum
Leitarmenn hafa gefið upp alla
von um að finna átta fjall-
göngumenn á lífi eftir að snjóflóð
féll á mennina í hlíðum Mont-
Blanc du Tacul í frönsku Ölp-
unum á sunnudaginn. Slysið er
mannskæðasta fjallgönguslysið í
Evrópu í rúman áratug.
Að sögn skipuðu fimm Austur-
ríkismenn og þrír Svisslendingar
fjallgönguhópinn. aí
Átta létust á
Mont Blanc
Flugöryggi stafar hætta af því ein-
elti sem tíðkast meðal eldri og
yngri flugmanna hjá flugfélaginu
SAS í Noregi. Í leynilegri skýrslu
norsku flugmálastofnunarinnar
segir að SAS verði að grípa til taf-
arlausra aðgerða vegna ástandsins
og er vinnuumhverfið í flugstjórn-
arklefunum harðlega gagnrýnt.
„Menn innan beggja hópa beita
aðra flugmenn einelti og dregur ófélagslyndið úr öryggissamstarfinu í
flugstjórnarklefanum,“ segir í skýrslunni. Í nýlegri könnun meðal
starfsmanna SAS kemur fram að fimmti hver flugmaður telur sig hafa
verið beittan einelti á vinnustað. atlii@24stundir.is
Einelti í flugstjórnarklefanum
STUTT
● Sprengjuárás Danskur her-
maður lét í gær lífið í Helm-
and-héraði í Afganistan þegar
bíll, sem hann var í, lenti á
heimatilbúinni sprengju. Mað-
urinn var fluttur á hersjúkra-
hús þar sem hann af sárum
sínum.
● Úr landinu Nuri al-Maliki,
forsætisráðherra Íraks, segir
að bandarísk stjórnvöld og
Írakar hafi náð samkomulagi
um, að erlendur her fari út úr
landinu fyrir árið 2011.
● Mávar Skosk stjórnvöld hafa
lýst yfir stríði gegn sífellt árás-
argjarnari borgarmávum.
Fyrsta orrustan verður háð í
vor í bænum Dumfries þegar
sérstakur „átakshópur“ mun
eyða hreiðrum mávanna og
hrekja þá á brott.