Skinfaxi - 01.11.1941, Blaðsíða 46

94
SKINFAXI
hún verður undir hraunstorku blaðanna. Fara menn ekki hráð-
um að kvarta um, að jafnvel Jónas sé of þungur? Kennarar
þurfa að gefa þessari bók gætur. Væri það óskynsamlcgt, að
t, d. íslenzkukennarar héraðsskólanna færu yfir þessa bók
í vetur orð fyrir orð? Nemendum væri það eins hollt og
einhvers konar yfirlitshrafl bókmenntanna. Hið þróttmesta
á 19. öld og merkasti arfur eldri tima fellur þeim i skaut,
er kynnir sér vel ævi og störf Jónasar Hallgrímssonar. Ung-
mennafélagar, munið að hafa „Ljóð og sögur“ með ykkur á
fundi i vetur! E. J. E.
Ragnheiður Jónsdóttir: Arfur. Skáldsaga. Rvik
1941. Útg. ísafoldarprentsmiðja.
Frú Ragnheiður hefir nokkuð fengizt við skáldskap og þótt
takast vel. Nú færist hún mest i fang, er hún semur all-langa
skáldsögu. Ótvirætt er hún gerð eftir forskrift raunsæisstefn-
unnar. En hún er varasöm að tvennu leyti einkum: Skáld
hennar mála oft með of dökkum litum og einkum þau, sem
eru að eðlisfari rómantísk, en hafa af misskilningi eða þráa
ritað í raunsæisanda. Hins vegar hættir raunsæisskáldunum
við, er þau vilja vera sem hófsömust og hafa allt sem rétt-
ast, að frásögnin verði hversdagsleg (barnaleg). Ilins siðara
gætir talsvert í þessari sögu. Rókin mun sýna allrétta mynd
af nútímalífinu í hinum stærstu bæjum okkar. Og myndin er
ekki aðeins rétt, svo langt sem hún nær, að baki hennar verð-
ur vart umbótavilja höfundarins. Rarnaverndarnefndir liefðu
t. d. gott af því að kynna sér bóki'na. Saga þessi er þess
verð, að hún sé lesin og að menn hugsi um efni hennar.
E. J. E.
Auk umgetinna bóka hafa Skinfaxa verið send þessi rit:
Theodór Arnbjörnsson: Sagnaþættir úr Húnaþingi. Rvík 1941.
133 bls. með myndum. Arnór Sigurjónsson ritar formála.
Verð kr. 12.00. Ágæt bók, einkum fyrri hlutinn.
Ásmundur Guðmundsson: Haraldur Nielsson. Rvík 1938. —
59 s. Verð kr. 2.50. Vandað rit og vel samið.
Hugrún: Mánaskin. Ljóðmæli. Rvik 1941. 191 s. Verð kr. 8.00.
Snoturt kver.
Útgef. allra ísafoldarprentsmiðja h.f.