Tímarit lögfræðinga - 01.10.1984, Side 11

í kosningunum 1934 fékk Guðbrandur 921 atkvæði, en Einar var enn næstur
með 649 atkvæði. í kosningunum 1937 var Guðbrandur ekki í kjöri. Hann fór
á ný í framboð í kosningum þeim, sem háðar voru á fimmta áratugnum, en
þá var kosið fjórum sinnum til Alþingis. ísberg var þá jafnan í kjöri í Vestur-
Húnavatnssýslu, en Skúli heitinn Guðmundsson var þá ósigrandi í því kjör-
dæmi. Fékk sýslumaðurinn þó drjúgt fylgi, þótt ekki kæmist hann eins langt
og Jón sonur hans í kosningunum 1953, sem frægt varð á sinni tíð, þótt
Skúli stæði það af sér. Hann var í menntamálanefnd og sjávarútvegsnefnd og
lét sig mörg mál varða. Það er löggjöfinni til gagns að á Alþingi sitja góðir
menn, vitrir og velviljaðir. ísberg var einn þeirra.
Vinátta hans og fjölskyldu hans við fjölskyldu mína hefur staðið svo lengi
sem ég man eftir mér og lengur. En á menntaskólaárum sínum mun hann hafa
verið í heimili hjá föðurmóður minni. Sambandið hélst áfram og var mikið
á þingmannsárum ísbergs. Sérstök ánægja var að heimsóknum hans á æsku-
heimili mitt að Kleppi í hádeginu á sunnudögum. Við, sem yngst vorum, sann-
reyndum þá umburðarlyndi hans.
Þegar lögfræðingsins, þingmannsins og yfirvaldsins Guðbrands ísbergs er
minnst, koma þessar minningar um manninn sjálfan upp í hugann.
íslenskir lögfræðingar minnast hans með virðingu, þakklæti og hlýju.
Ragnhildur Helgadóttir
65