Tímarit lögfræðinga - 01.10.1991, Blaðsíða 38
stórauknu starfi félagsins. Á aðalfundinum þetta ár var Ármann Snævarr
þáverandi hæstaréttardómari kosinn formaður félagsins. Með honum í stjórn
voru kosnir Ólafur St. Sigurðsson héraðsdómari, Jón Eysteinsson bæjarfógeti í
Keflavík, Hrafn Bragason borgardómari og Jón ísberg sýslumaður. Á aðalfundi
árið eftir lagði stjórnin fram ítarlega skýrslu um starfsemi félagsins milli
aðalfundanna. Skýrslan er ótvíræður vitnisburður um aukinn kraft í starfsemi
félagsins. Tvennt vekur sérstaka athygli í þessari skýrslu: Stóraukin erlend
samskipti Dómarafélags Islands við erlenda dómara með tengslum við dómara-
félög á Norðurlöndum og heimsókn dómara frá Bandaríkjunum í maí 1978 og
frásögn af sérstöku málþingi um samningu dóma sem félagið stóð fyrir 15. apríl
það ár. I framhaldinu verður fjallað um einstaka þætti í starfsemi félagsins á
sama hátt og í kaflanum hér að framan.
5.5.1 Málefni félagsins
Því er lýst hér að framan að mesti hlutinn af starfsemi félagsins á tímabilinu
1964-1977 var bundinn við aðalfundi. Fundir stjórnar þess á milli voru fáir og
stundum engir. Almennir félagsfundir milli aðalfunda voru óþekktir. Þá þóttu
fundir helst til fámennir á stundum. Þetta breytist mjög við upphaf þess tímabils
sem hér um ræðir. Á starfsárinu 1977-1978 voru til að mynda haldnir 10 bókaðir
stjórnarfundir, auk fjölmargra funda formanns og einstakra stjórnarmanna sem
ekki voru færðir til bókar. Á starfsárinu 1978-1979 voru bókaðir fundir stjórnar
20. Þá bera fundargerðir með sér að fundarsókn hafi aukist mjög. Þessar tölur
vitna um aukna starfsemi félagsins. Á aðalfundi 1978 skilaði stjórnin rækilegri
skýrslu um starf félagsins undanfarið starfsár. Skýrslan er einstök heimild um þá
stökkbreytingu sem þarna varð. í 1. kafla hennar er gerð grein fyrir skipun
stjórnarinnar og skiptingu starfa. Þá er þar greint frá heimsókn dómara frá
Bandaríkjunum og maka þeirra í maí 1978. Sérstakur kafli er þar um málþing
Dómarafélags íslands um dómasamningu sem haldið var í apríl 1978. Málþingið
var það fyrsta sinnar tegundar sem félagið hélt. Þá greinir skýrslan frá viðleitni
stjórnarinnar til að efla tengsl félagsins við dómarafélög á Norðurlöndum o.fl.
Eitt mál enn sem varðar málefni félagsins hefur ekki verið nefnt, en það eru
húsnæðismálin. Stjórnin sem kosin var 1977 taldi brýnt að tryggja stjórn
félagsins og nefndum á vegum þess aðstöðu til fundahalda og varðveislu á
gögnum félagsins. Var ráðist í það að taka á leigu húsnæði að Hverfisgötu 26 í
Reykjavík með Dómarafélagi Reykjavíkur, Félagi dómarafulltrúa, ríkisstarfs-
mannadeild Lögfræðingafélags íslands og Kjarafélagi viðskipta- og hagfræð-
inga. Síðar var skrifstofa félagsins flutt að Lágmúla 7 í Reykjavík.
5.5.2 Hagsmuna- og kjaramál
Bein hagsmuna- og kjarabarátta hefur orðið æ minni þáttur í starfsemi
félagsins eftir því sem árin hafa liðið. Frá 1977 ber hæst baráttu félagsins fyrir því
196