Tímarit lögfræðinga - 01.10.1991, Qupperneq 56

FIMMTA NORRÆNA NÁMSTEFNAN UM RÉTTARFAR
Dagana 13.-15. júní 1991 var fimmta norræna námstefnan um réttarfar haldin
á Selfossi á vegum Norræna réttarfarsfélagsins. íslandsdeild félagsins sá um
undirbúning námstefnunnar en framkvæmdastjóri hennar var Karitas Gunnars-
dóttir hdl.
Að loknu setningarávarpi Stefáns Más Stefánssonar prófessors minntist
formaður félagsins Hans M. Michelsen hæstaréttardómari fyrsta formanns
félagsins, Per Olöf Ekelöf frá Svíþjóð, sem er fallinn frá.
Á námstefnunni var fyrst gerð grein fyrir helstu breytingum á réttarfarslöggjöf
á Norðurlöndunum sem orðið hafa á undanförnum árum. Einn framsögumaður
talaði frá hverju Norðurlandanna og gerði grein fyrir réttarfarsbreytingum í
heimalandi sínu. Framsögumenn voru þessir: Eva Smith prófessor, Danmörku,
Gustaf Möller héraðshöfðingi, Finnlandi, Hrafn Bragason hæstaréttardómari,
Islandi, Hans M. Michelsen hæstaréttardómari, Noregi og Ulla Jacobsson
prófessor, Svíþjóð. Að framsögu lokinni flutti Hans M. Michelsen hæstaréttar-
dómari yfirlit um sögu hæstaréttar Noregs.
Að öðru leyti voru tekin fyrir og rædd þrjú umræðuefni. Hið fyrsta var um
Luganosamninginn. Gustaf Möller og Stefán M. Stefánsson prófessor fluttu
fyrirlestra um það efni en að þeim loknum var fyrirspurnum svarað. Annað
umræðuefnið var 6. gr. Mannréttindasáttmála Evrópuráðsins. Framsögumaður
var Þór Vilhjálmsson hæstaréttardómari og svaraði hann fyrirspurnum að
framsögu lokinni. Þriðja og síðasta umræðuefnið fjallaði um aðstoð sérfræðinga
við meðferð dómsmála. Framsögumenn voru Hans Gammeltoft-Hansen um-
boðsmaður danska þjóðþingsins og Henrik Edelstamm, lögfræðingur frá Sví-
þjóð. Að loknum þessum fyrirlestrum urðu líflegar umræður.
Fundur var haldinn í félaginu 15. júní. Hans M. Michelsen hæstaréttardómari
var endurkjörinn formaður. Aðrir stjórnarmenn voru einnig endurkjörnir en
þeir eru: Ulla Jackobsson frá Svíþjóð, P.O. Tráskman prófessor frá Finnlandi,
Hans Gammeltoft-Hansen frá Danmörku og Stefán M. Stefánsson frá íslandi.
Framkvæmdastjóri félagsins er Eva Smith prófessor. Næsta námstefna er
fyrirhuguð í Danmörku að liðnum þremur árum.
Þessir menn sóttu námstefnuna frá íslandi auk þeirra sem fyrr er getið: Anna
Theodóra Gunnarsdóttir, Atli Gíslason, EiríkurTómasson, Friðgeir Björnsson,
Gaukur Jörundsson, Guðrún Erlendsóttir, Guðrún Gauksdóttir, Ólafur W.
Stefánsson, Ragnhildur Helgadóttir, Skúli Guðmundsson, Steingrímur Gautur
Kristjánsson, Valtýr Sigurðsson og Viðar Már Matthíasson.
Reykjavík í ágúst 1991
Stefán M. Stefánsson
214