Morgunblaðið - 18.06.2010, Blaðsíða 9
Fréttir 9INNLENT
MORGUNBLAÐIÐ FÖSTUDAGUR 18. JÚNÍ 2010
5 litir - Str. 36-58
Bæjarlind 6, sími 554 7030
Eddufelli 2, sími 557 1730
www.rita.is
Stutterma
bolir
Verð 4.900 kr.
Útsala
Bonito ehf. Friendtex,
Faxafen 10, 108 Reykjavík, sími 568 2870 – www.friendtex.is
Opið mánudaga – föstudaga 11.00-18.00
laugardaga 11.00-16.00
á vor- og sumarvöru
Friendtex 2010
Laugavegi 82,
á horni Barónsstígs
sími 551 4473
Fjölbreytt úrval
Bikinídagar
15-25 %
afsláttur
Ingibjörg Rósa Björnsdóttir
ingibjorgrosa@mbl.is
Leik- og grunnskólar í Vesturbænum
munu taka þátt í tilraunaverkefni í
haust þar sem gæðakröfur og mat-
seðlar í mötuneytunum verða sam-
ræmd, eins og sagt var frá í Morg-
unblaðinu á mánudag. Nýju
matseðlarnir eru enn í þróun en at-
hygli vekur að þar hafa t.d. unnar
matvörur og kakósúpa verið fjar-
lægðar af borðum skólabarna. Sig-
urveigu Káradóttur, Margréti Gylfa-
dóttur og Sigurrós Pálsdóttur, sem
lýstu baráttu sinni fyrir aukinni holl-
ustu í skólamötuneytum borgarinnar
í Morgunblaðinu síðasta sunnudag,
líst ágætlega á þessa nýju matseðla.
„Þetta er allt annað en það sem við
höfum verið að skoða og þarna er bú-
ið að taka út bjúgu, kjúklinganagga
og unninn fisk, eins og við höfum unn-
ið að. Þarna er kominn inn t.d. bauna-
réttur og grænmetisréttur en það eru
áfram kjöt- og fiskbollur og þá þarf
að tryggja að ekki séu notaðar fars-
bollur,“ segir Margrét.
Hvað um hina skólana?
Þeim stöllum finnst fljótt á litið
sem tekið hafi verið mark á at-
hugasemdum þeirra. Þó segist Mar-
grét hafa áhyggjur af matseðlum
þeirra skóla sem ekki taka þátt í til-
raunaverkefninu, en þar verði eldri
matseðlar væntanlega notaðir áfram.
„Þessa rétti sem eru á nýju matseðl-
unum er alla hægt að elda í eldhúsum
skólanna. Augljóslega hefur líka verið
tekið tillit til leiðbeininga frá Lýð-
heilsustöð en það var nú reyndar líka
sagt um eldri matseðlana. En auðvit-
að veltur þetta heilmikið á fólkinu
sem vinnur í eldhúsunum.“ Í Síðdeg-
isútvarpi Rásar 2 á mánudag mættu
Sigurrós Pálsdóttir og Ragnar Þor-
steinsson, sviðsstjóri menntasviðs, í
viðtal til að ræða gagnrýni þremenn-
inganna. Kom þar fram í máli Ragn-
ars að innihaldslýsingar unninnar
matvöru hefðu komið honum á óvart
og velti hann fyrir sér hvort slíkar
vörur stæðust almennar gæðakröfur.
Þá sagði hann að samkvæmt könnun
færu matráðar skóla eftir viðmiðum
Lýðheilsustöðvar í flestum tilfellum,
en þar hefði reyndar verið um sjálfs-
mat að ræða.
Vöntun á eftirliti
Í samtali við Morgunblaðið í gær
sagði Sigurrós um þetta: „Ef þú ert
matreiðslumaður og hefur metnað í
starfi hefði ég haldið að þú skoðaðir
vel hvað þú ert að gefa börnunum og
leitaðir þér upplýsinga. Mér finnst
ekki hægt að skella skuldinni á neinn
einn í þessu máli. Það vantar eftirlit
og miðstýringu. Lýðheilsustöð gefur
út viðmið og svo er bara gert ráð fyrir
að eftir því sé farið. Og að láta fólk
sjálft meta vinnubrögð sín þykir mér
dálítið tilgangslaus könnun. Sumir
vilja auðvitað halda vinnunni og svara
ekki endilega sannleikanum sam-
kvæmt.“
Tilraunaverkefni mötuneyta leik- og grunnskóla Vesturbæjar frá sept. til áramóta
Nýir matseðlar lofa góðu
Sýnishorn af drögum að hráefnismatseðli
Mánudagur
KJÖT
Aðalréttur: (próteingjafi):
Kjöt (max 10% fita)
Tillaga:
Kjötsúpa með kartöflum,
grænmeti og hrís-
grjónum.
Ávöxtur
Þriðjudagur
FISKUR
Aðalréttur:
Fiskur
Tillaga:
Ofnsteiktur fiskur.
Búlgur með matarolíu.
Spergilkál og gulrætur
og súrsæt sósa. Mjólk
með matnum
Ávöxtur
Miðvikudagur
TÓMATSÚPA
(eða annar spónmatur)
Tillaga:
Tómatsúpa, gróft brauð,
viðbit, ostur og skorið
grænmeti
Ávöxtur
Fimmtudagur
FISKUR
Aðalréttur:
Fiskur
Tillaga:
Karrýfiskréttur og kartö-
flur. Blómkál, gúrkur
og tómatar. Mjólk með
matnum.
Ávöxtur
Föstudagur
GRÆNMETISRÉTTUR
Aðalréttur:
Grænmetisréttur
Tillaga:
Álfabakstur (bauna-
réttur), kúskús með
matarolíu. Kál, paprika
og ananas.
Heita tómatsósa með
kryddjurtum. Gróft
brauð með viðbiti
Ávöxtur
Næringarlæsi er mikilvægt fyrir
neytendur sem vilja vera vel upp-
lýstir og má finna innihaldslýsingar
matvæla á heimasíðum framleið-
enda á borð við SS, Kjarnafæði,
Goða og Norðanfisk. Þá er hægt að
nálgast upplýsingar um næring-
argildi matvæla á síðunni hvaderi-
matnum.is en þar er um meðaltal-
stölur að ræða sem gilda ekki
endilega um einstakar vöruteg-
undir. Hólmfríður Þorgeirsdóttir,
verkefnisstjóri næringar hjá Lýð-
heilsustöð, segir matvæli eiga að
vera merkt innihaldslýsingu þar
sem hráefni í vörunni eru talin upp
eftir minnkandi magni. „Svo eru
stundum næringargildismerkingar
líka en framleiðendur eru ekki
skyldugir til að hafa þær. Þar stend-
ur hversu mikil orka er í vörunni,
prótein, fita og kolvetni o.fl. Ráð-
leggingar Lýðheilsustöðvar miða að
því að draga úr neyslu á harðri fitu,
þ.e. mettaðri og transfitusýru, og
söltum og reyktum mat.“
Hvað er í matnum okkar?
AUÐVELT FYRIR ALMENNING AÐ LEITA SÉR UPPLÝSINGA
„Frumkvæði að hugmyndinni á
Gísli Marteinn. Við höfum bæði
notað þessar myndir í fyrirlestr-
um en þær er frægar í skipulags-
fræðum. Önnur sýnir fjölda fólks
gangandi á götu en hin sýnir sama
fjölda nema þá hvern á sínum bíl,“
segir Sigrún Helga Lund, stjórn-
armaður í samtökum um bíllaus-
an lífstíl, en þau hyggjast endur-
taka myndatökuna í Reykjavík.
„Ég hef notað þessar myndir til
að benda á að einn af neikvæðum
fylgifiskum einkabílanotkunar er
plássið sem þeir taka á götum
borgarinnar. Það sem okkur
finnst skemmtilegast við að end-
urskapa myndirnar hér í Reykja-
vík er að upphaflegu myndirnar
koma frá Þýskalandi en það er allt
annað að sjá þetta í íslenskum að-
stæðum. Hvernig líta göturnar
okkur út?“ segir Sigrún en
myndatakan fer fram á Melhaga
kl. 13.00 nk. laugardag.
Íbúarnir færa bílana
af götunni
„Við völdum nú bara Melhag-
ann af praktískum ástæðum, um
morguninn er melhagadagurinn
og þá færa allir íbúarnir bílana
sína af götunni. Okkur vantar að
sjálfsögðu götu með engum bílum
til að taka myndirnar.“ segir Sig-
rún Helga sem hvetur sem flesta
til að mæta og taka þátt í þessari
tilraun.
„Hann Birgir Ísleifur tekur
myndirnar, hann er góður ljós-
myndari. Þetta er allt unnið í
sjálfboðavinnu. Við erum m.a.s.
komin með myndatökumann til
að gera stutta kvikmynd um
þetta,“ segir Sigrún sem kveðst
spennt að sjá útkomuna.
jonasmargeir@mbl.is
Hyggjast
endurskapa
myndirnar
Lið lagadeildar Háskóla Íslands,
Club Lögberg, lenti í þriðja sæti í
norrænu málflutningskeppninni
sem fram fór í Kaupmannahöfn um
síðustu helgi.
Tólf keppnislið öttu kappi í mál-
flutningi og komu þau frá helstu há-
skólum Norðurlanda en Club Lög-
berg var eina íslenska liðið.
Keppnisliðin fluttu bæði skriflega
og munnlega sókn og vörn í máli þar
sem fjallað var um brot á Mannrétt-
indasáttmála Evrópu með sama
hætti og gert er fyrir Mannréttinda-
dómstóli Evrópu.
Hálfu stigi frá úrslitum
Það gerir árangur íslenska liðsins
ennþá glæsilegri að flest liðin flytja
málin á sínu móðurmáli en íslenska
er ekki viðurkennd sem keppnismál.
Keppendur geta því aðeins valið
að flytja málið á dönsku, sænsku
eða norsku.
Hvert lið er skipað sex ein-
staklingum sem skipta með sér vörn
og sókn.
Viðfangsefni keppninnar er væg-
ast sagt mikið hitamál en tekist var
á um kæru til Mannréttinda-
dómstóls Evrópu vegna búrku-
banns.
Deilt var um löggjöf sem bannar
notkun á búrkum og öðrum trúar-
legum klæðnaði sem hylur andlit á
opinberum stöðum og um kærurétt
félagasamtaka til Mannréttinda-
dómstólsins. Íslenska liðið komst í
undanúrslit og var einungis hálfu
stigi frá að komast í tveggja liða úr-
slit.
Liðið var skipað þeim Gunnlaugi
Geirssyni, Hauki Guðmundssyni,
Salvöru Þórisdóttur, Víði Smára
Petersen, Hinriku Söndru Ingi-
mundardóttur og Ívari Má Ottasyni.
Öll eru þau meistaranemar í lög-
fræði við HÍ. Fræðileg umsjón var í
höndum Kristínar Benediktsdóttur
hdl. hjaltigeir@mbl.is
Laganemar tókust
á um búrkubann
Lögberg Íslenska liðið stóð sig mjög vel í norrænu málflutningskeppninni
2010 sem haldin var í Kaupmannahöfn og hafnaði í þriðja sæti af tólf liðum.
Á fyrsta fundi
nýrrar bæj-
arstjórnar á Sel-
tjarnarnesi í
fyrradag var
samþykkt að Ás-
gerður Halldórs-
dóttir yrði bæj-
arstjóri en hún
hefur gegnt því
embætti síðan í
júlí 2009. Forseti
bæjarstjórnar verður Guðmundur
Magnússon og varaforseti Sigrún
Edda Jónsdóttir. Ákveðið hefur ver-
ið að árlega muni bæjarfulltrúar
skipta með sér verkum þannig að
nýr forseti verður skipaður að ári.
Á fundinum var einnig skipað í ráð
og nefndir til næstu fjögurra ára.
Ásgerður
bæjarstjóri
Ásgerður
Halldórsdóttir