Morgunblaðið - 18.06.2010, Blaðsíða 31
Menning 31FRÉTTIR
MORGUNBLAÐIÐ FÖSTUDAGUR 18. JÚNÍ 2010
Alþjóðlega orgelsumarið í Hall-
grímskirkju hefst um helgina
og á morgun leiða saman krafta
sína Hörður Áskelsson org-
elleikari og Guðrún Birgisdóttir
flautuleikari. Tónleikarnir eru
jafnframt útgáfutónleikar
þeirra Harðar og Guðrúnar en
þau sendu nýverið frá sér
hljómplötuna Minning. Leikin
verður tónlist eftir meistara
eins og Johann Sebastian Bach
og Gabriel Fauré ásamt nýrri tónlist eftir íslensk
tónskáld eins og Þorkel Sigurbjörnsson og Áskel
Másson. Tónleikarnir hefjast stundvíslega kl. 12 á
hádegi og kostar 1.000 kr. inn, en frítt er fyrir með-
limi Listvinafélags Hallgrímskirkju.
Tónlist
Orgelsumarið hefst
í Hallgrímskirkju
Hörður
Áskelsson
Í næstu viku verður einkasýn-
ing listamannsins Heimis
Björgúlfssonar, No End To It,
opnuð í galleríinu Rebecca Ibel
í borginni Colombus í Ohio í
Bandaríkjunum.
Á sýningunni verða bæði
málverk og teikningar eftir
Heimi og segir í fréttatilkynn-
ingu frá galleríinu að verk hans
séu visst svar við menningar-
og félagslegum andstæðum
sem listamaðurinn hefur búið og unnið í á und-
anförnum árum.
Heimir kláraði MFA-nám við Sandberg Insti-
tute-skólann árið 2003 og býr og vinnur í Los
Angeles í Kaliforníu.
Myndlist
Sýningin No End
To It opnuð í Ohio
Heimir
Björgúlfsson
Út er komið smásagnasafnið,
Stórkostlegt líf herra Rósar og
fleiri sögur af ótrúlega venju-
legu fólki eftir Ævar Þór Bene-
diktsson. Um er að ræða fyrstu
bók Ævars, en hann er nýút-
skrifaður leikari frá leiklist-
ardeild Listaháskóla Íslands.
Bókin inniheldur hnyttnar
og fremur absúrdar sögur um
hversdagsleikann, venjulegt
fólk og sameinast vangaveltum
um örlög, hlutskipti og mannleg samskipti. Les-
endur hitta fyrir marga kynlega kvisti og utan-
garðsmenn, sem ýmist lifa furðulega venjulegu lífi
eða eru í þann mund að taka skringilegar ákvarð-
anir, segir í fréttatilkynningu.
Bækur
Stórkostlegt líf
herra Rósar
Ævar Þór
Benediktsson
Fjallað var um norrænar glæpasög-
ur í bókahluta New York Times sl.
miðvikudag og lagt út af gríðar-
legum vinsældum Millenium-þríleiks
sænska rithöfundarins Stiegs Lars-
son, en síðasta bókin í þríleiknum
kom út á ensku vestanhafs í síðasta
mánuði. Í greininni er fjallað um sér-
kenni skandinavískra glæpasagna
sem sagðar eru gerast í kuldalegu
umhverfi og státa af útjöskuðum
lögreglumönnum sem drekki of mik-
ið kaffi, séu þjakaðir af of mikilli
vinnu og sífellt að úða í sig ruslfæði.
Vinsældir Stiegs Larsson hafa
orðið til þess að brátt kemur út á
ensku bók eftir sænska höfundinn
Camillu Läckberg og annar Svíi,
Henning Mankell, komst á met-
sölulista New York Times í fyrsta
sinn í vor. Þess er getið að í hinni
kunnu bókaverslun Powell’s í Port-
land í Oregon hafi starfsmenn sett
upp stand með skandinavískum
glæpahöfundum, þeim Karin Foss-
um, Jo Nesbo, Kjell Eriksson og
Yrsu Sigurðardóttur. Í greininni
kemur einnig fram að bók Arnaldar
Indriðasonar, Harðskafi, sem heitir
Hypothermia á ensku, komi út í
haust á vegum Macmillan vestanhafs
og verði sérstaklega markaðssett
með tilliti til aðdáenda Larsson.
Morgunblaðið/Árni Sæberg
Arnaldur Harðskafi kemur út
vestanhafs í haust.
Norrænar
glæpasög-
ur í sókn
Vinsældir Millenium-
þríleiksins hjálpa til
Ásgerður Júlíusdóttir
asgerdur@mbl.is
Bjarni Thor Kristinsson óperu-
söngvari stendur fyrir harla óvenju-
legu verkefni þessa dagana en um er
að ræða tónleika fyrir ferðamenn
sem haldnir verða á hverju einasta
kvöldi vikunnar.
Bjarni Thor segir að sér hafi þótt
nóg komið af framtaksleysi við að
kynna ferðamönnum sígilda íslenska
tónlist. „Ég fékk þessa hugmynd í
vor því að ferðamenn sem hingað
koma þyrstir í að kynnast íslenskri
menningu en það er oft af litlu að
taka, sérstaklega í sígildri íslenskri
tónlist. Ég fór því í að skipuleggja
tónleika stílaða á þennan tiltekna
hóp. Ég ákvað að fá í lið með mér
unga söngvara sem eru að koma sér
á framfæri því oft er erfitt að fóta sig
í þessum geira hér heima. Úr varð
skemmtilegt og fjölbreytilegt pró-
gram sem tónlistarfólkið sjálft mun
kynna fyrir ferðamönnunum.“
Síðastliðinn þriðjudag var dag-
skrá sumarsins kynnt á einskonar
kynningartónleikum verkefnisins.
„Við bjóðum upp á þrjú mismunandi
prógröm. Í fyrsta lagi ætlum við að
flytja sígild íslensk einsöngslög, svo
mun Voces Masculus syngja radd-
sett þjóðlög án undirleiks, og síðan
syngur Sólveig Samúelsdóttir óp-
erusöngkona ættjarðarsöngva við
undirleik Arnar Arnarsonar. Tón-
leikar verða á hverju kvöldi og hvað
verður í boði fer svolítið eftir við-
tökum og eftirspurn en vonandi er
þetta bara komið til að vera“.
Dagskrá tónleikanna er að finna á
heimasíðu ClassicConcertCompany
Reykjavik eða www.cccr.is, sem
Bjarni Thor rekur en tónleikarnir
hefjast alltaf kl 20:30 í sal Söngskóla
Sigurðar Dementz á Grandagarði
11.
Morgunblaðið/Jakob Fannar
Söngtónleikar Boðið verður upp á þrjú mismunandi tónleikaprógröm sérstaklega fyrir ferðamenn.
Ferðamenn þyrstir í menn-
ingu okkar Íslendinga
Klassískir söng-
tónleikar á hverju
kvöldi
Undirbúningur fyrir
Djúpið er hafinn og
endurgerð Reykjavík Rotter-
dam í sjónmáli32
»
Ýsa með kryddi getur verið góð.
En ýsa með mjög miklu kryddi er
ekkert endilega betri. Þvert á móti!
Hljómsveitin Hjaltalín koma
fram með Sinfóníuhljómsveit Ís-
lands á miðvikudagskvöldið. Maður
spurði sjálfan sig af hverju.
Ég las einhvers staðar á netinu
eftirfarandi um Hjaltalín: „Laga-
smíðarnar á Sleepdrunk Seasons
eru flóknari en gengur og gerist í
dægurtónlist en jafnframt meló-
dískar og grípandi. Útsetningarnar
eru óvenjulegt sambland af poppi
og klassík og söngur og annar
flutningur er til fyrirmyndar.“
Þetta er alveg rétt. Lög Hjaltalín
eru ekki klisjukennd, þau fara oft
og iðulega á allt annan áfangastað
en maður býst við í upphafi.
Kammerkennd umgjörðin, ekki
þetta venjulega trommur-gítar-
bassi dæmi, gefur lögunum ákveð-
inn hámenningarblæ, en samt eru
lagasmíðarnar notalega afslapp-
aðar. Útkoman er skemmtilega
framandi, og oft spennandi.
Maður hefði því haldið að þegar
svo metnaðarfullt tónlistarfólk
kæmi fram með heilli sinfón-
íuhljómsveit, myndi það fara með
tónlist sína eitthvað miklu lengra
en annars væri mögulegt. Og ekki
bara lengra, heldur í alveg nýjar
áttir. Myndi gera eitthvað sem
væri bara hægt með sinfón-
íuhljómsveit.
Því miður var ekki svo. Útsetn-
ingarnar fyrir Sinfóníuna voru oft-
ar en ekki undarlega klisjukenndar.
Það var aldrei reynt að skapa eitt-
hvað nýtt, koma með ferskan vinkil
á tónlistina. Þvert á móti var út-
koman óttalegur rembingur, eins
og fyrst og fremst væri verið að
reyna að magna það sem fyrir var,
margfalda áhrifin, gera músíkina
ennþá meira spennandi. Hella sem
mestum pipar á ýsuna, og ennþá
meira af salti. En bragðið varð
ekkert betra. Ýsan var bara vond.
Um sjálfan flutninginn þarf ekki
að hafa mörg orð. Tæknilega hliðin
var sæmileg, samspilið í lagi og
hljóðblöndunin ágæt. Söngurinn
var flottur – og eins og áður segir
voru lögin skemmtileg. En maður
vissi það allt fyrirfram. Hér hefði
verið hægt að gera svo miklu,
miklu meira.
Bragðvond Hjaltalín
Háskólabíó
Sinfóníutónleikarbbnnn
Hjaltalín flutti eigin lög með Sinfóníu-
hljómsveit Íslands. Daníel Bjarnason
stjórnaði. Útsetningar eftir Högna Eg-
ilsson, Viktor Orra Árnason og Hrafnkel
Orra Egilsson. Miðvikudagur 16. júní.
JÓNAS SEN
TÓNLIST
Morgunblaðið/Jakob Fannar
Sinfóníutónleikar Hjaltalín og Sinfóníuhljómsveit Íslands á tónleikum í Háskólabíó á miðvikudagskvöld.