Morgunblaðið - 18.06.2010, Blaðsíða 32
32 MenningFRÉTTIR
MORGUNBLAÐIÐ FÖSTUDAGUR 18. JÚNÍ 2010
Í Morgunblaðinu í gær var sagt
frá því að Tónlistarþróunar-
miðstöðin gæti endað á götunni ef
ekki tekst að fá nýja styrktaraðila
inn í reksturinn. Í kvöld verða því
haldnir samstöðutónleikar TÞM á
Sódómu þarsem fram koma DJ
Vector, Sykur,Quadruplos og Gus
Gus. Tónleikarnir hefjast kl. 22 og
kostar 1.000 kr. inn.
TÞM samstöðutón-
leikar á Sódómu
Fólk
Tónleikarröðin Grapevine
Grassroots snýr aftur í Nýlendu-
vöruverslun Hemma og Valda við
Laugaveginn í kvöld. Nú snýr gras-
rótin sér að tilraunum í tónum og
þar er víst allt leyfilegt. Sjónlistir
blandast inn í formúluna og þeir
listamenn sem koma fram eru Sjón-
börkur, Jökull Snær, Megatróník
og Koala-Lumpur. Gestaplötu-
snúðar sjá um að stemningin hald-
ist ásamt því sem myndbönd verða
sýnd á skjávarpa. Eins og alltaf er
frítt inn á tónleikana og hefjast þeir
kl 21.30 og standa til miðnættis.
Grasrótin snýr sér að
tilraunum í tónum
Tónlistarmaðurinn Svavar
Knútur er nú á leiðinni til Toronto í
Kanada, þar sem hann tekur þátt í
alþjóðlegu tónlistar- og kvik-
myndahátíðinni North by North
East 14 til 20 júní. Svavari var boð-
ið að halda tvenna tónleika á hátíð-
inni, í Cameron House og á Rancho
Relaxo.
Spilar á North by North
East í Toronto
Hnoð-hópurinn er sjálfstætt starfandi sviðslistahópur sem
sérhæfir sig í íslenskum dansi. Hópinn skipa þær Ástrún
Magnúsdóttir, Berglind Pétursdóttir og Rósa Ómarsdóttir og
eru þær nemendur á samtímadansbraut Listaháskóla Íslands.
Hnoð mun skoða mismunandi möguleika danslistarinnar og
einbeita sér að dansinnsetningum hér og þar um miðborg
Reykjavíkur.
Listhópar Hins húsins
Hnoð
F3 samanstendur af þremur ungum myndlistarmönnum, þeim
Örnu Óttarsdóttur, Baldvini Einarssyni og Hrafnhildi Helga-
dóttur. Í sumar munu þau nýta gamalkunnan vettvang til að
koma nýjum skilaboðum á framfæri. Þau ætla að búa til fána
sem mun endurspegla málefni líðandi stundar og miðla
áhugaverðum upplýsingum og verða fánarnir dregnir að húni
hvar sem leyfi gefst.
F3
Danstríóið Móanóra er skipað þeim Hildigunni Önnu Hall,
Hildi Margréti Jóhannesdóttur og Snæfríði Ingvarsdóttur,
en þær stunda allar framhaldsnám við Listdanskóla Íslands.
Með fjölbreyttum uppákomum í miðbænum vill hópurinn
opna heim listdansins fyrir gesti bæjarins. Þær ætla að
leggja áherslu á myndun forma og uppstillinga með tilliti til
bygginga og annarra umhverfisþátta.
Móanóra
Ljósmyndir/Jorri
Helgi Snær Sigurðsson
helgisnaer@mbl.is
Baltasar Kormákur leik-
stjóri er með mörg járn í
eldinum að vanda. Leik-
mynd fyrir víkingamyndina
Víkingr er þessa dagana að
veðrast úti á landi þannig að
hún líti sem best út í tökum
og til stendur að taka end-
urgerð á kvikmyndinni
Reykjavik Rotterdam með
Mark Wahlberg í aðal-
hlutverki. Þá er Baltasar að
undirbúa tökur á Djúpinu,
kvikmynd sem byggð er
lauslega á einleik Jóns Atla
Jónassonar en Ólafur Darri
Ólafsson mun fara með að-
alhlutverkið í henni og er að
æfa sig í sjósundi þessa
dagana, að sögn Baltasars.
Síðast en ekki síst er það
svo kvikmyndin Inhale sem
er tilbúin til sýninga en hún
verður að öllum líkindum
frumsýnd í haust í Banda-
ríkjunum og hér á landi um
svipað leyti. Verið er að bíða
eftir dreifingarsamningi í
Bandaríkjunum á henni.
Þekktir leikarar fara með
aðalhlutverk í Inhale, þau
Diane Kruger, Dermot
Mulroney, Rosanna Ar-
quette, Sam Shepard og
Jordi Mollá.
Baltasar segir að verið sé
að skoða tilboð um dreif-
ingu á Inhale og um leið og
dreifing sé frágengin sé
hægt að ákveða frumsýn-
ingardag. „Þetta tekur bara
svona tíma með þessar in-
dependent myndir í Banda-
ríkjunum,“ segir Baltasar.
„Við fúnkerum eins og stúd-
íó í raun og veru hérna
á Íslandi, búin að
tryggja okkur oft
frumsýningardag
þegar við förum af
stað.“ Baltasar
segir líklegt að In-
hale verði sýnd á
Íslandi í haust en
segist þó ekki
geta staðfest það.
Reykjavík Rot-
terdam í haust?
Hvað endurgerðina
á Reykjavik Rotter-
dam varðar segir
Baltasar verið að
vinna á fullu í því að koma
henni í tökur. „Það gæti
verið núna í haust, ég er
ekki alveg kominn með það.
Ég stjórna þessu bara ekki,
það er Working Title sem er
með þetta,“ segir Baltasar
um framleiðsluferlið. Hand-
ritið að myndinni skrifar
Aaron Guzikowski en hann
skrifaði einnig handritið að
Prisoners sem Leonardo di
Caprio mun leika í, ef
marka má kvikmyndavefinn
Internet Movie Database.
„Það var eitt heitasta hand-
ritið í Hollywood í fyrra,“
segir Baltasar um handritið
að Prisoners.
Hann segir að til hafi
staðið í nokkurn tíma að
fara í tökur á Reykjavik
Rotterdam endurgerðinni.
„Ég gæti þurft að fara út á
morgun og þess vegna hef
ég ekki komist af stað með
Djúpið. Þannig er nú staðan
á því.“
… og svo er það Víkingr
– Svo er það víkinga-
myndin...
„Já, það er búið að ganga
frá samningum við fyr-
irtæki með hana, ég get
ekki upplýst hvaða fyr-
irtæki það er, en það eru
stórir aðilar.
Hún náttúrlega kemur
bara í röðinni á eftir þessu
öllu, það er allt á ágætissigl-
ingu.“
Leikarar hafa ekki verið
valdir í þá kvikmynd en
hluti af leikmyndinni er
tilbúinn skammt frá Höfn í
Hornafirði, þar fær hún að
veðrast og gróa. „Þetta er
bara svona, það eru fáir
sem vinna hraðar
og meira en ég í
þessum bransa
en þetta tekur
nú allt sinn
tíma samt,“
segir Baltasar
að lokum og
hlær að lokinni
þessari yfirheyrslu
blaðamanns.
Baltasar Nokkrar kvikmyndir leikstjórans bíða þess að fara í tökur.
Allt tekur sinn tíma
Verið er að ganga frá dreif-
ingu kvikmyndarinnar Inhale
í Bandaríkjunum Undirbún-
ingur fyrir Djúpið er hafinn
og endurgerð Reykjavík Rot-
terdam í sjónmáli
Morgunblaðið/Golli
Diane
Kruger Fer
með stórt
hlutverk
í Inhale.