Morgunblaðið - 18.06.2010, Blaðsíða 16

16 FréttirERLENT
MORGUNBLAÐIÐ FÖSTUDAGUR 18. JÚNÍ 2010
– meira fyrir áskrifendur
Fáðu þér áskrift á mbl.is/askrift
eða í síma 569 1122
býður áskrifendum á völlinn
Fyrstu 100 áskrifendur fá 2 miða á leik íslands og Norður Írlands.
Sækja þarf miðana í afgreiðslu Morgunblaðsins í Hádegismóum 2.
Klippið út auglýsinguna og framvísið við afhendingu.
UNDANKEPPNI HM 2011
A LANDSLIÐ KVENNA
ÍSLAND – NORÐUR ÍRLAND
Laugardaginn 19. júní kl. 16:00
Hjálpargögn tóku að berast til nauð-
staddra flóttamanna í Mið-Asíuland-
inu Kirgistan í gær eftir blóðsúthell-
ingarnar sem hófust þar í vikunni
sem leið.
Embættismenn Sameinuðu þjóð-
anna segja að áætlað sé að um
400.000 manns hafi flúið heimkynni
sín vegna manndrápanna í Kirgist-
an. Samkvæmt opinberum tölum
hafa 75.000-100.000 manns flúið til
grannríkisins Úsbekistans, en þá eru
börn ekki meðtalin. Talið er að um
300.000 manns séu á flótta í Kirg-
istan og a.m.k. 40.000 þeirra þurfi að
sofa undir berum himni.
Flóttamennirnir segjast hafa flúið
grimmilegar árásir vopnaðra Kirg-
isa sem hafi ráðist á Úsbeka, en þeir
eru tæp 15% íbúa Kirgistans.
„Við þurfum föt og hjúkrunar-
gögn, einkum fyrir börnin, vegna
þess að við gátum ekki tekið neitt
með okkur á flóttanum,“ sagði kona
á meðal flóttafólksins í Úsbekistan.
„Sum okkar flúðu jafnvel berfætt.“
Um 400.000 manns á flótta
Mikið mannfall
» Yfirvöld segja að minnst 190
manns hafi beðið bana og nær
2.000 manns særst í fimm
daga árásum í Kirgistan.
» Hermt er að tala látinna sé
miklu hærri og óttast er að
hundruð manna til viðbótar
liggi í valnum.
Reuters
Eyðilegging Úsbekar kanna rústir byggingar í bænum Osh þar sem manndrápin hófust í vikunni sem leið.
Ríkisstjórn Ísraels samþykkti í gær
áætlun um að losa um hömlur á vöru-
flutningum til Gaza og heimila vöru-
tegundir sem hafa verið bannaðar
þar.
Stjórnin ákvað þetta eftir að hafa
sætt harðri gagnrýni fyrir að stöðva
skipalest sem stuðningsmenn Palest-
ínumanna hugðust senda til Gaza með
hjálpargögn. Mannskæð árás Ísr-
aelshers á skipalestina 31. maí varð til
þess að fast var lagt að Ísraelum að
aflétta herkvínni og hafnbanninu sem
þeir settu á Gaza fyrir fjórum árum,
eftir að Hamas-samtökin komust þar
til valda.
Ehud Barak, varnarmálaráðherra
Ísraels, sagði að Ísraelar myndu
halda hafnbanninu og skoða allar
vörur sem fluttar yrðu á landi til
Gaza. „Markmiðið er að sjá til þess að
fleiri vörur komist þangað, en alltaf
undir eftirliti Ísraela, til að tryggja að
þangað berist engin vopn og efni sem
hægt væri að beita í hernaði,“ sagði
Barak.
„Mikilvægt skref“
Hermt er að áætlunin byggist á
samkomulagi Benjamins Netanyahu,
forsætisráðherra Ísraels, og Tonys
Blair, sendimanns Kvartettsins svo-
nefnda í Mið-Austurlöndum, þ.e.
Sameinuðu þjóðanna, Bandaríkjanna,
Evrópusambandsins og Rússlands.
Blair sagði að ákvörðun Ísraels-
stjórnar væri „mikilvægt skref“ í
rétta átt. „Ísraelar hafa skýlausan
rétt til að verja sig og tryggja öryggi
sitt. Besta leiðin til þess er að tryggja
að vopn berist ekki til Gaza en heimila
flutninga á vörum sem fólk þarf á að
halda í hversdagslífinu,“ sagði Blair.
Ísraelar losa
um hömlurnar
 Heimila flutninga til Gaza á
vörum sem áður voru bannaðar
Leiðtogar Hamas höfnuðu
ákvörðun stjórnar Benjamins
Netanyahus og heimastjórn Pal-
estínumanna á Vesturbakk-
anum sagði að aflétta bæri
herkvínni. Vestræn stjórnvöld
sögðu ákvörðun Ísraela skref í
rétta átt en mannréttinda-
samtök sögðu að þeir þyrftu að
ganga lengra, leyfa flutninga á
vörum og fólki til og frá Gaza
innan skynsamlegra marka til
að tryggja öryggi Ísraels.
Vilja meira
HAFNA ÁKVÖRÐUNINNI
Netanyahu á ríkisstjórnarfundi.
Leiðtogar aðildarlanda Evrópusam-
bandsins samþykktu á fundi í Bruss-
el í gær að niðurstöður svonefndra
álagsprófa á banka yrðu birtar fyrir
lok næsta mánaðar. Stjórnarerind-
rekar í Brussel sögðu að þetta yrði
gert til að sefa fjárfesta og fullvissa
þá um að ekki væri hætta á banka-
kreppu.
Eftir að stjórnvöld á Spáni og í
Þýskalandi ákváðu að birta niður-
stöður álagsprófa á banka sam-
þykktu leiðtogar annarra aðildar-
landa á fundinum að fara þessa leið.
Jose Manuel Barroso, forseti
framkvæmdastjórnar Evrópusam-
bandsins, sagði að niðurstöður álags-
prófa hvers banka fyrir sig yrðu birt-
ar ekki síðar en í lok júlímánaðar.
Hann bætti við að þetta ætti að sefa
fjárfesta sem óttast að bankarnir
tapi miklu fé á ríkisskuldabréfum og
fasteignalánum. Álagsprófin eru
gerð til að meta getu bankanna til að
standast efnahagsleg áföll.
Skuldavandi margra af aðildar-
ríkjum Evrópusambandsins var
helsta umræðuefni leiðtogafundar-
ins í Brussel í gær. Að undanförnu
hefur athyglin aðallega beinst að
skuldavanda Spánar, fimmta
stærsta hagkerfis evrusvæðisins.
Meðal annars hafa komið fram
merki um að bankar á Spáni eigi í
miklum fjármögnunarerfiðleikum.
Leiðtogarnir komust einnig að
þeirri niðurstöðu að setja þyrfti sér-
stakt gjald á banka til að tryggja að
ef bjarga þyrfti bönkum þegar fram
liðu stundir kæmu peningarnir að
mestu frá bankakerfinu, ekki skatt-
greiðendum.
Að sögn stjórnarerindrekanna í
Brussel ætla ESB-ríkin að beita sér
fyrir slíku gjaldi á fundi G20-
ríkjanna í næstu viku.
Reuters
Viðræður David Cameron, forsætisráðherra Bretlands (t.v.), ræðir við Jose
Luis Rodriguez Zapatero, forsætisráðherra Spánar, á fundinum í Brussel.
Niðurstöður álags-
prófa verða birtar
 Leiðtogar ESB reyna að sefa fjárfesta