Árbók VFÍ - 01.01.1992, Page 9

Formálar
Avarp formanns
Árbók Verkfræðingafélag íslands kemur nú út í þriðja sinn. Árbókin liefur tekið við því hlut-
verki sem tímarit Verkfræðingafélagsins gegndi allt frá stofnun félagsins árið 1912.
Með tilkomu árbókarinnar má segja að gegnið sé skrefi lengra því auk þess að vera vett-
vangur faglegrar umræðu er í bókinni árlegur tækniannáll og ennfremur kynning á íslenskum
fyrirtækjum og stofnunum á sviði verkfræði. Þegar fram líða stundir verður árbókin eflaust
mikilvæg heimild í vísinda- og tæknisögu íslendinga.
Undanfarið hefur orðið talsverð breyting á útgáfustaifsemi VFÍ og er það von okkar að hún
sé komin í það horf sem hentar þörfum félagsins, um sinn að minnsta kosti. Félagið þarf þó að
sjálfsögðu að vera vel á verði og gæta þess að aðlaga sig nýjum tímum og breyttum þörfum á
þessu sviði eins og öðrum.
Regluleg útgáfa Verkfræðingafélags íslands er nú þríþætt:
í fyrsta lagi er fréttabréf VFÍ sem kemur út hálfsmánaðarlega mestan hluta ársins og hefur
að geyma tilkynningar og fréttir til félagsmanna ásamt stuttum greinum og fyrirspumum eða
ábendingunr frá félagsmönnum.
í öðru lagi er tímaritið Verktækni sem gefið er út í sanrvinnu við TFI. Frá og með árinu í ár
kemur það út í nokkuð breyttri mynd. Blaðið er að meginhluta til þemablað þar sem tekin eru
fyrir afmörkuð viðgangsefni og um þau fjallað all ítarlega, gjarnan í tengslum við ráðstefnur á
vegum VFÍ og TFÍ. Gerður hefur verið samningur við Fróða hf. um útgáfu tímaritsins en VFÍ
og TFÍ kaupa síðan ákveðinn fjölda eintaka til dreifingar meðal félagsmanna sinna.
I þriðja lagi er svo árbókin.
Það er skoðun stjórnar VFÍ að vel hafi tekist til með þessar breytingar og að útgáfumálin
séu nú komin í allgott horf. Allar ábendingar unt hvaðeina sem betur mætti fara eru þó að
sjálfsögðu vel þegnar.
Ég vil þakka öllum þeirn sem lagt hafa útgáfu þessarar árbókar lið,
Ragnari Ragnarssyni höfundi tækniannáls, fyrirtækjum og stofnunum
sem kynna starfsemi sína, útgáfunefnd félagsins, Birgi Jónssyni
i'itstjóra og skrifstofu VFÍ.
Verkfræðingafélag íslands setur ntarkið hátt og er þessi árbók enn
eitt skref í átt að því meginmarkmiði með starfsemi félagsins, sent
samkvæmt lögunt þess hefur frá upphafi verið: „að gæta hagsmuna
verkfræðingastéttarinnar og styrkja stöðu hennar í þjóðfélaginu."
Þórarínn Magnússon, fonnaóur VFI1990-1991