Árbók VFÍ - 01.01.1992, Page 39

Skýrsla stjórnar 37
Ný stjórn var kjörin á aðalfundi. Úr stjóm gengu Kristinn Eiríksson og Björn Marteinsson,
en kosnir til tveggja ára Gautur Þorsteinsson, varaformaður fyrra árið og formaður seinna árið
og Gissur Pálsson meðstjórnandi. Áfram í stjórn sátu Grímur Jónasson, formaður og Gísli H.
Guðmundsson.
5. Fyrsti fræðslufundur á starfsárinu var haldinn 27. september. Þar fjallaði Ingunn
Sæmundsdóttir byggingarverkfræðingur um nýjan íslenskan grundunarstaðal. Fundurinn var
haldinn í samvinnu við Jarðtæknifélag íslands.
6. Nesjavellir (nóv. 1990) Boðað var til ferðar að Nesjavallavirkjun í byrjun nóvember.
Fyrirhugaðan fundardag brast á vitlaust veður með snjókomu . Ófært var að virkjuninni því
snjóblásarinn á staðnum bilaði einmitt þennan daginn. Ferðinni var því frestað fram til 11.
janúar og tókst þá vel. Virkjunin var skoðuð undir öruggri leiðsögn Ólafs stöðvarstjóra.
Félagið keypti síðan kaffi og meðlæti af Hitaveitu Reykjavíkur og veitti þátttakendum. Ferðin
var góð og upplýsandi og ber virkjunin verk- og tækniþekkingu okkar gott vitni.
7. Jólafundur (des. 1990) Var þetta tilraun til að fá félagsmenn til að líta upp úr jóla-
annríkinu og ræða málin vítt og breitt á óformlegum fundi. Þátttaka varð mun minni en vonast
var eftir og mikill afgangur af veitingum sem skilað var til föðurhúsanna. Eins og oft er um fá-
menna fundi var þessi góðmennur.
8. Grundartangi. Þann 8. febrúar var boðaður fundur og kynnisferð að Grundartanga. Á
dagskrá var skoðun verksmiðju Járnblendifélagsins og kynningarfyrirlestur um Hvalfjarðar-
göng. Þar er skemmst frá því að segja að einungis þrír félagsmenn mættu og var því ferðinni
aflýst. Heldur var þetta leiðinlegt því vinir okkar á Grundartanga höfðu lagt á sig vinnu við
undirbúning. Það er ef til vill merki um gott atvinnuástand ef menn hafa ekki tíma til að fórna
einum seinniparti í skemmtilega kynnisferð. Hugsanlega er á ferðinni rangt val á fundarefni.
9. Breiðamerkursandur og hálendisvegir. Almennur fundur með VFÍ 27. feb. 1991 um
landbrot á Breiðamerkursandi og hálendisvegi. Framsögumenn Eymundur Runólfsson og
Helgi Jóhannesson frá Vegagerð ríkisins og Trausti Valsson arkitekt. Um 50 manns mættu,
bæði félagsmenn og aðrir. Hlýddu þeir á framsögumenn og spurðu margs.
10. Viðgerðir steypuskemmda. Þann 19 mars 1991 var haldinn fundur um viðgerðir
steypuskemmda og kynning á Rannsóknastofnun byggingariðnaðarins. Starfsmenn Rb sáu um
dagskrána sem var mjög gagnleg,
einkum fyrir þá sem búa í húsum
með ónýtum svölum og útveggjum en
þeir munu vera fleiri en marga
grunar. Að fundi loknum bauð Rb
upp á góðar veitingar og voru málin
rædd í návígi. Hafi Rb-menn þökk
fyrir.
11. Bergstyrkingar við jarð-
gangagerð. Þann 11. júní var hald-
inn fundur í samvinnu við Jarðtækni-
félagið. Fulltrúar frá 0rsta Stálind-
ustri í Noregi kynntu ýmsar aðferðir
við bergstyrkingar.
Grímur Jónasson, formaóur BVFI
Mynd 16 BVFI hélt almennan opinn fund uni landbrot við
Jökulsá á Breiðamerkursandi 27.feb. 1991. A myndinni sést
suður yfir Jökulsárlón. Rifið á milli lóns og sjávar verður
sífellt mjórra. svo brúin gœti verið í hœttu eftir 20-40 ár.