Árbók VFÍ - 01.01.1992, Side 47

Skýrsla stjórnar 45
Marteinsson, Gunnlaugur Briem og Steingrímur Jónsson. Guðmundur Hlíðdal og Jakob Gísla-
son, sem báðir höfðu starfað með orðanefnd Verkfræðingafélagsins á tímum hennar, 1919-
1933, voru í stjórn RVFÍ og því áreiðanlega í kallfæri, þegar hin nýja nefnd kom saman. Jakob
var formlega kosinn í nefndina á aðalfundi 1948, og voru nefndarmenn þá orðnir fjórir. (Um
þátttöku Jakobs í nefndinni gætti nokkurrar ónákvæmni í frásögn í Árbók VFÍ 1989/90). Árið
1959 bætist svo í nefndina enn einn stofnenda rafmagnsverkfræðideildar, Eðvarð Árnason, og
var hann síðast kosinn í nefndina 1968, rúmum tveimur árum fyrir andlát sitt. Árið 1962 tekur
Jón A. Skúlason við sæti Gunnlaugs Briem í nefndinni. Það höfðu því ekki orðið miklar
breytingar innan nefndarinnar árið 1969, 28 árum eftir stofnun hennar, en þá gerðist það, að
þrír ungir verkfræðingar bættust í hópinn, Bergur Jónsson, Jón Dalmann Þorsteinsson og
Sigurður Briem, en Eðvarð Árnason var ekki endurkjörinn eins og áður segir. Nefndarmenn
voru nú orðnir sjö, og helst svo næstu ár. Starfsárið 1974/1975 verða miklar breytingar í
nefndarskipaninni. Fjórir menn hætta, en fimm taka við. Má þar nefna þá tvo, sem enn starfa í
nefndinni, Gísla Júlíusson og ívar Þorsteinsson. Ekki verða raktar nánar breytingar á nefndinni
næstu ár. Eins og áður er getið er einungis vitað um þá 6 menn, sem nafngreindir voru hér að
framan, er störfuðu fyrstu 28 árin að nýyrðagerð í nafni nefndarinnar, en undanfarna 3 áratugi
hafa 13 verkfræðingar aðrir og 1 tæknifræðingur setið í nefndinni um lengri eða skemmri tíma.
Sjö verkfræðingar til viðbótar hafa verið skráðir nefndarmenn en ekki starfað nema fáeina
fundi hver.
Nefndin hefur leitað til 30 sérfræðinga, auk þess sem margir nefndarmenn voru kallaðir til
sérfræðiráðgjafar, þegar þeir voru ekki í nefndinni. íslensk málstöð hefur lagt til aðstoð alls 6
íslenskufræðinga. Samtals hafa því 62 menn starfað með orðanefnd á 50 ára starfsferli nefnd-
arinnar og verið nafngreindir í fundargerðarbókum hennar. Því miður ná þær aðeins yfir starf
síðustu 23 ára.
Samningar tókust á starfsárinu við Menningarsjóð um þóknun fyrir útgáfu Raftækniorða-
safns 3. Hún er í formi bóka- og peningagreiðslna. Að auki veitti Menningarsjóður leyfi til að
orðanefnd hæfi undirbúning í prentsmiðju að útgáfu 4. bindis Raftækniorðasafns. í því verða 2
kaflar Orðasafns Alþjóða raftækniráðsins (IEC): Kafli 531, Rafeindalampar og kafli 551,
Aflrafeindatækni. Orðanefnd áætlar, að bókin geti komið út haustið 1991. Á næstunni verða
hugmyndir orðanefndar um útgáfu næstu bóka í ritröð Raftækniorðasafns kynntar Menningar-
sjóði. Orðanefnd á í fórum sínum efni á mismunandi stigi umfjöllunar, sem fyllir a.m.k. 4-5
bindi Raftækniorðasafns til viðbótar.
íslensk málnefnd sendi ORVFÍ ársskýrslur sínar um árin 1985-90, eina skýrslu um hvert ár.
Allmargar fyrirspurnir bárust orðanefnd á starfsárinu frá einstaklingum, og stofnunum um
ýmis orð og orðalista, og voru flestar ræddar og afgreiddar á fundum nefndarinnar.
Bergur Jónsson og Gunnlaugur Ingólfsson sátu Orðaþing, sem haldið var á vegum Mennta-
málaráðuneytisins og íslenskrar málnefndar 9. mars.
ívar Þorsteinsson var kosinn féhirðir nefndarinnar og tók við bankabók og fylgiskjölum af
formanni, en fram til þessa hefur bókhald verið einfalt í sniði hjá eignalausri orðanefnd.
Á aðalfundi RVFÍ 1990 voru eftirtaldir félagsmenn kosnir í nefndina:
Bergur Jónsson, formaður, Gísli Júlíusson, ívar Þorsteinsson, Jón Dalmann Þorsteinsson,
Jón Þóroddur Jónsson , Sigurður Briem, Sæmundur Óskarsson, Þorvarður Jónsson, Þór Jes
Þórisson