Árbók VFÍ - 01.01.1992, Side 90

88 Arbók VFI 1990/91
í árslok 1990 sá jarðvarmi fyrir um 85% af orkuþörf til húshitunar á íslandi, og um 82%
landsmanna hituðu hús sín með jarðvarma.
5.1.2. Vinnsla og notkun raforku
Heildarvinnsla raforku árið 1990 var 4.447 GWst, sem er heldur minna en árið 1989, en þá var
hún 4.475 GWst. Um það bil helmingur orkunnar (2.229 GWst) var nýttur til stóriðju og hinn
helmingurinn (2.218 GWst) til almennrar notkunar.
Heildsölugjaldskrá Landsvirkjunar hækkaði ekki á árinu sem leiddi til þess að heildsölu-
verðið lækkaði að raungildi um 5,2%. Heildsöluverðið var í árslok 40,3% lægra að raunvirði
en hinn 1. maí 1984.
5.2 Beislun og dreifing orku
5.2.1 Kaforka
Við Blönduvirkjun hélt Landsvirkjun áfram framkvæmdum. Voru þær í hámarki á árinu.
Starfsmenn voru um 500 þegar þeir voru flestir. Unnið var við flesta þætti virkjunarinnar og
var unnið fyrir 2,6 mia.kr. Á 25 ára afmæli Landsvirkjunar hinn 1. júní 1990 lagði forseti
íslands Vigdís Finnbogadóttir hornstein að Blönduvirkjun.
Á árinu var unnið að hönnun á Búrfellsvirkjun II. Fljótsdalsvirkjun var endurhönnuð fyrir
jarðgöng sem vatnsveg í stað skurða. Boruð var ein hola við Kröflu með stækkun virkjunar-
innar þar úr 30 í 60 MW í huga.
Unnið var að undirbúningi 220 kV háspennulína frá Fljótsdal til Akureyrar, frá Akureyri
um Sprengisand að Hrauneyjarfossi og frá Búrfelli að Hamranesi sunnan Hafnarfjarðar.
Hitaveita Suðurnesja lauk við uppsetningu á þremur ORMAT- vélasamstæðum í orkuveri
í Svartsengi og í rofastöð var bætt við rofaskápum. Rafmagnstenging ferskvatnsbóla var
endumýjuð sérstaklega vegna Vatnsveitu Suðurnesja. Unnið var við 132 kV háspennulínu frá
Hamranesi til Fitja við Njarðvíkur(Suðumesjalína). Lokið var við stækkun og uppsetningu nýs
búnaðar í aðveitustöð í Sandgerði.
Ymsar framkvæmdir voru eins og venjulega á vegum Rafmagnsveitna ríkisins og Orku-
bús Vestfjarða. Bæði fyrirtækin héldu áfram á árinu að styrkja rafveitukerfið í strjálbýli í því
skyni að það ráði við það álag sem komið er í sveitunum. Stærsta einstaka framkvæmd hjá
Rafmagnsveitum ríkisins var bygging nýrrar aðveitustöðvar við Rimakot á Landeyjarsandi auk
spennuhækkunar í 66 kV á línunum frá Hvolsvelli í Rimakot og frá Selfossi í Hvolsvöll,
aðallega vegna aukinnar raforkunotkunar við fjarhitun í Vestmannaeyjum.
5.2.2 Hitaveitur
Veigamestu hitaveituframkvæmdir 1990 voru eins og svo oft áður á vegum Hitaveitu Reykja-
víkur og ber þar hæst Nesjavallavirkjun.
Nesjavallavirkjun: Framkvæmdum við 1. áfanga Nesjavallavirkjunar er nú lokið og var
virkjunin formlega tekin í notkun 29. september 1990. Fyrsti áfangi virkjunarinnar er 100
MWy að hitaveituafli. Undirbúning Nesjavallavirkjunar má rekja allt aftur til ársins 1964 þegar
jörðin Nesjavellir var keypt. Síðar hófust rannsóknir, tilraunaboranir og reist var sérstök til-
raunastöð. Eiginleg hönnun virkjunarinnar hófst árið 1986, en það sama ár var formleg ákvörð-
un um virkjun tekin.
Virkjunin er um margt sérstök, en svipar þó til orkuversins í Svartsengi, þar sem háhiti er
nýttur til upphitunar á köldu grunnvatni. Ekki er kunnugt um virkjanir af þessu tagi annars
staðar í heiminum.