Árbók VFÍ - 01.01.1992, Side 100

98 Arbók VFI 1990/91
7 Samgöngur og fjarskipti
7.1 Vegamál
Bifreiðaeign: Innflutningur á bifreiðum dróst mikið saman á árunum 1989-1990 eftir hinn
mikla innflutning á árunum 1986-1988. Á árinu 1989 voru nýskráðar bifreiðar alls um 7.100.
Árið 1990 voru þær 8.800. Flestar urðu þær á árinu 1987 um 23.500.
Þrátt fyrir að innflutningur bifreiða sé heldur að aukast aftur varð samdráttur á bifreiðaeign
landsmanna annað árið í röð. í ársbyrjun 1991 áttu landsmenn 134.181 bifreið. Tilkoma virðis-
aukaskatts um áramótin 1989/1990 hefur valdið töluverðri aukningu á nýskráningu vöru- og
sendibifreiða.
Fjármagn til vegamála: Heildarútgjöld til vegamála 1990 voru 4.666 milljónir króna, sem
eru um 2,3% minni en þau voru árið 1989. Útgjöld til vegamála 1990 sem hlutfall af þjóðar-
framleiðslu voru 1,46% í stað 1,35% árið 1989.
Tilkoma virðisaukaskatts kom nokkuð þungt niður á vegagerð eins og á annarri mann-
virkjagerð. Reiknað var út að kostnaðarauki við vegagerð vegna virðisaukaskatts væri um 7%
þegar tekið hefði verið tillit til allra liða.
Framkvæmdir skv. vegáætlun: Heildarfjárfesting á árinu 1990 í nýjum stofnbrautum, þjóð-
brautum og brúm varð 2.089 milljónir króna samkvæmt bráðabirgðayfirliti.
Bundið slitlag var lagt á 125 km, þar af 93 km á stofnbrautir og 32 km á þjóðbrautir. Af
þessum 125 km eru 29 km með einbreiðu slitlagi, þ.e. minna en 4 m á breidd.
Byggðar voru samtals 11 brýr 10 m langar eða lengri og voru þær samtals 452 m á lengd.
Auk þess voru byggðar 4 smábrýr (4-10 m), samtals 21 m á lengd.
Viðhald vega með bundnu slitlagi: Lagðir voru 191 km af slitlagi í viðhaldi.
Stórverkefni: Hafnarfjarðarvegur, Kópavogur - Arnarnes. Fjárveiting var 105 milljónir króna.
Ólafsfjarðarvegur: Jarðgöng um Ólafsfjarðarmúla. Fjárveiting var 272 milljónir króna. Þann
15.desember 1990var umferð hleypt á göngin og þau formlega vígð i.mars 1991. Vestfjarða-
Mynd 17 Heildarútgjöld til vegamála 1964-1990. Upphœðir í m.kr. á verðlagi 1990.