Árbók VFÍ - 01.01.1992, Qupperneq 102

100 Árbók VFÍ 1990/91
í Neskaupstað var höfnin dýpkuð og hafnarvog sett upp.
Við innsiglinguna til Hafnar í Hornafirði unt Hornarfjarðarós urðu umhleypingar í veðurfari
þess valdandi að náttúrulegt jafnvægi raskaðist. Dýpka þurfti því í ósnunt og styrkja Suður-
fjörutangann til bráðabirgða. Auk þess var unnið að minniháttar framkvæmdum inni í höfn-
inni. Samtals var unnið að framkvæmdum fyrir 61 milljón króna.
í Vestmannaeyjum var unnið fyrir 65 milljónir króna. Þar vóg þyngst bygging 100 metra
viðlegukants milli Binnabryggju og skipalyftu.
í Grindavík var meðal annars unnið að endurbyggingu mannvirkja, sem löskuðust mikið í
fárviðrinu veturinn 89/90. Trébryggja við Svíagarð var endurbyggð svo og grjótgarðarnir er
afmarka höfnina. Þá voru endurbyggðir um 70 metrar af viðlegukantinum á sunnanverðum
Eyjabakka.
Reykjavíkurhöfn: Höfnin kostar sínar framkvæmdir alfarið af eigin aflafé. Meginverkefni
ársins var frekari uppbygging vöru- og flutningarhafnar í Sundahöfn.
Stærsta framkvæmdin var við Vogabakka, en á árinu lauk hafnargerð við 1. áfanga sem er
120 metra langur hafnarbakki og nam kostnaður árið 1990 um 93 milljónum króna. A svæð-
inu við Vatnagarða lauk framkvæmdum við lengingu sporbrautar fyrir gámakranann Jaka á
Kleppsbakka. Einnig lauk á árinu frágangi skjólgarðs við Korngarð. Kostnaður við þessar
framkvæmdir við Vatnagarða nam 59 milljónum króna.
Framkvæmdir við Kleppsbakka hófust á 50.000 m2 landauka. Keyptar voru floteiningar
fyrir smábáta í Suðurbugt.
Auk þessa var unnið að ýmsum minni framkvæmdum í gömlu höfninni.
Ferjubryggjur og lendingarbætur: Stærsta verkefnið var endurbygging bryggjunnar í Flatey
á Breiðafirði.
Sjóvarnargarðar: Stærstu verkefni ársins voru á Eyrarbakka og Stokkseyri og var unnið fyrir
um 30 milljónir á hvorum stað. Þar hófust framkvæmdir við að styrkja og endurbyggja garða
sem skemmdust mikið í flóðum þann 9. janúar 1990. Aætlað var að endurbyggingu garðanna
lyki sumarið 1991.
7.3 Flugvallaframkvæmdir
Á árinu 1990 varð verulegur samdráttur á framkvæmdum við flugvelli eða 51% í stað 31%
aukningu árið á undan. Alls var unnið við framkvæmdir á flugvöllunt landsins fyrir 231 mill-
jón króna. Ákvörðun var tekin um byggingu nýrrar flugstjórnarmiðstöðvar á Reykjavíkurflug-
velli. Áætlaður heildarkostnaður vegna hennar er 900 milljónir króna og áætluð verklok 1993.
Unnið var að gerð nýs fluggagnakerfis, FDPS, sent taka á í notkun 1992. Frumdrög að fram-
tíðarflugstjórnarkerfi fyrir Norður Atlantshafssvæðið voru lögð fram á árinu.
7.4 Fjarskipti
Póstur og sími. Á árinu 1990 fjárfesti Póstur og sími fyrir 876 milljónir króna sem er 250
milljónum króna meira en á árinu 1989. Ný tækni í símabúnaði hefur litið dagsins ljós á
síðustu árum. Fjárfesting í þessari nýju tækni, svo sem í stafrænum símstöðvum og ljósleiðara,
hefur borið þann árangur að hagur fyrirtækisins er nú betri en í langan tíma áður. Þessi þróun
hefur leitt til lækkunar á raunkostnaði við símaþjónustu innanlands, betri þjónustu og meira
öryggis.