Fréttablaðið - 28.02.2012, Blaðsíða 8

28. febrúar 2012 ÞRIÐJUDAGUR8
1. Hvað heitir ný veira sem lagst
hefur þungt á sauðfé í Bretlandi,
Hollandi og Þýskalandi?
2. Hvað brautskráðust margir
nemendur frá Háskóla Íslands um
helgina?
3. Hver er formaður efnahags- og
viðskiptanefndar Alþingis?
SVÖRIN
1. Schmallenberg-veira. 2. Fjögurhundruð
áttatíu og fjórir. 3. Helgi Hjörvar.
FRÉTTASKÝRING
Hver er stuðningur við aðildarvið-
ræður við ESB hjá þingmönnum?
Ögmundur Jónasson innanríkis-
ráðherra opinberaði þá skoðun sína
um helgina að standa ætti við fyrri
tímaplön varðandi aðildarviðræð-
ur að Evrópusambandinu (ESB)
og kjósa um fullgerðan samning á
þessu kjörtímabili. Sú yfirlýsing
fór illa í ráðherra utanríkismála,
Össur Skarphéðinsson, sem segir
við Morgunblaðið að það sé ávísun
á vanbúinn samning. Hefðu menn
viljað standa við tímaplanið hefði átt
að setja meiri trukk í viðræðurnar
fyrr, ekki þvælast fyrir þeim eins
og margir hafi gert, ekki síst í flokki
innanríkisráðherrans.
Aðildarumsóknin er ríkis-
stjórninni flókin og hefur verið
frá upphafi. Samkvæmt stjórnar-
sáttmála var samþykkt tillaga um
umsókn, sem ljóst var að var í and-
stöðu við stefnu Vinstri grænna.
Samningur skyldi lagður undir þjóð-
ina og flokkarnir höguðu málflutn-
ingi sínum í takt við stefnuskrána.
Sú staða hefur því verið uppi að
ríkisstjórnin stendur fyrir umsókn
að sambandi sem helmingur hennar
hefur ekki áhuga á að tilheyra.
Andstöðu gagnvart aðildar-
umsókninni er að finna í Vinstri
grænum, Sjálfstæðisflokki og ekki
síst Framsóknarflokki. Vigdís
Hauksdóttir, þingmaður síðast-
nefnda flokksins, hefur reglulega
lagt fram tillögu um að þjóðin verði
spurð álits á því hvort viðræðum
skuli haldið áfram. Nú leggur hún
til að kosið verði samhliða forseta-
kosningum í sumar.
Sjálfstæðisflokkurinn samþykkti
á landsfundi sínum árið 2010 að
gera ætti hlé á aðildarviðræðum og
leggja það í dóm þjóðarinnar hvort
þeim yrði fram haldið. Í umræðum
um tillöguna kom fram að með
því fengist skýrt umboð til áfram-
haldandi viðræðna, samþykkti þjóð-
in slíka tillögu. Hafni þjóðin henni
sé hægt að segja sig frá viðræðun-
um strax og eyða ekki frekari tíma
vina- og frændþjóða í samningana.
Fyrir liggur að stjórnarmeiri-
hlutinn hyggst leggja frumvarps-
drög stjórnlagaráðs í þjóðarat-
kvæði, líklega í sumar, og vinna svo
lagafrumvarp upp úr niðurstöðunni.
Heimildarmenn Fréttablaðsins
hafa spurt hvort ekki gildi hið sama
um Evrópumálin. Með því að spyrja
þjóðina beint fáist álit hennar á
aðildarviðræðunum sem síðan
verði unnið úr. Það geti heldur ekki
verið flókið í framsetningu að bæta
við einni já/nei spurningu, fyrst á
annað borð eigi að útvíkka forseta-
kosningarnar.
Ljóst er að tillaga þess efnis gæti
reynst stjórninni erfiður ljár í þúfu.
Það gæti reynst erfitt að skýra af
hverju þjóðin sé spurð álits í miðju
stjórnarskrárferli, en ekki megi
fyrir nokkurn mun gera slíkt hið
sama í miðju umsóknarferli. Þá er
óvíst hver afstaða einstakra þing-
manna VG yrði gagnvart slíkri
tillögu. kolbeinn@frettabladid.is
Vaxandi vilji til að
kjósa um viðræður
Sjálfstæðis- og Framsóknarflokkur vilja að þjóðin kjósi um áframhald aðildar-
viðræðna að ESB. Ráðherra vill klára samning og að þjóðin kjósi á kjörtíma-
bilinu. ESB-tillaga gæti fylgt stjórnarskrártillögu samhliða forsetakosningum.
Sjálfstæðisflokkurinn varaði við því að hafnar yrðu aðildarviðræður við ESB
án þess að ákvörðun um að óska eftir aðild væri tekin á grundvelli breiðrar
samstöðu í samfélaginu og án þess að skýr samningsmarkmið lægju fyrir.
Ekkert tillit var tekið til þeirra aðvarana og eru aðildarviðræðurnar nú í
ógöngum á ábyrgð klofinnar ríkisstjórnar til málsins. Landsfundur ályktar að
gera skuli hlé á aðildarviðræðum við Evrópusambandið og þær ekki hafnar
að nýju nema það verði samþykkt í þjóðaratkvæðagreiðslu.
Samþykkt landsfundar 2010
KJÖRKASSI Stjórnarliðar vilja að þjóðin kjósi um stjórnarskrá samhliða forseta-
kosningum í sumar. Stjórnarandstaðan vill að þjóðin kjósi um áframhald aðildar-
viðræðna við ESB við sama tækifæri. FRÉTTABLAÐIÐ/E.ÓL.
DÓMSMÁL Ragnar Árnason,
hagfræðiprófessor við Háskóla
Íslands, hefur stefnt Þór Saari,
þingmanni Hreyfingarinnar,
fyrir dóm vegna meiðyrða. Ragnar
krefur Þór um hálfa milljón króna
í miskabætur.
Tilefnið er ummæli sem Þór lét
falla í samtali við DV þess efnis að
Ragnar hefði þegið greiðslur frá
Landssambandi íslenskra útvegs-
manna í áratugi.
„Ég missti það út úr mér á
harðahlaupum í samtali við blaða-
mann DV að hann væri búinn að
vera á launum hjá LÍÚ í langan
tíma. Svo hafði Ragnar nú sam-
band við mig símleiðis og útskýrði
fyrir mér að þetta væri rangt og
bað mig að leiðrétta þetta,“ segir
Þór. Það hafi verið gert en allt hafi
komið fyrir ekki.
Þór er ósáttur við að Ragnar
skuli grípa til þessa úrræðis og
telur það setja tjáningarfrelsi hans
skorður. „Þetta er búið að kosta
mig 250 þúsund nú þegar og mun
örugglega kosta mig milljón þegar
upp er staðið. Út af einhverju
svona algjöru kjaftæði.“
Ragnar vildi ekki tjá sig um
málið en vísaði á lögmann sinn,
Huldu Árnadóttur. Hún segir að
leiðréttingin í DV hafi ekki verið
fullnægjandi.
„Ragnar fór þess á leit við
hann að hann bæðist opinberlega
afsökunar og drægi ummælin til
baka en hann var ekki fús til þess
og þar af leiðandi var Ragnar
nauðbeygður til að höfða þetta mál
til að fá ummælin dæmd dauð og
ómerk,“ segir Hulda. - sh
„Algjört kjaftæði,“ segir Þór Saari, sem segist hafa leiðrétt brigslyrði um LÍÚ:
Prófessor stefnir alþingismanni
RAGNAR ÁRNASON ÞÓR SAARI
BRUSSEL, AP Utanríkisráðherrar
ESB ákváðu í gær að herða enn
refsiaðgerðir sínar gegn stjórn-
völdum í Sýrlandi. Markmiðið er
að þrýsta á um að stjórnvöld slaki
á klónni í aðgerðum gegn stjórnar-
andstæðingum í landinu.
Sambandið fyrirskipaði að
eigur fjölmargra embættismanna
í stjórn Bashars Assad forseta
skyldu frystar auk þess sem gripið
er til aðgerða gegn seðlabanka
landsins. Þá er tekið fyrir við-
skipti með demanta, gull og aðra
eðalmálma frá Sýrlandi og vöru-
flug til landsins eru bönnuð.
ESB hefur þegar komið á margs
konar þvingunaraðgerðum og
meðal annars fryst eigur um 100
einstaklinga og 38 fyrirtækja.
Það hefur ekki skilað miklu þar
sem Assad situr sem fastast. Talið
er að um 8.000 manns hafi látist í
átökunum á tæpu ári.
Þrátt fyrir ástandið í landinu
efndi Assad til þjóðaratkvæða-
greiðslu um nýja stjórnarskrá.
Þar er meðal annars kveðið á um
að fleiri stjórnmálaflokkar verði
leyfðir og að forseti megi gegna
embætti í tvö sjö ára kjörtímabil
hið mesta.
Tillagan var samþykkt með 89
prósentum atkvæða, en stjórnar-
andstæðingar sniðgengu kosning-
arnar og sögðu þær skrípaleik. - þj
Utanríkisráðherrar Evrópusambandsins taka á ástandinu í Sýrlandi:
Herða refsiaðgerðir gegn Assad
FRÁ SÝRLANDI Bardagar geysa enn í Sýr-
landi. FRÉTTABLAÐIÐ/AP
EVRÓPUMÁL Morten Jung,
yfir maður Íslandsmála hjá
stækkunar skrifstofu ESB, og
Timo Summa, sendiherra ESB á
Íslandi, koma fram á kynningar-
fundi á Hótel KEA á Akureyri
annað kvöld milli kl. 17 og 18.
Þar munu þeir fjalla um stöðu
mála innan ESB og gang aðildar-
viðræðna sambandsins við
Ísland. Fundurinn er á vegum
Evrópustofu, upplýsingarmið-
stöðvar ESB, og er hluti af röð
slíkra funda sem haldnir verða út
um allt land á komandi vikum. - þj
Evrópustofa á Íslandi:
Funda um ESB
á Hótel KEA
Félagsfundur Sjálfsbjargar félags fatlaðra
á höfuðborgarsvæðinu verður haldinn
í kvöld, þriðjudag, kl. 19.30 í
félagsheimili Sjálfsbjargar, Hátúni 12.
Fundarefni:
Sjálfsbjörg – þekkingarmiðstöð, staða mála.
Guðbjörg Kristín Eiríksdóttir hópstjóri flytur erindi.
Að erindi loknu svara Guðbjörg Kristín og Tryggvi
Friðjónsson framkvæmdastjóri fyrirspurnum úr sal.
Kaffiveitingar
Söngdívurnar flytja nokkur lög
Ásta Dís flytur hugleiðingar um jákvæðni
Allir velkomnir.
Félagsfundur
Alla virka daga kl. 18.00
Disovery Channel er fáanleg í ALLT FRÆÐSLA TOPPUR LANDSBYGGÐ
VEISTU SVARIÐ?