Fréttablaðið - 28.02.2012, Blaðsíða 29
KYNNING − AUGLÝSING Endurskoðun & bókhald28. FEBRÚAR 2012 ÞRIÐJUDAGUR 7
KPMG er umsvifamikið fyrirtæki þar sem starfa um 230 manns á ellefu skrifstofum og starfsstöðvum vítt og
breitt um landið. Starfsemin skiptist í þrjú
meginsvið, endurskoðunarsvið, skatta- og
lögfræðisvið og fyrirtækjasvið.
Tryggja minni fyrirtækjum góða
þjónustu
„Uppgjörs- og bókhaldssviðið er hluti af
endurskoðunarsviðinu. Þar þjónustum
við minni og meðalstóra aðila sem ekki
óska eftir endurskoðun árs reikninga,“
segir Eyvindur Albertsson löggiltur endur-
skoðandi hjá uppgjörs- og bókhaldssviði
KPMG. Sviðið var sett á laggirnar fyrir
nokkrum árum til að tryggja að minni
og meðalstór fyrirtæki fengju jafn góða
þjónustu og stærri fyrirtækin. „Það hafði
áður komið fyrir að minni fyrirtækin
fengju ekki nægjanlega góða þjónustu og
því vildum við breyta,“ segir Eyvindur.
Hátt í þrjátíu manns vinna á uppgjörs-
og bókhaldssviðinu í Borgartúni en auk
þess eru fleiri starfsmenn á starfsstöðvum
úti á landi.
„Þessi þjónusta hefur mælst mjög vel
fyrir hjá viðskiptavinum okkar,“ segir
Eyvindur og bendir á nauðsyn þess að
styðja við fyrirtæki í vexti. „Maður veit
aldrei hvenær þessi litlu fyrirtæki verða að
stórum viðskiptavinum og því nauðsyn-
legt að veita þeim góða þjónustu meðan
þau vaxa og dafna.“
Bókhald frá a til ö
Uppgjörs- og bókhaldssvið KPMG sinnir
margs konar þjónustu, svo sem bókhaldi,
uppgjörum, gerð ársreikninga, skattskilum
og launavinnslu.
„Við bjóðum upp á alla almenna bók-
haldsþjónustu í dk fjárhagsbókhaldi en
höfum jafnframt þekkingu á öðrum bók-
haldskerfum sem eru á markaðnum á borð
við Navision, Axapta, TOK, TOK+, Stólpa og
Ópusallt,“ segir Eyvindur .
Þegar bókhald hvers virðisaukaskatts-
tímabils hefur verið fært og afstemmt
útbúa starfsmenn sviðsins virðisauka-
skattsskýrslu fyrir tímabilið sé viðskipta-
vinurinn í virðisaukaskattskyldum rekstri.
„Þá sjáum við um að senda skýrsluna í raf-
rænu formi til skattstjóra og viðskipta-
vinurinn getur greitt hana í heimabanka
sínum,“ útskýrir Eyvindur og bendir á að
sum fyrirtæki kjósi að fá bókara frá KPMG
til að koma til sín og vinna í þeirra eigin
tölvukerfum. „Sú þjónusta okkar hefur
mælst mjög vel fyrir.“
Vistun dk bókhaldskerfis
„Í samvinnu við dk hugbúnað ehf. bjóðum
við vistun dk bókhaldskerfis. Bókhalds-
kerfið er þá vistað hjá dk hugbúnaði ehf.
sem sér um að ávallt sé unnið á nýjustu
útgáfu kerfisins auk daglegrar afritatöku
sem er afar mikilvægt,“ segir Eyvindur.
Hann bendir á að viðskiptavinir KPMG geti
þannig fært sölureikninga hjá sér ásamt
innborgunum viðskiptavina og haft dag-
lega yfirlit yfir viðskiptafærslur.
„Við hjá KPMG færum fjárhagsbókhald-
ið á skrifstofu okkar eða hjá viðkomandi
viðskiptavini. Sífellt f leiri nýta sér að fá
starfsmann frá KPMG til sín enda hefur
það sýnt sig að vera hagkvæmt og auk þess
fylgja því þægindi að þurfa ekki að flytja
gögn á milli húsa.“ Viðskiptavinurinn
hefur því beinan aðgang í bókhaldskerfið
og yfirsýn um rekstur og stöðu félagsins á
hverjum tíma.
„Auk færslu bókhalds tökum við að
okkur að útbúa og senda út sölureikninga
fyrir viðskiptavini,“ tekur Eyvindur fram.
Gerð ársreikninga
Uppgjörs- og bókhaldssvið býður við-
skiptavinum sínum faglega og ekki síst
áreiðanlega þjónustu við gerð ársreikninga
og árshlutareikninga hvort sem viðskipta-
vinurinn færir bókhald sitt sjálfur eða það
fært hjá KPMG.
„Við getum tekið við rafrænum færslum
til uppgjörs úr öllum helstu bókhalds-
kerfum sem eru á markaðnum,“ segir
Eyvindur.
Skattframtöl fyrir einstaklinga
og fyrirtæki
„Við önnumst gerð skattframtala, bæði
fyrir einstaklinga og fyrirtæki,“ segir Ey-
vindur og bendir á að á uppgjörs- og bók-
haldssviði starfi löggiltir endurskoðend-
ur og sérfræðingar á sviði skattamála. „Þá
störfum við einnig í náinni samvinnu við
skatta- og lögfræðisvið KPMG,“ segir hann.
Einnig er veitt skattaleg ráðgjöf á
sviðinu. „Þá tökum við að okkur að svara
kærum og fyrirspurnum skattyfirvalda ef
þess er óskað.“
Launaútreikningur er oft flókinn
Eyvindur segir æ algengara að bæði stórir
og smáir rekstraraðilar fái utanaðkomandi
aðila til að sjá um launaútreikninga hvort
sem er að hluta til eða öllu leyti. „ Ástæðan
er meðal annars að launaútreikningur er
oft flókinn og ekki síður sú launaleynd sem
oft er krafist að viðhöfð sé í fyrirtækjum,“
segir Eyvindur en uppgjörs- og bókhalds-
svið KPMG annast launavinnslur fyrir
rekstraraðila og félög.
„Við færum launabókhald, sendum
launamönnum launaseðla á pappír eða í
rafrænu formi, útbúum skilagreinar til líf-
eyrissjóða, stéttarfélaga og skattyfirvalda,“
segir hann en í árslok eru útbúnir launa-
miðar og þeir sendir skattyfirvöldum og
launþegum ef þess er óskað. „Ef viðskipta-
vinurinn færir sjálfur fjárhagsbókhald
sitt sendum við honum dagbókarskrá yfir
launavinnslur, annaðhvort til innsláttar
eða í rafrænu formi til innlestrar.“
Mikil sérfræðikunnátta á einum stað
„Við finnum fyrir því að margir hræðast
stór fyrirtæki á borð við KPMG. Það er hins
vegar alger óþarfi. Okkar helsti kostur er sá
að við höfum yfir að ráða fjölda sérfræð-
inga sem við getum leitað til eftir því af
hvaða toga verkefnið er,“ segir Eyvindur. Á
uppgjörs- og bókhaldssviði KPMG starfar
vel þjálfað reynslumikið starfsfólk, meðal
annarra löggiltir endurskoðendur, viður-
kenndir bókarar og starfsfólk sem er með
mikla reynslu af uppgjörum og hefur
yfirsýn yfir flestar tegundir atvinnurekstrar
í landinu. „Þá teljum við okkur einnig mjög
samkeppnisfæra í verði í þessum geira,“
segir Eyvindur og bendir að lokum á heima-
síðu KPMG www.kpmg.is fyrir þá sem vilja
kynna sér starfsemi fyrirtækisins nánar.
KPMG vill tryggja öllum viðskipta-
vinum sínum jafn góða þjónustu
Uppgjörs- og bókhaldssvið KPMG sinnir margs konar þjónustu sem nýtist fyrirtækjum af öllum stærðum og gerðum líkt og í bókhaldi, uppgjörum,
gerð ársreikninga, skattskilum og launavinnslu. Á sviðinu vinnur reynslumikið og vel þjálfað starfsfólk bæði í Reykjavík og á landsbyggðinni.
Á uppgjörs- og bókhaldssviði KPMG starfar vel þjálfað og reynslumikið starfsfólk.
„Okkar helsti kostur er sá að við höfum yfir að ráða fjölda sérfræðinga sem við getum leitað til eftir því af hvaða toga verkefnið er,” segir Eyvindur Albertsson, löggiltur
endurskoðandi hjá uppgjörs- og bókhaldssviði KPMG. MYND/VALLI
Á uppgjörs- og bókhaldssviði KPMG þjónustum við minni
og meðalstóra aðila sem ekki óska eftir endurskoðun
ársreikninga. Sviðið var sett á laggirnar til að tryggja að þessi
fyrirtæki fengju jafn góða þjónustu og stærri fyrirtækin.