Fréttablaðið - 28.02.2012, Blaðsíða 10
28. febrúar 2012 ÞRIÐJUDAGUR10
Umsjón: nánar á visir.is
Allt að hundrað aðilum sem teljast
ekki fagfjárfestar samkvæmt
lögum verður boðið að taka þátt í
lokuðu útboði á sölu Eignabjargs
ehf., dótturfélags Arion banka, á
að lágmarki 10% hlut í Högum.
Þá veitti Fjármálaeftirlitið (FME)
Eignabjargi, dótturfélagi Arion
banka, á föstudag leyfi til að eiga
10% hlut í félaginu. Eftirlitið hafði
áður gert félaginu að selja allan
hlut sinn í Högum fyrir 1. mars
næstkomandi.
Eignabjarg tilkynnti seint á
föstudag að félagið myndi selja að
minnsta kosti 10% hlut í Högum
í lokuðu útboði í þessari viku.
Útboðið var ekki hafið í gær og
mun því að öllum líkindum standa
yfir í dag og á morgun.
Halldór Bjarkar Lúðvíksson,
framkvæmdastjóri fjárfestinga-
sviðs Arion banka, segir að þó að
FME hafi veitt Eignabjargi leyfi
til að eiga áfram hlut í Högum þá
muni það á ein hverjum tímapunkti
selja alla eign sína í félaginu.
„Samkvæmt ákvörðun FME var
okkur skylt að selja allan hlutinn,
eða tæp 20%. En nú hafa þeir
veitt okkur heimild til að sitja
með ákveðið magn af bréfum í
við skiptum fyrir eigin reikning.
FME staðfesti það við okkur í
síðustu viku, á föstudag, að þeir
myndu draga mörkin við 10%.
Ef við færum undir þau mörk í
eignar haldi þá væri þeirra afskipt-
um að málinu lokið.“
Að sögn Halldórs er stjórn
Eignabjargs ekki búin að gera
það upp við sig um hversu mikið
verður selt í útboðinu í þessari
viku. Það fari algjörlega eftir
áhuga og verðhugmyndum áhuga-
samra fjárfesta.
Útboðið er lokað og Eigna-
bjarg mun bjóða völdum aðilum
að taka þátt í því. Þeir verða fag-
fjárfestar á borð við lífeyrissjóði
og fjár festinga sjóði auk þess sem
Eignabjarg mun bjóða völdum
fjárfestum sem ekki falla undir þá
skilgreiningu að taka þátt. Halldór
segir það vera í samræmi við
heimild í lögum. „Sú heimild segir
að það sé heimilt að bjóða allt að
hundrað fjárfestum sem ekki eru
með þann stimpil að vera hæfir
fjárfestar inn í lokað útboð án þess
að gefa út viðbótarupplýsingar og
viðauka við útboðslýsinguna.“
Eignabjarg er sem stendur
stærsti einstaki eigandi Haga með
um 20% hlut. thordur@frettabladid.is
JAPAN, AP Allir stjórnarmenn í jap-
anska stórfyrirtækinu Olympus
hafa sagt af sér og ný forysta
hefur tekið við. Vonast er til þess
að með því verði hægt að snúa
fyrirtækinu til betri vegar eftir
hneykslismál síðustu mánaða.
Í lok síðasta árs kom í ljós að
menn í efstu stöðum innan fyrir-
tækisins höfðu um árabil reynt að
breiða kerfisbundið yfir gríðarlegt
tap á fjárfestingum. Alls tapaði
Olympus um 117,7 milljörðum
jena, að jafngildi um 180 milljarða
króna, með þessum hætti, en tapið
var falið fyrir hluthöfum og eftir-
litsaðilum.
Fyrr í mánuðinum voru þrír
fyrrum stjórnendur Olympus
handteknir fyrir að standa á bak
við yfirhylminguna, sem kom
í ljós eftir rannsókn og yfir-
lýsingar fyrrum forstjóra. Sá hafði
einmitt verið rekinn fyrir að fetta
fingur út í vafasamar færslur í
reikningum fyrirtækisins. - þj
Uppgjör hafið hjá ljósmyndarisanum Olympus:
Stjórnin sagði af sér
eftir hneykslismál
NÝIR MENN Í BRÚNNI Í gær var tilkynnt að allir stjórnarmenn Olympus hefðu sagt af
sér í kjölfar hneykslismála. FRÉTTABLAÐIÐ/AP
SAMÞÆTTING
Við hjálpum þér að fá meira út úr fjárfestingu í viðskiptalausnum
með samþættingu við önnur upplýsingakerfi.
VIÐSKIPTALAUSNIR
Bjóðum uppá þrautreyndar viðskiptalausnir,
eins og Microsoft Dynamics NAV og LS Retail.
RÁÐGJÖF
Hjá Rue de Net starfar samstíga hópur sérfræðinga
með áralanga reynslu af rekstri og innleiðingu viðskiptakerfa.
KERFISÖRYGGI
Við tryggjum hámarks virkni og áreiðanleika
viðskiptalausna þinna.
Framúrskarandi
lausnir á einum stað
www.ruedenet i. s
Rue de Net Reykjavík - Vesturgötu 2a, 101 Reykjavík - Sími: 414 5050 - ruedenet@ruedenet.is
REYNSLA, ÞJÓNUSTA OG PERSÓNULEG RÁÐGJÖF
Rue de Net hefur yfir að ráða samstíga hópi sérfræðinga með áralanga reynslu af rekstri viðskiptakerfa,
innleiðingu og samþættingu viðskiptalausna. Við leggjum áherslu á nána og persónulega ráðgjöf þar sem
ráðgjafi Rue de Net kemur að verkferlinu frá byrjun til enda, frá sölu til afhendingar vöru, lausnar og þjónustu.
Arion má eiga 10%
hlut í Högum áfram
FME veitti dótturfélagi Arion banka leyfi í lok síðustu viku til að eiga 10% hlut í
Högum. Áður átti bankinn að selja hlutinn fyrir 1. mars. Allt að hundrað fjár-
festum öðrum en fagfjárfestum boðið að taka þátt í lokuðu útboði.
HAGAR Félagið var sett á markað í desember síðastliðnum og hlutabréf þess hafa
hækkað um fimmtung í verði síðan þá. FRÉTTABLAÐIÐ/VALLI
Hagar högnuðust um 1,9 milljarða króna frá 1. mars til loka nóvember 2011.
Félagið seldi vörur fyrir 49,9 milljarða króna á tímabilinu og átti eigið fé upp
á 5,7 milljarða króna í lok þess.
Samkvæmt nýrri skýrslu Samkeppniseftirlitsins eru Hagar, sem reka m.a.
Bónus og Hagkaup, með 53% hlutdeild á dagvörumarkaði. Samstæðan
er því sú langstærsta innan hans á Íslandi. Þegar horft er einvörðungu til
höfuðborgarsvæðisins er markaðshlutdeild Haga um 60%. Félagið hefur
staðfesta markaðsráðandi stöðu í skilningi samkeppnislaga.
Hagar í góðum rekstri
973,21 VAR GENGI íslensku hlutabréfavísitölunnar OMXI6ISK við lokun í gær. Hún hefur hækkað
um 7,0% frá áramótum.