Fréttablaðið - 28.02.2012, Blaðsíða 43
ÞRIÐJUDAGUR 28. febrúar 2012 27
Viltu upplifa einstaka leiksýningu og
taka þátt í að búa til nýja Símaskrá?
Má bjóða
þér í leikhús?
Í Símaskránni 2012 verða leiklistin og þjóðin í forgrunni og við viljum
fá þig í lið með okkur við að búa til nýja Símaskrá.
Af því tilefni bjóða Já og Borgarleikhúsið í leikhús 3. mars kl. 14 þar
sem tvíeykið Hundur í óskilum fer í gegnum Sögu þjóðar í tali og tónum
á meðan áhorfendur eru myndaðir.
Hvar & hvenær?
Borgarleikhúsinu, laugardaginn 3. mars kl. 14.
Hvað fæ ég marga miða?
Tveir miðar eru í boði fyrir hvern sem skráir sig.
Hvernig skrái ég mig?
Hægt er að skrá sig á já.is eða senda tölvupóst á
leikhus@ja.is með upplýsingum um nafn og kennitölu
þína og þess sem þú vilt bjóða. Einnig er hægt að skrá sig
hjá miðasölu Borgarleikhússins í síma 568 8000.
Hvernig veit ég hvort ég fæ miða?
Þar sem einungis 550 miðar eru í boði þá getum við því
miður ekki tryggt öllum sem skrá sig þátttöku. Ef þú dast í
lukkupottinn og ert á leiðinni í leikhús þá sendum við þér
tölvupóst með nánari upplýsingum.
118 Gulu síðurnar Já.is Stjörnur.is Símaskrá Já í símann i.já.is
Borgarleikhúsið er samstarfsaðili Símaskrárinnar 2012
„Langt er síðan ég
hef orðið vitni að
öðru eins fýreverkerí
af fyndni og andríki.“
JVJ, DV
Saga þjóðar
3. mars
kl. 14
FÓTBOLTI Sir Alex Ferguson, knatt-
spyrnustjóri Manchester Uni-
ted, segir að þeir Paul Scholes
og Ryan Giggs séu í sérflokki af
öllum þeim leikmönnum sem hafi
klæðst rauðu treyju félagsins.
Báðir skoruðu í 2-1 sigri United
á Norwich um helgina en Giggs
skoraði sigurmark leiksins í upp-
bótartíma. Giggs var þar að auki
að spila sinn 900. leik með Manc-
hester United.
„Ég held að Ryan hafi átt skilið
að skora sigurmarkið með síðustu
spyrnu leiksins, sérstaklega
miðað við þann feril sem hann
hefur átt,“ sagði Ferguson eftir
leikinn.
„Ég var nú reyndar búinn að
gleyma því að Scholesy skoraði
fyrsta markið,“ sagði hann í
léttum dúr. „Hann og Giggs eru
bestu leikmennirnir sem félagið
hefur nokkru sinni átt.“ - esá
Sir Alex Ferguson:
Giggs og Scho-
les eru bestir
RYAN GIGGS Hefur átt ótrúlegan feril.
NORDIC PHOTOS/GETTY IMAGES
FÓTBOLTI Samkvæmt enskum fjöl-
miðlum er mögulegt að Carlos
Tevez muni spila í búningi
Manchester City þegar að varalið
félagsins mætir Preston í dag.
Leikurinn átti upphaflega að
fara fram á miðvikudaginn en
hefur nú verið færður fram um
einn sólarhring. Hann mun fara
fram fyrir luktum dyrum.
Tevez sneri nýverið aftur til
Englands eftir þriggja mánaða
útlegð í heimalandi sínu,
Argentínu. Hann hefur ekkert
spilað síðan í september er
hann neitaði að koma inn á sem
varamaður í leik með liðinu í
Meistara deildinni.
Hann hefur nú beðist
afsökunar á öllu saman og vill
nú spila með liðinu á nýjan leik.
Talið er ólíklegt að hann muni
spila með City gegn Bolton um
næstu helgi en hann gæti komið
við sögu þegar að liðið mætir
Gylfa Þór Sigurðssyni og félögum
í Swansea þann 10. mars. - esá
Carlos Tevez:
Spilar kannski
með City í dag
HANDBOLTI Landsliðs mennirnir
Ásgeir Örn Hallgrímsson og
Róbert Gunnarsson hafa báðir
samþykkt að ganga í raðir franska
félagsins Paris Handball næsta
vetur.
„Þetta kom fyrst upp á EM og
svo var framhald á þessu eftir
EM og nú er allt klappað og klárt,“
sagði Ásgeir Örn en hann hefur
leikið með Hannover-Burgdorf
síðustu ár á meðan Róbert hefur
verið að leika með Rhein-Neckar
Löwen.
„Ég er að gera tveir plús einn
samning en ég held að Robbi sé
með þriggja ára samning. Það er
margt heillandi við að fara þangað.
Það á að spýta í lófana hjá félaginu.
Við komum þrír núna og svo koma
þrír í viðbót að ári. Það standa
sterkir menn á bak við félagið
sem ætla að eyða peningum. Það
er líka gaman að prófa að búa í
París og læra nýtt tungumál. Ég
er spenntur fyrir nýju ævintýri.“
Tvö lið falla úr frönsku deildinni
og eru fjögur lið í þeirri baráttu.
Paris Handball er eitt þeirra og
situr í næstneðsta sæti í dag.
„Það væri ekkert spes ef liðið
fellur. Maður vonar það besta en ef
ekki þá tökum við þann slag með
liðinu næsta vetur.“
Það er verið að moka peningum í
knattspyrnuliðið Paris St. Germa-
in og það á einnig að gera hand-
boltaliðið að einu því besta.
„Ég er mjög ánægður með minn
samning. Þessi samningur er á
pari við það sem menn eru að fá
í Þýskalandi. Ég er ekki að gera
lélegri samning,“ sagði Ásgeir
aðspurður um hvort það væru ein-
hver ofurlaun hjá liðinu.
Hannover-Burgdorf vildi halda
Ásgeiri og bauð honum samning
sem hann hafnaði. - hbg
Ásgeir Örn Hallgrímsson og Róbert Gunnarsson á leið til Paris Handball:
Félagið er að fara að spýta í lófana
PARÍS BÍÐUR Í OFVÆNI Ásgeir og Róbert munu spila handbolta í París næsta vetur.
FRÉTTABLAÐIÐ/VILHELM