Fréttablaðið - 28.02.2012, Blaðsíða 42
28. febrúar 2012 ÞRIÐJUDAGUR26
sport@frettabladid.is
SIF ATLADÓTTIR hefur þurft að draga sig úr íslenska kvennalandsliðinu í
knattspyrnu fyrir Algarve-mótið. Sif er meidd. Í hennar stað hefur verið valin Anna
María Baldursdóttir, leikmaður Stjörnunnar. Mótið fer fram 29. febrúar til 7. mars.
FÓTBOLTI Ísland hefur á morgun
leik á Algarve-æfingamótinu í
Portúgal og mætir geysisterku
liði Þýskalands í fyrsta leik. Ísland
komst alla leið í úrslita leikinn á
þessu móti í fyrra en tapaði þá
fyrir Bandaríkjunum. Lands-
liðsþjálfarinn Sigurður Ragnar
Eyjólfs son segir að liðið sé veikara
í ár en í fyrra.
„Það hefur verið mikið um for-
föll og meiðsli og það munu því
nýir leikmenn fá tækifæri nú,“
sagði Sigurður Ragnar í gær en
þá var hann staddur með hópnum
á flugvellinum í Manchester, á leið
til Portúgals.
„Við munum nýta þessa keppni
til að skoða leikmenn og er stefnan
sett á að allir fái að spila eitthvað.
Við spilum svo mikilvægan leik
gegn Belgíu í undankeppni EM
2013 í apríl og við þurfum að gera
okkur grein fyrir því hvaða leik-
menn við ætlum að nota í þann
leik,“ segir Sigurður Ragnar.
Ekki U-21 eða U-23 síðan 2006
Alls eru sex leikmenn sem voru
með í síðasta landsliðsverkefni
nú fjarverandi auk þess sem þær
Margrét Lára Viðarsdóttir og Sara
Björk Gunnarsdóttir verða notaðar
sparlega að ósk félagsliða þeirra.
Mótið mun því nýtast vel til að
gefa öðrum leikmönnum tækifæri
til að kynnast því að spila með
landsliðinu í stórum leikjum.
Knattspyrnusambandið hefur
ekki starfrækt U-21 eða U-23
landslið kvenna síðan 2006 og
hefur það mikið að segja um þá
leikmenn sem eru að ganga upp í
A-landsliðið nú. Flestir þeirra eiga
aðeins leiki að baki með U-17 og
U-19 ára landsliðum Íslands og
segir Sigurður Ragnar að þaðan sé
stökkið upp í A-landsliðið nokkuð
stórt.
„Þegar ég tók við A-landsliðinu
árið 2007 voru flestir leikmenn
með reynslu úr U-21 og U-23 lands-
liðum,“ segir Sigurður Ragnar sem
segist vilja endurvekja landslið
fyrir þennan aldurshóp.
UEFA ekki með keppni
„Það eru mjög góðar líkur á því að
við séum búin að finna leik fyrir
U-23 landslið á þessu ári en það
er þó ekki 100 prósent staðfest
enn. Ég og þjálfarar yngri lands-
liðanna erum sammála um að það
sé mikilvægt að hafa U-23 lands-
lið til að undirbúa leikmenn fyrir
A-landsliðið. Vandamálið er hins
vegar það að UEFA [Knattspyrnu-
samband Evrópu] er ekki með
alþjóðlega keppni fyrir þennan
aldurshóp og því erfiðara að finna
verkefni,“ segir hann.
„Svo er þetta auðvitað alltaf
spurning um fjármagn. En flestar
bestu þjóðirnar eru með U-23 lið
og við erum að reyna að koma
þessu aftur af stað hjá okkur.
Vonandi gengur það eftir.“
Árið 2004 var Norðurlanda-
mót U-21 liða kvenna haldið hér á
landi og margir af lykilmönnum
íslenska landsliðsins í dag spiluðu
í því móti. „Norðurlandamótið
var haldið til 2006 en síðan var
því hætt. Það var reynt að byrja
aftur og sumar þessara þjóða hafa
verið að spila æfingaleiki og búa
til æfingamót. En það hefur ekki
gengið til fulls að endurvekja
mótið.“
Engin fædd 1989 með landsleik
Hann segir margt benda til þess
að skortur á verkefnum fyrir rúm-
lega tvítugar knattspyrnukonur
hafi haft sitt að segja. „Til dæmis
á enginn leikmaður fæddur 1989
að baki A-landsleik. Þar höfum við
misst út stóran hóp.“
Sigurður Ragnar tekur þó fram
að A-landsliðið hafi fengið mikið að
gera á þeim árum sem hann hefur
stýrt liðinu. „Við höfum spilað jafn
marga leiki á þessum fimm árum
og síðustu níu ár á undan. Leik-
menn læra alltaf best af því að
spila með A-landsliðinu og þess
vegna er Algarve- mótið svona
mikilvægt. Í þessu móti munum við
ekki alltaf stilla upp okkar besta
liði heldur gefa leikmönnum tæki-
færi til að sjá hvernig þær spjara
sig,“ segir hann.
„Við munum engu að síður fara
í hvern leik með það markmið að
vinna. Við ætlum að halda áfram að
bæta okkur og venjast því að spila
við bestu liðin og ná góðum úrslitum
gegn þeim.“ eirikur@frettabladid.is
Viljum endurvekja U-23 lið Íslands
Ísland hefur ekki átt U-21 eða U-23 lið kvenna síðan árið 2006. Sigurður Ragnar Eyjólfsson landsliðsþjálfari
segir mikilvægt að finna fleiri verkefni fyrir þennan aldurshóp. Breytt landslið hélt utan til Algarve í gær.
SIGURÐUR RAGNAR Segir að það sé of stórt stökk fyrir leikmenn sem ganga upp úr U-19 landsliðinu að fara beint í A-landsliðið.
FRÉTTABLAÐIÐ/VILHELM
Þegar ég tók við A-
landsliðinu árið 2007
voru flestir leikmenn með
reynslu úr U-21 og U-23
landsliðum.
SIGURÐUR RAGNAR EYJÓLFSSON
LANDSLIÐSÞJÁLFARI KVENNA
Landsliðshópurinn
Markverðir
Þóra B. Helgadóttir 81 landsleikur
Guðbjörg Gunnarsdóttir 19
Aðrir leikmenn
Katrín Jónsdóttir 111 landsleikir
Margét Lára Viðarsdóttir 77
Dóra María Lárusdóttir 71
Hólmfríður Magnúsdóttir 64
Sara Björk Gunnarsdóttir 43
Katrín Ómarsdóttir 39
Rakel Hönnudóttir 33
Guðný B. Óðinsdóttir 28
Greta Mjöll Samúelsdóttir 24
Hallbera Guðný Gísladóttir 23
Fanndís Friðriksdóttir 21
Harpa Þorsteinsdóttir 16
Þórunn Helga Jónsdóttir 7
Thelma Björk Einarsdóttir 6
Mist Edvardsdóttir 3
Gunnhildur Yrsa Jónsdóttir 1
Anna María Baldursdóttir -
Elísa Viðarsdóttir -
Katrín Ásbjörnsdóttir -
VILDARÁSKRIFT AÐ STÖÐ 2 INNIHELDUR AUK STIGVAXANDI AFSLÁTTAR. 512 5100 STOD2.IS VERSLANIR VODAFONE VERSLANIR OG ÞJÓNUSTUVER SÍMANS 800 7000
ASHTON KUTCHER MÆTIR Í KVÖLD KL. 20.35
Hafðu hláturtaugarnar klárar þegar Ashton Kutcher mætir til leiks í
stað Charlie Sheen sem var látinn fara eins og frægt er orðið. Nýju
þættirnir hafa slegið í gegn vestra en Kutcher leikur milljónamæring
sem kaupir hús Charlies og leyfir þeim Alan og Jake að búa hjá sér.
FÁÐU Þ
ÉR ÁSK
RIFT
STOD2
.IS
KÖRFUBOLTI Kobe Bryant, aðal-
stjarna NBA liðsins LA Lakers,
er með brákað nef eftir viðskipti
sín við Dwayne Wade, leikmann
Miami Heat, í Stjörnuleiknum í
Orlando. Forráðamenn Lakers
greindu frá því að Bryant færi í
skoðun hjá háls-, nef- og eyrna-
lækni í dag. Fréttavefurinn
Yahoo Sports greinir frá því að
Bryant hafi einnig fengið vægan
heilahristing.
Samkvæmt nýjum reglum
NBA-deildarinnar þarf Bryant
að fara í ítarlega rannsókn áður
en NBA-deildin gefur honum
heimild til að leika á ný.
The Salt Lake Tribune greinir
frá því að Bryant hafi ekki farið
í viðtöl eftir leikinn vegna verkja
í höfði sem hann fékk í leiknum
eftir höggið frá Wade. - seth
Átök í Stjörnuleik NBA:
Kobe meiddist í
Stjörnuleiknum
KOBE BRYANT Það er ekki algengt að
leikmenn meiðist í Stjörnuleiknum.
NORDIC PHOTOS/GETTY IMAGES
HANDBOLTI Sænski handbolta-
kappinn Oscar Carlén verður frá
keppni næsta árið eftir að hann
þurfti að gangast undir enn einu
aðgerðina vegna þrálátra hné-
meiðsla. Carlén er á mála hjá
Hamburg í Þýskalandi.
Carlén hefur þrívegis slitið
krossband í hné og hefur farið í
sex hnéaðgerðir. Hann greindi frá
því einnig í samtali við þýska fjöl-
miðla að hann hafi alls þrettán
sinnum verið svæfður á ævinni.
„Ég var líka mjög óheppinn í
æsku,“ sagði hann.
Aðgerðin gekk vel en svo gæti
farið að hann þurfi að leggja
skóna á hilluna, ef endurhæfingin
gengur ekki eftir óskum. „Þetta
hafa verið mjög erfiðir mánuðir
en mér hefur aldrei liðið verr en
á þriðjudaginn. Þá lá fyrir að fara
í aðgerð sem myndi hafa úrslita-
áhrif á minn íþróttaferil.“ - esá
Oscar Carlén enn meiddur:
Fór í sjöttu
hnéaðgerðina