Ólafía : rit Fornleifafræðingafélags Íslands. - 01.05.2009, Qupperneq 58

kom hins vegar í ljós að þau voru
töluvert fleiri. Rústir þeirra komu fyrir
sjónir sem misdjúpar og misstórar
lautir á yfirborðinu. Flestar þeirra eru
enn greinanlegar í dag. Eins og staðan
er nú má sjá á yfirborðinu 18-19
hugsanlegar rústir sem gætu hafa
tilheyrt 9-10 húsum (mynd 43).
Í þessu samhengi ber að geta þess að
Búðaá hefur ítrekað flætt yfir vestur og
suðurhluta austursvæðisins og því
gætu rústirnar upphaflega hafa verið
fleiri. Ef til vill var samfelld byggð
milli austur- og suðursvæðisins, þ.e.
þar sem bátaskýlið er, áður en Búðaá
færði hluta þess svæðis í kaf.
Austursvæðið virðist reyndar hafa
verið skipulagt sem ein heild, þ.e.
húsin eða herbergin eru byggð í
röðum. Það bendir til að heildarþróun
uppbyggingar á svæðinu hafi verið
samfelld og byggð upp á sama tíma.
Ein undantekning er þó á þessu. Það er
rúst nr. 18 á suðausturhluta svæðisins
en hún snýr á skjön við aðrar rústir.
Hér gæti verið um naust að ræða frá
fyrri tíð en úr því fæst aðeins skorið
með frekari rannsóknum.

Sniðin
Langskurðir voru dregnir frá vestri til
austurs, þannig að A-B sker að
endilöngu rústir 1, 3, 7 og 16 sem allar
liggja í sömu röð. Hnitin fyrir A eru: X
144 / Y 500; hnitin fyrir snið B eru: X
130 / Y 530. Þversniðin voru tekin frá
norðri til suðurs, þannig að snið C-D
nær yfir rústir númer 1, 2 og 4. Hnitin
Mynd 43. Yfirlitsteikning af rústaþyrpingu austursvæðisins mæld áður en uppgröftur hófst.
__________
58