Ólafía : rit Fornleifafræðingafélags Íslands. - 01.05.2009, Qupperneq 61

hafa borist á náttúrulegan hátt. Þykkt
gjóskulagsins var um 10 sm í miðjunni
en þynntist út til hliðanna.

Efra gólflagið
Efra gólflagið var töluvert þykkara en
það neðra eða um 6 sm að jafnaði.
Litur þess var grábrúnn, vegna þess að
í því var ekki eins mikið af viðarkolum
og í neðra gólflaginu. Sams konar
hækkun, sem náði þvert yfir rústina,
inn af innganginum, var á efra gólfinu,
eins og á því neðra.
Vesturhluti gólfsins var um 15 sm
lægri en upphækkunin og voru skilin
þarna á milli nokkuð brött og
afgerandi. Þaðan lækkaði gólfið til
austurs en hækkaði aðeins aftur við
austurgaflinn. Á víð og dreif í efra
gólfinu fundust leifar um 15 múrsteina
en ógerlegt er að segja til um hvort
þeir hafi gegnt ákveðnu hlutverki í
byggingunni. Lítil brot úr múrsteinum
fundust einnig bæði í efra gólfinu sem
og í mannvistarlaginu sem var yfir því.
Gripir úr efra gólflagi
Gripir sem fundust í efra gólfi voru
sömu gerðar og þeir sem fundust í
hinum mannvistarlögunum, þ.e. járn-
naglar og leirkerabrot. Hér fundust líka
aðrir hlutir sem voru öðruvísi, t.d.
önglar, lás úr járni, sem og nokkrir
blýgripir, m.a. byssukúlur sem voru
1,2 sm í þvermál.

Lagið yfir efra gólfinu
Yfir efra gólfinu lág um 20 sm þykkt
mannvistarlag, sem sýndi að húsið var
notað all lengi eftir að blómaskeiði
Mynd 45. Austursvæði, rúst I. Horft til vesturs.
__________
61