Breiðfirðingur - 01.04.1977, Blaðsíða 25

Þörungavinnslan á Reykhólum
Hér mun reynt að gefa sanna hugmynd af gangi mála
hjá okkur á Reykhólum.
Rétt mun 'það vera, að fyrir hvert tonn af þangmjöli
fáist um 43 þúsund krónur, en það er að sjálfsögðu allt
of lágt verð. Ástæður munu vera meðal meðal annars þær,
að hér ríkir óðaverðbólga og kemur hún sér illa fyrir þessa
atvinnugrein eins og eflaust fleiri útflutnings-atvinnu-
greinar.
Skotar fá megnið af sínu þangi frá bændum, sem búa á
láglaunasvæðum Skotlands og Islendingar munu aldrei
sætta sig við þau laun, sem þeim er boðið uppá, enda hef-
ur það ekki verið gert.
Þangmjölið okkar er úrvals vara og líka úrvals kjarn-
fóður og sú spurning gæti vaknað, hvort ekki eigi að banna
útflutning á þangmjöli í ár og nota það til fóðurs á óþurrka-
svæðunum, því vafalaust mundi það auka heilbrigði bú-
penings og um leið mundu neytendur fá efnameiri og holl-
ari mjólk.
Þangskurður með sigðum eða þangsláttur með orfum og
ljáum er erfiðisvinna, og erfiðast er að moka þanginu í
til þess gert net. Handskurður hefur því fengið litla út-
breiðslu enn sem komið er og skiptir ekki máli þótt þeir
duglegustu hafi upp úr sinni líkamsorku allgóð daglaun.