Breiðfirðingur - 01.04.1977, Blaðsíða 95

BREIÐFIRÐINGUR
93
1947 og kom, á þeim árum, mjög oft fram í útvarpi. Hann
var landskunnur og mjög vinsæll útvarpsmaður, enda fór
saman hjá honum gott mál, athyglisverð efnismeðferð og
afburða skörunglegur flutningur.
Ragnar varð skólastjóri Gagnfræðaskólans á Akranesi
árið 1947 og gegndi því emhætti í 11 ár eða til ársins 1958.
Skömmu síðar tók heilsa hans að bila og flutti hann með
fjölskyldu sína til Reykjavíkur 1960 og var síðan búsettur
þar til dauðadags.
Hann starfaði mikið að félagsmálum. Hann átti sæti í
stúdentaráði á háskólaárum sínum og var formaður þess
um skeið. Þá var hann í stjórn Stúdentafélags Reykjavíkur
í nokkur ár, formaður Stúdentafélags Alþýðuflokksmanna
um skeið og formaður Stúdentafélagsins á Akranesi 1947
—1951 og Stúdentafélags Mið-vesturlands 1953-—1955
og 1957—1958. Þá var hann forseti Rotaryklúbbs Akra-
ness 1952—1953.
Ragnar fékkst mikið við ritstörf og liggur mikið eftir
hann á því sviði, bæði frumsamið og þýtt. Hann var skáld
gott og fékkst allmikið við ljóðagerð. Einnig reit hann
margs konar efni fyrir börn, ljóð, sögur og leikrit.
Hann var virkur félagi í Breiðfirðingafélaginu á fyrstu
árum þess og áhugasamur um vöxt þess og framgang. Hann
var einn af stofnendum þess hinn 17. nóvember 1938 og
var kosinn annar tveggja endurskoðenda þess á stofnfundin-
um. Síðar var hann ritari félagsins í eitt ár og meðstjórn-
andi í eitt ár. Þá átti hann sæti í nefnd er vann að undir-
búningi að útgáfu Breiðfirðings. Hann hóf göngu sína árið
1942 og var Ragnar ritstjóri fyrsta árgangsins.
Ragnar Jóhannesson var kvæntur Rögnu kennara Jóns-