Breiðfirðingur - 01.04.1990, Page 64

62
BREIÐFIRÐINGUR
er að segja til um, hvort það var gert úr innfluttum steinum
eða steinum brenndum eða tilhöggnum hér á landi.49 Engin
frambærileg rök eru til að setja múrhúsið í samband við
hleðslur sem fundust á Skarði 1977 og Mjöll Snæsdóttir
rannsakaði.50
Eins og segir í 21. erindi var Þorleifur lögmaður um tíma,
en það var á árunum 1541-46. Hann gekk að eiga Steinunni
dóttur Eiríks Þorsteinssonar frá Keldum á Rangárvöllum og
áttu þau tvær dætur, Sigríði og Guðrúnu, en skáldið vill ekki
geta um launbörn Þorleifs. Ekki virðist hafa verið blítt á
milli þeirra hjóna. Um kvonfangið og dæturnar er talað í
22.-23. erindi og dæturnar eru nefndar í 26 erindi. Jón Óiafs-
son á Grímsstöðum segir svo um hjónaband þeirra í annál
sínum: „hún sat optast á Skarði, en hann í Holti í Saurbæ,
því fátt var milli þeirra.“51 Til þessa vísar það sem segir í 27.
erindi, að hann hafi dáið inni í Holti.
Svo er að sjá að í 24. og 25. erindi sé verið að vísa til
frægrar heimsóknar að Skarði. Eitthvað átti Þorleifur sökótt
við Jón biskup Arason. Ástæður fyrir þeirri óvild eru óljós-
ar, en ein skýringin er sú að dóttir Jóns biskups, Þuríður,
sem átt hafði barn í lausaleik og var sett í Reynistaðarklaust-
ur, hafði flúið á náðir Þorleifs á Skarði.52 Hver sem ástæðan
var, þá sendi Jón biskup Arason sumarið 1548 Þorlák Hall-
grímsson, föður Guðbrands biskups Þorlákssonar, við sex-
tánda mann til að fanga Þorleif á Skarði. „En séra Þorlákur
fór þá ferð meir af yfirvarpi en til stórræða, eður til að brjóta
lög á mönnum,“ eins og Björn á Skarðsá orðaði það í annál
sínum, enda fóru þeir erindisleysu. Jón biskup orti m. a. um
förina eftirfarandi vísur:
Sendir voru sextán menn,
sagan er þessi uppi enn,
riðu þeir heim á ríkan garð,
rausnarlítið erindið varð;
höldar segja höfuðból þetta heiti Skarð.