Breiðfirðingur - 01.04.1990, Side 108

Flosi Jónsson frá Hörðubóli
Fyrsta ferð mín til Reykjavíkur
Ég hafði verið í unglingaskólanum í Hjarðarholti í Dölum
veturinn 1916-17 og fallið þar vel. Hafði ég því hugsað mér
að sækja þar um skólavist næsta vetur, því þótt skólinn starf-
aði aðeins í einni deild voru oft teknir nokkrir nemendur í
framhaldsnám annan vetur og voru þeir taldir utanskóla.
Lærðu þeir aðallega tungumál og reikning.
En þetta fór á annan veg. Skólinn lagðist niður og var
þessi vetur minn þar sá síðasti sem skóli sr. Ólafs Ólafssonar
starfaði, en hann hafði rekið þar einkaskóla í nokkur ár með
lítilsháttar styrk úr sýslusjóði.
Á þessum árum í lok fyrri heimsstyrjaldar fór verðlag
hækkandi bæði á erlendri og innlendri vöru, svo og kaup-
gjald. Fór þá sr. Ólafur fram á örlitla hækkun á tillagi sýslu-
sjóðs, en var synjað. Mun honum hafa sárnað það og fundist
sýslunefndin hafa takmarkaðan skilning á því menningar-
hlutverki sem skóli hans hafði óneitanlega fyrir Dalasýslu og
nærliggjandi héruð. Var það illa farið, því skólinn var að
mörgu leyti ágætur. Sr. Ólafur var góður og skemmtilegur
kennari og hafði mikinn hug á að nemendur hefðu sem mest
gagn af dvölinni þar. Mun hann oftast hafa haft ágæta
kennara sér til aðstoðar og heimilið var mikið myndar- og
regluheimili, sem frú Ingibjörg Pálsdóttir stjórnaði með
miklum skörungsskap.
Haustið 1917 var ég því óráðinn hvað ég tæki fyrir. Við
höfðum tvo vinnumenn en fremur lítið bú, svo ég þurfti ekki
nauðsynlega að vera heima þess vegna.
Þá var það, að ég sá litla auglýsingu í blöðunum um 3ja
mánaða námskeið, sem halda átti í Reykjavík eftir áramót á