Breiðfirðingur - 01.04.1990, Side 110

108
BREIÐFIRÐINGUR
góðu yfirlæti, en að morgni á nýársdag var komin asahláka.
Við lögðum af stað, þegar bjart var orðið og fylgdi Jón
bróðir minn okkur suður á Bjúg, en svo heitir fjallvegur sá
er liggur úr Hörðudal suður á Mýrar um Hítardal. Veður fór
batnandi og gekk gerðin vel. Á Tjaldbrekku, gömlu eyðibýli
á Hítardal, sáum við eina kind. Hafði hún nokkurn haga.
Var tilkynnt um hana símleiðis af Mýrunum þegar þangað
kom. Hítarvatn var ísilagt og gengum við það endilangt. Var
þar hið besta gangfæri. Úti á miðju vatni gengum við fram á
litla kringlótta vök með sterkum skörum ca 20 sm þykkum.
Þar lögðumst við niður og svöluðum þorstanum.
Áfram var haldið og komið að Hítardal að áliðnum degi.
Fengum við þar hinar ágætustu viðtökur hjá hjónunum
Finnboga Helgasyni og Sigríði Teitsdóttur, en þau voru flutt
þangað fyrir nokkrum árum vestan úr Dölum þar sem Finn-
bogi var uppalinn. Hann var bróðir Guðríðar síðari konu
séra Jóhannesar á Kvennabrekku og Halldóru konu Jóhann-
esar Ólafssonar á Svínhóli. Sigríður kona hans var uppalin á
Mýrum vestur, en var þjónandi ljósmóðir í Miðdalahreppi í
nokkur ár og þar kynntust þau Finnbogi. Þau giftust og hófu
búskap í Hítardal og bjuggu þar við mikla rausn til æviloka.
Þau eignuðust 10 sonu og eina dóttur sem öll urðu hin mann-
vænlegustu.
Þau hjón urðu harla glöð að sjá Dalamenn og fá fréttir
þaðan, en þá var ekki kominn sími á hvern bæ og ferðir
strjálar milli héraða, einkum að vetrarlagi. Okkur dvaldist
því alllengi við samræður og góðar veitingar og var farið að
skyggja þegar við lögðum af stað. Við héldum því aðeins til
næsta bæjar, Helgastaða og gistum þar. Var þá komið niða-
myrkur enda skýjað og alauð jörð. Þarna áttum við ágæta
nótt. Hjónin voru ræðin og skemmtileg. Bóndinn hafði farið
ungur til Ameríku, en ekki fest þar rætur og leitað aftur til
fósturjarðarinnar, þar sem hann var ákveðinn að heyja bar-
áttuna til æviloka.
Næsta dag var lagt snemma af stað eftir ágæta hvíld og
góðar veitingar. Veður var þungbúið og hláka. Við komum