Breiðfirðingur - 01.04.1990, Page 174

172
BREIÐFIRÐINGUR
Á. Sigmundsdóttir kjörin fyrsti formaður sambandsins.
Kvenfélögin í Dalasýslu og Staðarsveit gátu ekki sent full-
trúa á stofnfundinn, en óskuðu aðildar og eru talin með
stofnfélögum sambandsins.
Allt frá stofnun SBK tók Theódóra mikinn þátt í störfum
þess. Árið 1949 var hún kosin formaður sambandsins og var
í embætti til ársins 1956, en þá var hún gerð að heiðursfé-
laga. Hún ferðaðist talsvert á vegum sambandsins og hélt
fundi víða. Eftir einn slíkan fund, sem haldinn var á Nes-
odda í Miðdölum, fékk Theódóra þessa vísu frá einni fund-
arkonunni, Unni Sigfúsdóttur í Tungu í Hörðudal:
Ekkert sprund um ævistund
eg heffundið svona.
Græðir und þín glaða lund,
göfga fundarkona.
Þær Theódóra og Unnur hittust þarna í fyrsta sinn, en áttu
síðar eftir að eiga gott samstarf.
Á sama ári og Theódóra kom upp kvenfélaginu stofnaði
Sigurborg Kristjánsdóttir (1886-1971) húsmæðrakennari
frá Múla í Norður-ísafjarðarsýslu húsmæðraskóla á Staðar-
felli á Fellsströnd og rak sem einkaskóla í tvö ár, en síðan
varð hann ríkisskóli og starfaði sem slíkur þar til hann var
lagður niður árið 1976. Samband breiðfirskra kvenna sýndi
skólanum strax mikinn áhuga og velvild og átti fulltrúa í
skólaráði frá og með árinu 1939. Theódóra sat fyrir
hönd SBK í ráðinu árin 1951-1956. Meðal þeirra sem störf-
uðu með henni þar voru séra Pétur Oddsson í Hvammi, Sig-
urður Ágústsson Stykkishólmi og Halldór E. Sigurðsson, þá
bóndi á Staðarfelli, síðar alþingismaður og ráðherra.
Samskipti Theódóru við Staðarfellsskóla höfðu raunar
hafist strax við stofnun skólans og stóðu yfir alla búskapartíð
hennar á Hóli. Það gerðist ósjaldan eftir mjaltir að Theó-
dóra snaraðist upp á hest með nikkuna sína og hélt ásamt