Breiðfirðingur - 01.04.1990, Page 189

Ólafur Proppé
Þorsteinn B. Pétursson Ytrafelli
12. júlí 1927 - 11. desember 1988
Aðfaranótt 11. desember, 1988, lést á Sjúkrahúsinu á Akra-
nesi Þorsteinn Brynjólfur Pétursson bóndi á Ytrafelli og
oddviti Fellsstrandarhrepps í Dalasýslu. Hann fæddist 12.
júlí 1927 að Stóru-Tungu í sömu sveit og var því sextíu og
eins árs þegar hann dó. Kallið kom öllum á óvart, skyndilega
var hann horfinn af sjónarsviðinu.
Foreldrar Porsteins voru hjónin í Stóru-Tungu Guðrún
Jóhannsdóttir og Pétur Ólafsson. Guðrún dó árið 1987. Por-
steinn var elsta barn foreldra sinna, en þeim varð fimm
barna auðið. Öll systkini Þorsteins eru á lífi. Pau eru: Ólafur
bóndi í Galtartungu á Fellsströnd, Agnes húsfreyja í Stóru-
Tungu sömu sveit, Jóhann bóndi í Stóru-Tungu og Einar
sem starfar á Árnastofnun í Reykjavík.
Foreldrar Þorsteins bjuggu í tvíbýli í Stóru-Tungu móti
föðursystkinum hans Guðmundi Ólafssyni og Halldóru Ingi-
ríði Ólafsdóttur. Hændist hann snemma að þeim Guðmundi
og Halldóru og fylgdi þeim er þau fluttu frá Stóru-Tungu
1936 og hófu búskap á næsta bæ, Ytrafelli. Þorsteinn ólst
eftir það upp hjá þeim systkinum og var þeim alla tíð sem
besti sonur. Frá þeim fór hann til náms, fyrst í héraðsskól-
ann að Laugavatni og síðar í Búnaðarskólann á Hvanneyri,
en þaðan útskrifaðist hann sem búfræðingur 1948. Eftir að
náminu á Hvanneyri lauk, tók Þorsteinn áfram þátt í bú-
störfunum með fóstra sínum og fóstru og eftir að Guð-
mundur dó árið 1978 stóð hann fyrir búinu og bjó á Ytrafelli
með Ingu fóstru sinni þar til kallið kom á jólaföstunni 1988.
Samhliða bústörfum sinnti Þorsteinn margvíslegum trún-