Morgunblaðið - 02.11.1963, Blaðsíða 4

Lau|$rdaffur 2. nóv. 1963
Bjarni Benediktsson, formaður Sjálfstæðisflokksins:
AFMÆLISKVEÐJA
EF VEL er, á að vera hægt að treysta þ ví að með lestri eins dagblaðs sé unnt
að fylgjast með helztu atburðum innanlar.ds sem utan og fá rétta heildar-
mynd af þjóðlífinu.
Auðvitað verða blöð ætíð misfljót að ná í einstakar fréttir. Eitt af því
skemmtilegasta við blaðamennsku — en jafnframt hið erfiðasta — er að
verða aldrei á eftir öðrum heldur sem oftast á undan með meiriháttar frétt-
ir. Þessvegna má áhugi blaðamanns aldrei dofna heldur verður hann á hverj-
um degi að ganga að verki sínu með sama kappi og hann gerir fyrsta dag-
iim, Aldri verður hjá því komizt, að mönnum þyki misjafnlega mikið.til
um hverja einstaka frétt. Frásögn af mörgum atburðum hlýtur að mótast
af viðhorfi þess, sem frá segir. En það er allt annað en hitt að laga frásögn-
ina að vild eftir eigin hugarórum, hvað þá að halla réttu máli vísvitandi.
Enn annað er að gera upp hug sinn um, hvað sé fréttnæmt eða frásagn-
arhæft. í örsmáu þjóðfélagi eins og okkar er oft meiri vandi á höndum í
þeim efnum en með stærri þjóðum. Persónulegur kritur og eltingaleikur
hefur löngum þótt ljóður á okkar ráði, enda á hann sjaldnast erindi fyrir
almenningssjónir.
íslenzk blaðamennska hefur um margt tekið miklum breytingum til bóta
hin siðari ár. Skilningur á því, að óþægilegum staðreyndum verður ekki eytt
með því að þegja um þær, er nú auðsærri í öllum blöðum en áður var. Þau
eru að vísu öll flokksblöð með einum eða öðrum hætti og mótar það óhjá-
kvæmilega fréttaval þeirra þegar af því, að hvert um sig á auðveldastan að-
gang að þeim stjórnmálafréttum, sem uppruna eiga hjá þess eigin flokki.
Hvarvetna sækir þó í þá átt, að fréttir eru greindar frá áróðri og hann að
mestu látinn eftir forystugreinum eða sérdálkum.
Því miður ber enn of mikið á einskisverðum skömmum og skætingi, jafn-
vel á stundum beinum ósannindum. Þessum ófögnuði heldur áfram meðan
menn halda að markaður sé til fyrir hann. En meginhluti lesenda hefur and-
styggð á þvílíkum varningi. Flestir vilja fá hlutlausar fréttir, einnig af því,
sem andstæðingarnir segja og gera. Almenningur ætlast til þess, að við hann
sé rætt af skynsemd og hófsemi; hann telur í vaxandi mæli annað hreina
móðgun við sína heilbrigðu dómgreind.
í þessum efnum er enginn alfullkominn. Úrslitum ræður, að menn geri
sér grein fyrir eftir hverju ber að keppa. Á hálfrar aldar afmæli Morgun-
blaðsins verður að viðurkenna, að þótt margt standi enn til bóta, þá hefur
það haft forystu um flest, sem betur má fara í íslenzkri blaðamennsku. Af-
mælisósk mín blaðinu til handa er sú, að það haldi ætíð þeirri forystu.
Bjarni Benediktsson.
kraftkertin
AUTOUTE
mooocis Of CSSr*} MOion coMrAiir
Snorri C. Cuðmundsson
Hverfúgötu 50. — Sími 12242.
AUTOUTE
Það munar
um —