Morgunblaðið - 18.12.1975, Blaðsíða 38

38
MORGUNBLAÐIÐ, FIMMTUDAGUR 18. DESEMBER 1975
Minning:
Einar Hróbjartsson
yfirdeildarstjóri
Fæddur 3. nóvember 1885.
Dáinn 8. desember 1975.
Einar Hróbjartsson fyrrverandi
yfirdeildarstjóri í bögglapóststof-
unni, lézt 8. desember siðast-
liðinn. Hann verður jarðsunginn f
dag.
Einar var fæddur 3. nóvember
1885 í Húsum í Holtum. Foreldrar
hans brugðu búi og fluttist hann
til Reykjavíkur um aldamótin.
Ætt hans stendur föstum rótum i
sunnlenzkum sveitum, og er það
dugmikið og greint bændafólk.
Eftir að hann fluttist til Reykja-
vfkur, stundaði hann margskonar
vinnu, var á skútum, vann í Bóka-
búð Sigfúsar Eymundssonar og
keyrði út brauð fyrir brauð-
gerðarhús. En árið 1913 urðu
þáttaskil á ævi hans. Þá var hafizt
handa með undirbúning bygg-
ingar nýs pósthúss í Reykjavík, og
var Báran við Tjörnina tekin á
leigu fyrir bögglapóstinn. Þá var
bætt við mönnum til afgreiðslu
þar, og réðst Einar þá f póstþjón-
ustuna og gerði póststörf að ævi-
starfi sínu.
Þá var Björn Ólafsson síðar ráð-
herra yfirmaður deildarinnar, og
var Teitur Þórðarson, síðar gjald-
keri í Alliance, aðstoðarmaður
hans, en hann var sveitungi
Einars. Einar minntist oft á þessa
félaga sína af mikilli ánægju,
enda batt hann við þá tryggð.
Einar Hróbjartsson langaði
mjög til þess f æsku að ganga
menntaveginn, en til þess voru
engin ráð. Hann var eins og flest-
ir alþýðumenn á þeim árum
eignalaus, og átti ekki annað til að
byggja á en dugnað sinn og
atorku. En hann sýndi það í verki,
að hann vildi fræðast og læra.
Hann lærði mörg tungumál, og
svo vel, að hann gat bæði talað
þau og ritað. Hann var vel að sér f

Norðurlandamálunum, ensku,
þýzku og frönsku. Mér er það
minnisstætt, þegar Magnús
Jochumsson póstmeistari ávarp-
aði hann á frönsku, og svaraði
Einar af mikilli kunnáttu, Og
ræddu þeir þá saman um stund á
hinni fjarrænu tungu.
Einar hafði mikla ánægju af
málanámi sfnu. Hann las mikið á
erlendum málum, jafnt blöð,
tímarit og bækur. Hann hafði
mikið yndi af allskonar fræðum,
dulfræði allskonar, sérstaklega
guðspeki, stjörnufræði og stærð-
fræði, og allskonar austurlenzk-
um fræðum. Hann stundaði
líkamsæfingar að sið jóka á hverj-
um degi, og fór langar göngu-
ferðir sér til heilsubótar og
ánægju. Hann var mikill náttúru-
unnandi og kunni manna bezt að
vera einn úti í náttúrunni, leit-
andi og nemandi af sönnum sam-
skiptum við gróandi og grósku.
Ég vann með Einari Hróbjarts-
syni f tuttugu ár. Hann var sér-
staklega skemmtilegur vinnu-
félagi og góður húsbóndi. Hann
kunni starf sitt með afbrigðum
vel, og var unun að læra af
honum. Hann var sérstaklega
mildur við okkur strákana, sagði
okkur til af sannri natni, og var
aðlaðandi í hvívetna. Einar var
lengi deildarstjóri, og fórst
honum það í alla staði vel, jafnt
gagnvart undirmönnum sfnum og
yfirboðurum. Eftir að hann hætti
störfum og lifði á eftirlaunum, sá
hann um útreikninga á burðar-
gjöldum böggia til útlanda fyrir
póststjórnina.
Einar Hróbjartsson var mjög
vel gerður og vel gefinn og með
afbrigðum snyrtimaður. Hann
hafði sérstaklega mikla tilhneig-
ingu til andlegrar fhugunar af
heimspekilegum toga. Hann var
unnandi hljómlistar og hafði yndi
af söng. Hann hlustaði mikið á
tónverk fram eftir ævinni, en
fremur dró úr því er á leið. Hann
var fyrst og fremst maður hinnar
hljóðu stundar unandi sér einn í
rúmi heiðríkjunnar, anda og blæ
hinnar norrænu náttúru. Slíkur
maður er sannur og islenzkur f
lífi sínu og hugsjónum.
Einar kvæntist 6. október 1913
Agústu Sveinbjörnsdóttur úr
Hafnarfirði. Hún var af ætt
Sveinbjarnar Egilssonar skálds.
Agústa var mikil dugnaðar- og
myndarkona, og reyndist manni
sfnum mikill og traustur lífsföru-
nautur. Hún dó árið 1965. Þau
eignuðust 8 börn: Ingibjörg, gift
Júlíusi Jónssyni, Asgeir, fulltrúi í
póststofunni í Reykjavík, Asta,
gift Kristjáni Sigurjónssyni,
Sveinbjörn kennari i Reykjavík,
kvæntur Huldu Hjörleifsdóttur,
Sigrún gift Ríkharði Sumarliða-
syni, Hróbjartur kennari i Dan-
t
Innilegar þakkir til allra sem
sýndu okkur hlýhug og vinsemd
við andlát og jarðarför
VALDIMARS
KJARTANSSONAR,
Stórholti 39
sérstakar þakkir til Járniðnaðar-
félagsins og vinnufélaga hans,
sömuleiðis lækna og starfsfólks
á deild A-6 og deild E-6 Borgar-
spítalanum
Móðir, eiginkona og börn.
mörku, kvæntur Asbjörgu Einars-
son, norskri, Haukur og Agnes
dóu á barnsaldri.
Ég minnist þess, að lífsbarátta
launamanna var oft erfið áður
fyrr, og er fremst f lemstri hús-
næðisskorts. Einar Hróbjartsson
og kona hans urðu oft fyrir barð-
inu á slíku. Þau bjuggu um skeið
inni við Elliðaár, og varð Einar að
fara á hjóli til vinnu. Sfðar áttu
þau heima suður á Seltjarnarnesi
og var það einnig löng leið til
vinnu. En úr rættist. Einar fékk
byggingarlóð við Brekkustig og
byggði þar myndarlegt hús f
áföngum. Með tilkomu þess var
mikill sigur unninn í lífi fjöl-
skyldunnar.
Einar Hróbjartsson var einn af
stofnendum póstmannafélags Is-
lands og gegndi þar ýmsum
trúnaðarstörfum. Hann ritaði f
blað félagsins, og bera greinarnar
þess skýran vott, að hann var
mjög vel ritfær.
Eg vil að leiðarlokum þakka
Einari Hróbjartssyni fyrir góða
samvinnu og samstarf. Ég mun
alltaf minnast hans sem vel-
gerðarmanns. Ég flyt börnum
hans og öðrum ættingjum mína
fyllstu samúð.
Jón Gíslason.
I dag er kvaddur hinstu kveðju
Einar Hróbjartsson, póstfulltrúi í
Reykjavík, en hann andaðist á
Landakotsspítála í Reykjavík 8.12.
og er útför hans gerð frá Fríkirkj-
unni í Reykjavík f dag.
Einar fæddist 3. nóvember 1885
að Húsum í Holtum. Foreldrar
hans voru þau hjónin Hróbjartur
Ölafsson bóndi þar og kona hans
Ingibjörg Magnúsdóttir.
Einar kvæntist 5. október 1913 í
Reykjavík Agústu Sveinbjarnar-
dóttur fæddri f Hafnarfirði 22.10.
1887. Hennar foreldrar voru hjón-
in Sveinbjörn Stefánsson trésmið-
ur og Astrfður Guðmundsdóttir.
Einar lifði i hamingjusömu
hjónabandi þar til kona hans
andaðist f Reykjavik 28. júlí 1965.
Þau eignuðust 8 börn, 2 dóu i
æsku en hin eru: Ingibjörg, gift
Júlíusi Jónssyni, verkstjóra, Sig-
rún, gift Ríkharði Sumarliða-
syni, deildarstjóra hjá Landssfma
tslands, Asta, gift Kristjáni Sigur-
jónssyni fv. yfirvélstjóra, Svein-
björn, kennari, kvæntur Huldu
Hjörleifsdóttur, Hróbjartur,
lektor, kvæntur Ásbjörgu,
norskri konu, þau eru búsett í
Kaupmannahöfn, Asgeir, póst-
fulltrúi í Reykjavík, ókvæntur.
Nú að leiðarlokum langar mig
til að minnast míns kæra tengda-
föður með nokkrum kveðjuorðum
sem verða því miður fátækleg. En
þótt tíminn hafi ekki verið langur
sem við áttum samleið minnist ég
hans ætíð sem sérstaks prúð-
mennis og snyrtimennis í hví-
vetna, mér er kunnugt um það að
hann mátti ekki vamm sitt vita á
nokkurn hátt og hans nærgætni
og alúð gagnvart mér og minni
fjölskyldu gleymi ég aldrei.
Einar Hróbjartsson var atorku-
maður til vinnu og skyldurækinn
með afbrigðum og dagfarsprúður
maður. Hann var dulur f skapi og
fáskiptinn um annarra hagi en
þeim mun heilli var hann þeim
fáu sem hann taldi til vina sinna.
Oft hafði hann orð á þvf við mig
að sig hefði langað til að ganga
menntaveginn sem kallað var á
sínum yngri árum, en fjárhagur-
inn hafði ekki leyft það. En þrátt
fyrir það gat hann bæði lesið
franskar og enskar bækur sér að
gagni, og um tíma kenndi hann
þessi mál. Hann var og mikils
metinn í nærfellt 40 ár eða þang-
að til hann varð að hætta vegna
aldurs.
Nú á þessari kveðjustund er
hugur minn fullur trega,
saknaðar og þakklætis fyrir allan
þann hlýhug og vináttu sem
tengdafaðir minn sýndi mér frá
fyrstu kynnum.
Kristján Sigurjónsson.
útlaraskreytlngar
blómouol
Gróðurhúsið v/Sigtun sími 36770
Kveðja frá Póstmannafélagi Is-
lands
Áttunda þ.m. andaðist hér í
borg fyrrverandi yfirdeildarstjóri
Bögglapóststofunnar í Reykjavík,
Einar Hróbjartsson. Hann hóf
starf hjá Póststofunni í Reykjavík
1913 og lét af störfum 1955 vegna
aldurs.
Einar var einn af 11 stofn-
endum Póstmannafélags Islands
1919, eftir lifa Kara Briem,
Sæmundur Helgason og Helgi B.
Björnsson. Hann lét félagsmál
póstmanna alla tíð mikið til sín
taka og bera greinar, sem birtust
eftir hann í Póstmannablaðinu,
þess glöggt merki. Þegar S.S.R.
(Samband starfsmanna ríkisins,
undanfari B.S.R.B.) var stofnað,
varð Einar ásamt Teiti Kr.
Þórðarsyni fulltrúi póstmanna í
þvf sambandi. Ég leyfi mér að
birta hér smá kafla úr grein eftir
Einar, sem birtist í Póstmanna-
blaðinu þjóðhátíðarárið 1944:
„Við pðstmenn vildum allir mega
vona og vænta þess, að upp úr
þessum merkilegu og ánægjulegu
tímamótum í Iffi þjóðarinnar,
þegar hún loks losnar til frelsis og
fullveldis, mætti nýtt tímabil og
farsælt í þróun póstmálanna sem
og í öðruin greinum, að hér rfsi af
grunni á næstu árum vegleg póst-
húsbygging, reist með þeim stór-
hug og framsýni, sem hæfir
frjálsri menningarþjóð."
Það er trú mín, að þessi 30 ára
gamli óskadraumur Einars muni
rætast fyrr en síðar undir stjórn
núverandi yfirmanna póstmála.
Sá sem þessar lfnur ritar átti því
láni að fagna að starfa undir
stjórn Einars um tíma sem ungur
maður. Það var bæði hollur og
góður skóli, hann var sívakandi
við að leiðbeina og kenna ungu
starfsmönnunum. Hann taldi
nauðsynlegt að starfsmenn
kynntust alhliða störfum enda
væri það okkur og stofnuninni
fyrir bestu.
Af yfirmönnum hafði Einar
mestan skilning á störfum og
kjörum þeirra, sem lægst höfðu
launin, og var alltaf reiðubúinn
að taka þeirra málstað. Við póst-
menn munum alla tíð minnast
Einars sem frábærs yfirmanns og
góðs drengs og þökkum honum
vel unnin störf til heilla fyrir
póstmannastéttina.
Við sendum börnum hans og
fjölskyldum þeirra innilegar sam-
úðarkveðjur.
F.h. Póstmannafélags Islands
Reynir Armannsson.
Afmælis-
og minningar-
greinar
ATHYGLl skal vakin á því, að
afmælis- og minningargreinar
verða að berast blaðinu með
góðum fyrirvara. Þannig verð-
ur grein, sem birtast á f mið-
vikudagsblaði, að berast f sfð-
asta lagi fyrir hádegi á mánu-
dag og hliðstætt með greinar
aðra daga. Greinar mega ekki
vera I sendibréfsformi eða
bundnu máli. Þær þurfa að
vera vélritaðar og með góðu
línubili.
— Norræni
andinn
Framhald af bls. 32
athygli, er sú virðing fyrir kon-
unni, sem Grímur finnur f ís-
lenskum bókmenntum and-
stætt virðingarleysi Grikkja f
garð kvenna. Grímur er í þessu
efni siðvandur og kemur það
ekki á óvart með hliðsjón af
ljóðum hans. Þau mótast mjög
af ströngum siðferðilegum boð-
skap.
Athuganir Gríms á fornum
norrænum skáldskap lýsa inn-
sæi skáldsins og eru ekki síst
verðmætar fyrir þá, sem rann-
saka vilja ljóð hans. En hvað
segir Grímur um samtímaskáld
sín? Ann hann þeim sann-
t
Útför
BIRGIS GUNNARSSONAR
fyrrverandi lögregluþjóns
sem lést af slysförum 13 desember s.l., fer fram frá Fossvogskirkju f
dag, fimmtudaginn 18 desember kl 3.
Börn og systkini hins látna.
t
Maðurinn minn, faðir okkar, tengdafaðir og afi,
KRISTJÁN ÞÓRÐARSON.
múrari
Hringbraut 66, Keflavlk
sem lézt 14 þ m , verður jarðsunginn frá Keflavikurkirkju, föstudaginn
19 des kl 14
Karltas Finnbogadóttir,
Þórdls Kristjánsdóttir Gunnar Valdimarsson
Laufey Kristjánsdóttir Sigurbjörn Gústafsson
Ingibjörg Kristjánsdóttir Hildur Björk Gunnarsdóttir.
Gunnar Þór Gunnarsson
Útför föður mlns,
HELGA BENEDIKTSSONAR
fyrrverandi skipstjóra,
frá jsafirði,
sem andaðist 12 desember, fer fram frá Lágafellskirkju föstudaginn
1 9 desember kl 3.
Bllferð frá Umferðarmiðstöðinni kl. 2.30
Þeir, sem vildu minnast hins látna, vinsamlegast láti llknarstofnanir
njóta þess.
F.h. systkina
Sigrlður Helgadóttir.
t
Þökkum innilega samúð og vinarhug við fráfall og útför móður okkar,
tengdamóður og ömmu
ODDNÝJAR GUÐMUNDSDÓTTUR
Helgi Helgason
Jónas Helgason Guðrún Arnadóttir
Hrafnkell Helgason Helga L. Kemp
Sigurður Helgason Stefanía Kemp
og barnabörn
t
Hugheilar þakkir fyrir auðsýnda samúð og vináttu við andlát og útför
móðurbróður okkar
MAGNÚSAR BJARNASONAR
kennara
Sauðárkróki
Marla Haraldsdóttir
Bjarni Haraldsson