Morgunblaðið - 01.08.1976, Síða 20

standa
skil á
verki
mínu”
0 FRtÐA Sæmundsdóttir, kaup-
kona ( Markaðnum á Akureyri, er
Vestfirðingur, fædd i Bolungar-
vfk, en ættuð úr Djúpi og af
Ströndum. Hún hefir þetta að
segja um störf sfn við verslunar-
rekstur: — Ég vann fyrst við
verslun Þórðar Sveinssonar & Co.
f Siglufirði, þegar ég var ungling-
ur, en þar var Hafliði bróðir minn
verslunarstjóri. Þetta var útibú,
aðeins opið á sumrin, en þarna
fékk ég fyrstu kynni mfn af versl-
unarstörfum. Eftir það fór ég ví
Verslunarskólann f Reykjavfk og
tók próf þaðan 1927. Þá vorum við
tvær stúlkurnar f hópnum sem
útskrifaðist. Eg vann svo eitt ár f
Reykjavfk, en fór svo hingað
norður og vann við verslun
Óskars bróður mfns, þangað til ég
giftist.
— Ég missti manninn minn
1951 og þremur árum seinna gerð-
ist ég verslunarstjóri við útibúið
hér frá Markaðnum i Reykjavik.
Við þetta vann ég í 5 ár eða þang-
að til ég keypti verslunina og fór
að reka hana sjálf. Það hef ég gert
til þessa dags og alltaf unnið sjálf
í búðinni. Annars erum við tvær
og stundum þrjár við afgreiðslu.
— Það sem vakti fyrir mér með
því að fara út í eigin verslunar-
rekstur, var, að börnin mín gætu
fengið góða menntun eftir eigin
óskum og löngun, og það hefur
mér tekist að veita þeim.
— Ég hef ekki orðið þess vör, að
mér gengi ver í starfi af því að ég
er kona, öðru nær. Ég kann vel
við að vera ein við það og engum
öðrum háð, en tel þó lærdómsríkt
að hafa unnið hjá öðrum og þurft
að standa mig og standa skil á
verki mínu og þvf, sem mér var
trúað fyrir. Ef til vill er það þess
vegna, sem mér finnst ég þurfa að
standa skil á þessu öllu eins og ég
eigi það ekki sjálf og að ég vinn
með þvi hugarfari. Kannski er
þetta rétt, þegar öllu er á botninn
hvolft, og kannski er þetta bara
ein af þessum gömlu dyggðum.
— Það er á margan hátt við
ýmsa örðugleika að etja f versl-
unarrekstri nú. Rekstrarkostnað-
ur er orðinn fjarska mikill, en hitt
er annað mál, að þetta getur vel
gengið fyrir þá, sem eru nægju-
samir og gæta þess að taka ekki of
mikið fé út úr rekstrinum til ann-
arra hluta. Það hefur verið mér
kappsmál að haga rekstri gæti-
lega og gera ekki háar kröfur. Ég
hef verið svo heppin að hafa
aldrei þurft á yfirdrætti í banka
að halda, og ég hef ekki skuldað
annað en það, sem nauðsynlegt
hefir verið. Mér hefur alltaf verið
metnaðarmál að standa f skilum
og tekist það.
Friða Sæmundsdóttir í verzlun sinni.
Sjá nœstu
síður A