Morgunblaðið - 05.11.1976, Qupperneq 29

MORGUNBLAÐIÐ, FÖSTUDAGUR 5. NÖVEMBER 1976
29
uppátæki okkar, þegar við
lögðum undir okkur útvarpsstöð
skipsins og fluttum dagskrá í
beinni útsendingu inn á hvert
herbergi. Ég er viss um að
magnaraverðirnir sem voru á
vakt hafa haldið að við værum
snarvitlausir, þar sem við sátum
við hljóðnemana og létum öllum
illum látum. En þetta gerði
stormandi lukku þarna úti á
miðju Atlantshafi í 10—12
vinstiga fárviðri. Kalli átti allan
heiðurinn af því hversu vel til
tókst, því satt að segja hef ég ekki
verið upplitsdjarfari, ræfillinn,
meira og minna sjóveikur, en
Kalli bætti þetta allt upp og var
óspar á að upplýsa hlustendur um
líðan mína, en sjálfur var hann
aldrei sprækari en þegar skipið
lét sem verst. — í síðari ferðinni
með Völkerfreundschaft var Kalli.
aftur með og kom þá reynsla hans
úr fyrri ferð að góðum notum,
enda þótt allir væri lausir við
sjóveiki, enda blíðskaparveður
alla ferðina. 547 farþegar voru
með skipinu, svo að nærri má geta
að í ýmsu var að snúast hjá farar-
stjórum, skemmtikröftum og öðru
starfsfólki. Við tókum íslenzkan
mat með okkur í ferðina svo serh
hangikjöt, saltfisk og lax og sáu
þeir Kalli og Magnús bryti á
Hrafnistu um að þýzkir skips-
bræður þeirra handfjötluðu
matinn rétt. Á kvöldin skemmti
Kalli gestum ásamt Gunnari,
Bessa, Emilíu, Alla Rúts o.fl.
Nú síðustu missirin hitti ég
Kalla sjaldan, enda flutti hann og
fjölskylda hans úr höfuðborginni.
Þó starfaði hann nokkuð með mér
við gerð skemmtiþátta fyrír
útvarp og er nokkuð af þvi efni
sem hann flutti í útvarp varðveitt
í segulbandasafni stofnunar-
innar.
Karl kvæntist kornungur æsku-
vinu sinni sem staðið hefur við
hlið hans sem klettur í blíðu og
stríðu. Þau eagnuðust stóran
barnahóp, sem nú sér á bak
elskandi föður sem þau voru ætíð
mjög hænd að, enda var hann
óvenju barngóður. Ég kveð Karl
með þökk fyrir samfylgdina og
bið góðan Guð að vaka yfir Evu og
börnunum. Foreldrum og
bræðrum sendi ég samúðar-
kveðjur.
Jón B. Gunnlaugsson.
Það kom mér á óvart að frétta
lát vinar mins, Karls Einarssonar
fulltrúa. Að vísu vissi ég að hann
gekk ekki heill til skógar, hafði
fengið aðkenningu af hjartabilun
fyrir rúmu ári, en bar það þannig
að maður mundi það ekki. Hann
var allra manna glaðværastur, en
duldi með sér ef hann átti við
einhverja örðugleika að striða. Og
þó að hann væri tilfinninganæm-
ur og vafalítið geðrikur undir
niðri, hygg ég að fáir hafi séð
hann skipta skapi. Hann var
æðrulaust prúðmenni, og það leið
öllum vel i návist hans.
Karl var ekki nema 41 árs þegar
hann lést, fæddur 7. júni 1935.
Hann fór á sjóinn veturinn eftir
ferminguna, og var síðan lengst
af á sjó, meðal annars á varðskip-
unum, og sem bryti á m.s.
,,Herjólfi“. Eigi að síður lagði
hann gjörva hönd á margt í landi.
Um ára bil var hann til dæmis
einhver vinsælasti skemmtikraft-
ur okkar. Honum var gefið að
geta hermt eftir hverjum manni,
svo allir höfðu gaman af. Eftir-
hermur hans voru lausar við alla
rætni og illkvittni, og kom þar
fram smekkvísi hans og tillits-
semi, en um leið næmt skopskyn.
Það var á þessu sviði sem leiðir
okkar lágu fyrst saman. Við
skemmtum oft saman og tókst þá
með okkur traust vinátta. Eftir að
ég tók að reka sjálfstæða bílasölu,
vann Karl hjá mér um nokkurt
skeið. Varð þá náin vinátta með
okkur hjónum og Karli og eigin-
konu hans, Evu Pétursdóttur, og
heimsóttu þau okkur oft og við
þau. Karl og kona hans fluttust
síðan til Grindavíkur, og vann
Karl sem fulltrúi hjá bæjarfóget-
anum í Grindavík. Þau hjón
eignuðust snoturt einbýlishús í
Grindavík, og undu vel hag sín-
um. Ekki alls fyrir löngu eignuð-
ust þau fyrstu barnabörnin og
fleiri gleðilegir atburðir urðu í
fjölskuldunni. Og svo kom gestur-
, inn óboðni þann 28. okt. siðastlið-
inn.. .
Það er alltaf sárt að kveðja góð-
an vin. Þó er það huggun að
aldrei er kvaðst nema um
stundarsakir. Það er von mín og
vissa að það verði glatt og bjart í
kring um okkur Kalla, þegar
fundum okkar ber saman aftur,
eins og jafnan var þegar við átt-
um stundir saman, áður en við
kvöddumst.
Kallið er komið,
kominernú stundin,
vinaskilnaðar viðkvæm stund.
vinir kveðja
vininn sinn látna,
er sefur hér hinn sfðasta blund.
Far þú í friði,
friður Guðs þig blessi,
hafðu þökk fyrir allt og allt.
gekkst þú meðGuði,
Guð þér nú fylgi.
hans dýrðarhnoss þú hljóta skalt.
(V.Briem)
Alli Rúts.
Karl Einarsson hefur kvatt okk-
ur að sinni. List hans léttir Islend-
ingum ekki lengur amstur dag-
anna, en vinir hans eiga minning-
una.
Árið 1959 fluttu Karl og kona
hans, Eva Pétursdóttir í næsta
hús við foreldra mína á Sel-
tjarnarnesinu. Eitthvað var það I
fari þessara ungu hjóna, sem lað-
aði að stelpu í næsta húsi, einhver
hlýleiki, einhver þokki. Karl og
kona hans voru f fyrstu um-
burðarlyndir þolendur bernsku-
HAMRABORG 3, SIMI:4 20U, KOPAVOGI
GERIÐ GÓÐ KAUP — KAUPIÐ JÓLAGJAFIRNAR NÚNA
MARKAÐUR
Svölurnar, félag fyrrver-
andi og núverandi flug-
freyja, heldur markað í
Kristalsal á Hótel Loftleið-
um á morgun laugardag
kl. 2.
GAMALT Úrval af gjafavörum fatnaður
OG búsáhöld
NÝTT leikföng húsgögn
MEST körfur með ýmsu
NÝH krukkur með sælgæti og fjölda margt annað
Strætisvagnaferðir 10 mln. fyrir heila timann úr Lækjargötu.
Allur ágóðinn rennur til styrktar þroskaheftum börnum.
breka, síðar vinir, traustir og holl-
ráðir, ekki bara mínir, heldur
manns og barna.
Sextán ár er ekki langur túmi,
en langur tími í ævi manns. Á
sextán árum skiptast á skin og
skúrir. En vinátta Karls og fjöl-
skyldu hans hefur yljað og vermt
öll þessi ár og gefið döprum dög-
um lit. Karl fór víða, hann var
önnum kafinn, en hann hafði allt-
af tíma fyrir vini sína og gleymdi
ekki. Einn daginn stóð hann
kannski i dyrunum og allt lifnaði
við. Næsta dag hringdi hann og
sagði: „Getið þið ekki komið?“
Þannig var hann, hlýr í lund og
örlátur á fé sitt og sjálfan sig.
Mótlæti sleppur enginn við, Karl
ekki fremur en aðrir, en þeir eru
fáir, sem geta veríð beygðir hið
innra, en samt miðlað öðrum gleði
og ánægju.
Og nú er hann allur I þessari
jarðvist. I mínu lífi og fjölskyldu
minnar er tófn. En hvað er það
hjá sorg i>eirra, sem áttu hann og
þekktu hann bezt, konunni hans
og börnunum. Megi góður Guð
veita þeim styrk og hjálp.
Gógó

-passar á þig
#'
ADAffl
LAUGAVEGI 47
Þaðpassarfiá
Lecr