Morgunblaðið - 04.01.1977, Blaðsíða 39

MORGUNBLAÐIÐ, ÞRIÐJUDAGUR 4. JANUAR 1977
39
Upptök eldsins í Aðalstræti ókunn:
Þrír menn
björguðust
naumlega
EFRI HÆÐ og ris hússins að Aðalstræti 12 í Reykjavík gereyðilögðust I eldi á
nýársnótt og mátti ekki miklu muna að eldur bærist i nærliggjandi timburhús
Í Brekkugötu. Slökkviliðinu tókst þó að hefta að eldurinn bærist í fleiri hús
og ráða niðurlögum hans tæpum tveimur timum eftir að tilkynnt var um
brunann, en það var klukkan 4.10 á nýársnótt. Ekkert manntjón varð í
þessum bruna, en lögregJan bjargaði þremur mönnum, sem bjuggu í risi
hússins. Höfðu tveir þeirra komist út á þak hússins nr. 10 við Aðalstræti þar
sem verzlun Silla og Valda er, en einn komst niður i stigagang. Voru
mennimir fluttir á Slysavarðstofuna Eldurinn kom upp í eldhúsi á 2. hæð, en
eldsupptök eru ókunn. Þar var enginn heima og engin rafmagnstæki í
sambandi.
Annríki var hjá slökkviliðsmönnum I Reykjavík og Hafnarfirði yfir áramótin
og varð t.d. talsvert tjón f nýlegu húsi í Garðabæ. Á Selfossi skemmdist
Viðlagasjóðshús og bæði þar og í Garðabænum var flugeldur orsök brunans.
Siökkviliðinu í Reykjavík barst til-
kynning um bruna í húsinu að Grjóta-
götu 4 klukkan 4.10 á nýársnótt og
voru 1 0 menn þegar sendir á staðinn á
4 slökkvibílum og sjúkrabíl Á leið
þeirra á brunastað var tilkynnt um að
eldurinn væri í „Fjalakettinum" og var
allt lið Slökkviliðsins kallað út svo og
varaliðið og beðið um aðstoð frá
slökkviliði Reykjavíkurflugvallar, sem
sendi einn bíl þegar á vettvang.
Er komið var á brunastað kom I Ijós
að eldurinn var í húsinu númer 12 við
Aðalstræti og voru 2 reykkafarar sendir
inn í húsið til að kanna hvort fólk væri I
húsinu. Fóru þeir upp I ris hússins, en
fundu engan Höfðu tveir íbúar í risi
hússins bjargað sér út á þak Silla og
Valda hússins við hliðina og þaðan
bjargaði lögreglan þeim, sömuleiðis
bjargaði hún einum íbúanna í risinu,
sem var kominn niður í stiga úr risinu.
Var talin hætta á að mennirnir hefðu
fengið reykeitrun. en tveir þeirra fengu
að fara fljótlega af Slysavarðsstofunni,
að lokinni rannsókn.
Fóru slökkviliðsmenn upp með há-
þrýstistúta til að reyna að freista þess
að slökkva eldinn innan frá. Varð þá
reyksprenging í húsinu og urðu þeir frá
að hverfa. Sprungu gluggar út við
sprenginguna og eins gólf á milli 2.
hæðar og rissins Óttast var að eldur-
inn kynni að breiðast út í nærliggjandi
hús og var því fyrst í stað reynt að
hefta útbreiðslu eldsins og slökkva
hann að vestanverðu, en vindur var á
suðaustan. Fjórir bílar slökkviliðsins og
ein laus dæla voru tengd við nærliggj-
andi brunahana og gekk greiðlega að
fá vatn að sögn Gunnars Sigurðssonar
aðstoðarslökkviliðsstjóra. Þegar mest
var, var dælt 5—6000 lítrum vatns á
húsið á mínútu að sögn Gunnars. Upp
úr klukkan 5.30 hafði tekizt að slökkva
eldinn að mestu. en vakt var við húsið
fram undir hádegi.
37 menn voru við slökkvistarfið í
Aðalstræti og auk slökkviliðsmanna 2
menn úr Björgunarsveitinni Ingólfi.
Að sögn Hauks Bjarnasonar rann-
sóknarlögreglumanns er talið víst að
eldurinn hafi komið upp í eldhúsi á 2.
hæð hússins Þar bjuggu hjón, en þau
voru ekki heima á nýársnótt og ekkert
rafmagnstæki í sambandi f eldhúsinu
að þvi að talið er. í risinu bjuggu
feðgar og einstaklingur og björguðust
þeir úr eldsvoðanum eins og áður
sagði. I húsinu bjiggu einnig franskur
maður, kona og sex ára sonur hennar
en þau voru ekki heima um nóttina.
í húsinu voru fjögur fyrirtæki, hann-
yrðaverzlun, lögfræðistofa, gullsmíða-
verkstæði og leðugerð og urðu miklar
skemmdir þar, aðallega vegna reyks og
vatns. í verzlun Silla og Valda við hlið
hússins, sem skemmdist f eldinum,
urðu miklar vatnsskemmdir.
Húsið að Austurstræti 1 2 er f eigu
fyrirtækis Silla og Valda og er byggt
um aldamót.
Eldur í Hraunbæ
og Ásgarði
Meðan slökkviliðið var að störfum í
Aðalstræti kom tilkynning um bruna í
Hraunbæ 182 Var sjúkrabíll sendur á
staðinn með handdælu og sfðan bíll
flugvallarslökkviliðsins. Var ekki mikill
eldur þar, en mun hafa kviknað út frá
blysi. Tilkynnt var um þennan bruna
klukkan 5.56.
Klukkan 13.30 á nýársdag var til-
kynnt um bruna að Ásgarði 24. en þar
kviknaði í út frá kertaskreytingu.
Maður sem bjó í húsinu slapp naum-
lega út af eigin rammleik, en litlar
skemmdir urðu af eldinum, en nokkrar
af revk
Miklar skemmdir
á húsi
I Garðahreppi
Slökkviliðið í Hafnarfirði var fjórum
sinnum kallað út um áramótin, og var
alvarlegasti bruninn að Brúarflöt 4 i
Garðahreppi. Flugeldasól lentiþar á
þaki hússins og glóðhitaði það
Kviknaði eldur I viðarklæðningu undir
þakinu og hljóp eldurinn eftir klæðn-
ingunni og einangrunarplast.
Skemmdist þakið mikið, sperrur
brunnu og auk þess skemmdust þrjú
herbergi í húsinu af völdum elds og
vatns.
Enginn var heima í húsinu þegar
eldurinn kom upp, en ungur piltur kom
þangað heim til sín skömmu eftir að
eldurinn kviknaði og gerði hann
slökkviliðinu f Hafnarfirði viðvart
klukkan 00.30 á nýársnótt. Kom
slökkviliðið fljótlega á vettvang og
gekk greiðlega að ráða niðurlögum
eldsins.
Rakettur ollu íkveikju á tveimur
öðrum stöðum f Hafnarfirði um ára-
mótin. í annað skiptið fór flúgeldur inn
um kjallaraglugga á húsi, en l hinu
tilfellinu inn um glugga á raftækja-
verzlun Ekki varð mikið tjón vegna
þessara bruna.
Flugeldur kveikti
« á Selfossi
Flugeldur orsakaði einnig íkveikju í
húsinu að Úthaga 7 á gamlárskvöld.
Lenti flugeldurinn á álþaki hússins,
sem er eitt af Viðlagasjóðshúsunum og
logaði nokkra stund á þakinu. Fylgdist
fólk með loganum þar til hann
slokknaði og taldi að öllu væri óhætt.
Eins og í Garðahreppinum glóðhitaði
eldurinn þakið og kviknaði í þakklæðn-
ingu innan frá. Tjón varð ekki mikið en
þó nokkrar skemmdir.
Heimatilbúin sprengja
slasaði pilt
Á Eyrarbakka slasaðist 1 6 ára piltur
næstsiðasta dag ársins er heimatilbúin
Framhald á bls 22.
Ármenningar
Árshátíð
félagsins verður að Hótel Sögu Átthagasal 8.
janúar og hefst með borðhaldi kl. 20.00. Uppl.
í símum 30841 — 85649 — 85775.
Stjórnin.
Borgarstjórn, kennarar og aðrir gestir skoða hina nýju sundlaug.
Sundlaug við F jöl-
brautaskólann í
Breiðholti opnuð
t GÆR var vfgð ný sundlaug
við Fjölbrautarskólann f Breið-
holti, að viðstöddum borgar-
stjóra og öðrum gestum. Verð-
ur hún tekin f notkun nú að
loknu jólaleyfi skólanna og er
ráðgert að nota laug þessa til
sundkennslu yngri barna f
barnaskólum Breiðholts.
Borgarstjóri, Birgir tsleifur
Gunnarsson, gerði grein fyrir
byggingarsögu sundlaugar-
innar og Kristján Gunnarsson
fræðslustjóri sýndi gestum
húsakynnin.
I ræðu borgarstjóra kom
fram að þetta er annað'stig í
fyrsta áfanga þessa íþrótta-
mannvirkis. Fyrsta stiginu er
lokið en það var iþrótta- og fót-
boltavöllur ásamt hlaupabraut
og stökkbrautum, og upphækk-
uðum áhorfendasvæðum. öðru
byggingarstiginu, sem skipt er í
þrjá hluta, A, B, og C og er
sundlaugin, C-hlutinn, nú full-
gerð en byrjað er á A og B
hlutum sem eru útisundlaug,
12,5 x 25 metrar ásamt fram-
tíðarbúningsaðstöðu fyrir
laugarnar báðar, steypiböðum,
þurrkherbergjum og fleiru. Þá
er einnag gert þar ráð fyrir
aðalinngangi fyrir mannvirkið í
heild einnig þriðja stig áfang-
ans sem er fjórskiptanlegur
fþróttasalur að stærð 22x44
metrar ásamt búningsklefum
með tilheyrandi. Áhorfenda-
svæði verða til hliðar við salinn
og taka þau 500—700 manns. í
þeim áfanga sem byrjað er á
verða einnig snyrting, fata-
geymslur svo og aðalafgreiðsla,
kennaraherbergi og fleira.
1 þeim hluta þessa áfanga
sem nú hefur verið tekinn í
notkun eru einnig gufuböð fyr-
ir karla og konur ásamt sturtu-
böðum og hvíldarherbergjum,
en sú einig er notuð til bráða-
birgða sem búningsaðstaða fyr-
ir börn í sundkennslu þar til
framtfðaraðstaða verður tilbú-
in, og verða nemendur að ganga
inn um bráðabirgðainngang f
kjallara á meðan.
í kjallaranum eru hreinlætis-
tæki fyrir báðar laugarnar og
hluti loftræstikerfis og sagði
borgarstjóri það hugsanlegt að
hluti kjallarans yrði notaður
sem lestraraðstaða og félags-
aðstöðu nemenda Fjölbrautar-
skólans. I sundlaugarsal þess
áfanga sem nú er vígður-er
lastaverk sem gert er úr
brenndum leirflfsum og hafa
Hildur Hákonardóttir og Þor-
björg Höskuldsdóttir hannað
það.
Annað stig fyrsta áfanga var
boðið út og var lægsta tilboðinu
tekið. Það var frá Sveinbirni
Sigurðssyni byggingarmeistara
og er reiknað með að heildar-
kostnaður verði um 305 milljón-
ir miðað við verðlag í dag. Gert
er ráð fyrir að þessum áfanga
ljúki í aprfl 1978. Framkvæmd-
ir hófust í október 1975 og er
heildarkostnaður nú orðinn um
120 milljónir. Arkitektar eru
Guðmundur Þór Pálsson og Jón
Ölafsson frá teiknistofunni
Arkhönnun s.f.
Borgarstjóri lauk máli sínu
með þvi að óska Breiðholtsbú-
um til hamingu með sundlaug-
ina og þakkaði Rögnvaldur
Sæmundsson aðstoðarrektor
fyrir hönd skólans og sagðist
vona að laugin kæmi öllum
Breiðholtsbúum að notum, en
ekki aðeins nemendum skól-
anna.
Hildur Hákonardóttir og Þorbjörg Höskuldsdóttir gerðu þessar
veggskreytingar, sem eru úr brenndum leirflfsum.
Frá brunanum f Aðalstræti 12 á nýársnótt, tveir mannanna, sem f húsinu voru, björguðust út á þak
hússins nr. 10 við Aðalstræti (Ljósm. RAX).