Morgunblaðið - 01.10.1977, Blaðsíða 37

MORGUNBLAÐIÐ, LAUGARDAGUR 1. OKTÖBER 1977
37
+ Nýlega hefur verið
opnað í London mjög
nýtískulegt sjúkrahús
sem nefnt hefur verið
eftir Grace furstaynju í
Monaco. Furstaynjan var
að sjálfsögðu viðstödd og
er hún hér að skrifa nafn
sitt i gestabók sjúkra-
hússins. Það kostar rúm-
ar 30 þúsund krónur á
dag að liggja á sjúkra-
húsinu og er þá ekki inni-
falið skurðaðgerðir og
íyf
Ætlar að
reyna aftur
+ Sjónvarpsstjarnan
vinsæla Peter Falk
„Columbo" ætlar að fara
að gifta sig í annað sinn.
Sú útvalda heitir Shera
Danese og er 26 ára.
Þegar Peter Falk skildi
við konu sína Alyce eftir
16 ára hjónaband sagði
hann að þetta yrði sitt
fyrsta og síðasta
hjónaband. En víst hafa
menn leyfi til aö skipta
um skoðun.
fclk f
fréttum
+ Leikarinn Tony Curtis og kona hans Leslie hafa
ákveðið að skilja í dálítinn tíma til reynslu. Curtis
hefur yfirgefið hús þeirra í Kaliforníu og keypt sér
hús á landamærum Kanada. „Þar ætla ég að reyna að
finna sjálfan mig“.
+ Calypso
söngvarinn
Harry Bela-
fonte hélt ný-
lega hljóm-
leika í Kaup-
mannahöfn og
gerði storm-
andi lukku sem
endranær.
Söngvarinn er
iiú orðinn
fimmtugur en
alltaf jafn vin-
sæll.
+ Soraya fyrrverandi drottn-
ing í Persíu hefir gert erfða-
skrá. Stóra húsió hennar í
Róm fá dætur hennar tvær
sem hún átti með Franco
Indovina en hann fórst í flug-
slysi. Húsið er virt á 75
milljónir. Öðrum eignum
sínum hefur hún skipt milli
nánustu ættingja. Einnig
hefur hún séð þjónustufólki
sínu fyrir árlegum lífeyri.
Soraya hefur viðurkennt að
hún lifi í stöðugum ótta við að
deyja. Fimm af bestu vinum
hennar hafa látist á síðastliðn-
um fjórum árum. 1 flugslysi,
af eitrun, ofneyslu eiturlyfja,
einn framdi sjálfsmorð og
einn var myrtur.
Minning:
Salóme María
Einarsdóttir
Margir eru það sem verða að
flytjast aó heiman þegar starfs-
þrekið er þrotið. Á sveitaheimil-
um vantar yfirleitt vinnukraft til
•þess aó annast þá sem farnir eru
að heilsu og búnir að slíta út
sínum kröftum eftir marga og
langa ómælda vinnudaga, sem oft
fylgja löngum búskap í sveit.
Salóme Maria Einarsdóttir frá
Rauóbarðaholti í Hvammssveit
varð að flytjast á vistheimi í
Reykjavík, þegar heilsan var bil-
uð og kraftarnir þrotnir. Mikil
umskipti eru það eftir áratuga
búskap á sama stað, að þurfá að
hverfa langt í burtu frá bænum
sinum og fögru umhverfi hans og
sjá ekki lengur til fólksins, vin-
anna á bæjunum í kring. Þótt vel
fari um fólk á vistheimilum, eru
dagarnir oft langir í slíkum bið-
sölum, því oft er það svo, að vinir
og ættingjar hafa ekki tíma til aó
líta nógu oft inn.
bannig var því ekki farið méð
Salóme, því börn hennar og aðrir
ættingjar, svo og vinirnir að vest-
an, gerðu sitt besta til að gleðja
hana og gera henni lífið létt.
..Ljósar voru næturnar í Laxár-
dalnum", kvað skáldið mágur
hennar úr Kötlum, en í Laxár-
dalnum var Salóme fædd og alin
upp á ástríku heimili foreldra
sinna í glaðværum hópi systkina,
þar sem hún um ..ljósar nætur"
og daga naut alls hins besta.
Salóme var elsta barn merkis-
hjónanna Einars Þorkelssonar og
Ingiriðar Hansdóttur sem allan
sinn búskap bjuggu fyrirmyndar-
búi á Hróðnýjarstöðum í Laxárdal
eða í fimmtiu og fimm ár. 1938
missti Salóme móður sina en faðir
hennar varð rösklega hundrað ára
gamall og hafði næstum óbilað
vinnuþrek til dauðadags.
Systkini Salóme voru átta, svo
félagsskapurinn á heimilinu var
mikill og eftirsóttur af ungu fólki
að koma að Hróðnýjarstöðum þvi
systkinin voru einstaklega frjáls-
leg og glaðvær, söngvin og list-
hneigð.
Ung gekk Salóme að eiga mann
sinn, Kristmund Eggertsson frá
Gröf i Laxárdal. Hann var sonur
Eggerts Guðmundssonar bónda í
Gröf en Eggert var ættaður frá
Bessatungu i Saurbæ. Móðir
Kristmundar var Guðlaug Guð-
mundsdóttir frá Magnússkógum.
Það var 1917 sem þau Salóme
og Kristmundur lögðu af stað með
trússahestana sína og fénaðinn út
með Hvammsfirði og staðnæmd-
ust i Rauðbarðaholti, en sá bær er
í Hvammssveit, næstu sveit við
Laxárdalinn. Hvammsfjörðurinn
hefur þá sjálfsagt verið fagur og
sléttur á að líta og svanirnir sung-
ið ungu elskendunum fagra
söngva, þvi þetta var um fardag-
ana þegar fuglarnir syngja best.
Með Kristmundi og Salóme að
Rauðbarðaholti fluttist Guðlaug
móðir Kristmundar og tvær ungar
systur hans. Með móður sinni
hafði Kristmundur búið i Gröf i
tvö ár, eftir að faðir hans dó.
I Rauðbarðaholti hófust fljótt
vorverkin, því ungu hjónin voru
samhent i dugnaði og eljusemi.
Húsakostur var lélegur, túnið
þýft og lítið. Inni og úti breyttist
kotið í snotra bújörð, á ótrúlega
fáum árum. Hvammssveitungar
sáu fljótt að til Rauðbarðaholts
var komið fólk, sem kunni að búa
og yrkja jörðina. Snyrtimennskan
var frábær, bæði úti og inni.
Kristmundur og Salóme eignuð-
ust fimm börn en urðu fyrir
þeirri miklu sorg að missa Georg
son sinn i blöma lífsins. 16 ára
gamlan. Georg var gáfaður efnis-
drengur og dáður af þeim sent
þekktu hann.
Salóme og Kristmundur bjuggu
i Rauðbarðaholti í fjörtíu og fjög-
ur ár, eða þar til Kristmundur
andaðist, en það var 1961.
Fjiigur börn þeirra Salóme og
Kristmundar kveðja nú góða móð-
ur. Þau eru Einar sem tók við búi
í Rauðbarðaholti af föður sinum
látnum, Guðlaug sem búsett er i
Reykjavik, Ingiriður Hahsina sem
býr á Lýsuhólum í Staðarsveit og
Eggert Kristján byggingameistari
í Reykjavik. Öll eru systkinin fjöl-
skyldufólk.
Salóme Einarsdóttir var mynd-
arleg kona sem naut trausts og
virðingar þeirra sem henni kynnt-
ust. Hún var sérlega hagsýn hús-
ntóðir, sem vildi hafa nóg fyrir
framan hendurnar til að spila úr,
enda mun henni að mestu hafa
hlotnast sú gæfa.
Það var árvisst, þegar ég var
barn, að foreldrar mínir og við
tvær yngstu systurnar fórum i
heimsókn að Rauðbarðaholti, gist-
um þar og við systurnar lékum
okkur við krakkana. Hvergi var
alúðin méiri eða betur tekið á
móti fólki, og súkkulaðinu hennar
Salóme gleymir víst enginn sem á
þvi bragðaði.
Oftast einu sinni á ári komu
þau Salóme og Kristmundur í
heimsókn til foreldra minna á leið
sinni að Hróðnýjarstöðum. Þau
voru ævinlega á góðum hestum
sem léku við tauminn.
Salóme reið i söðli tiginmann-
I^ga klædd og reisuleg með silfur-
búna svipu, sem var tryggðar-
panturinn frá manninunt hennar.
Þegar hún þeysti upp hlaðvarp-
ann var hún fyrirmannleg i söðl-
inum sínum. Kristmundur hjálp-
aði henni af baki og hnýtti hest-
ana við hestasteininn, efst i tröð-
inni. Það var eins og kóngur og
drottning væru á ferð.
í dag verður Salóme til nioldar
borin i Hvammi í Dölum, en þar
hvílir ntaðurinn hennar sem hún
varð að sjá á bak i blóma lifsins.
Ættingjum og vinum Salóme
Maríu Einarsdóttur votta ég
dýpstu samúð og bið þess að hún
megi hvila i guðs friði.
Jensína Halldórsdóttir.
ÞÚ AUGLÝSIR UM
ALLT LAND ÞEGAR
ÞÚ AUGLÝSIR í
MORGUNBLAÐINU
\n;LVsiN(; v
SÍMINN KR:
22480