Morgunblaðið - 29.03.1978, Blaðsíða 2

2
MORGUNBLAÐIÐ, MIÐVIKUDAGUR 29. MARZ 1978
Frambjóðendur sjálfstæðismanna í Hafnarfirði í prófkjöri fyrir bæjarstjórnarkosn-
ingarnar í vor. Ljósmynd Mbl.i RAX.
Von á niðurstöðum
um þorskveiðibannið
4 Vestmannaeyjabátar hafa verið kærðir
„1>AÐ er í raun allt of snemmt að
gefa upp um það hvort þorsk-
veiðihann tókst." sajjði I'órður
Ásjfeirsson. skrifstofustjóri í
sjávarútveK.sráðuneytinu í K‘ær,
en eftir er að kanna samsetningu
þess afla. sem fiskiskip komu með
að landi þessa daga, en Landhelg-
isxa'zlan skráði öll þau skip, sem
voru að veiðum hanndaKana. en
framleiðslueftirlit sjávarafurða
fylKÍst síðan með samsetninKU
aflans ok hafa skýrslur frá þvf
enn ekki horizt. Samkvæmt rcKlu-
Kerð sjávarútveKsráðuneytisins
mátti þorskur ekki fara fram úr
15% af heildarafla úr hvcrri
veiðiferð frá hádcKÍ 21. marz til
hádeKÍs 28. marz.
Þórður Ásgeirsson kvað mis-
munandi eftir tegund veiðarfæra,
hve margir voru að veiðum um-
rædda banndaga. Fyrsta daginn
voru um 40 bátar alls, þar af um
10 togveiðibátar. Aðrir voru neta-
bátar, en vegna veðurs gekk þeim
fremur illa að ná upp netunum
fyrir gildistöku bannsins. Þórður
kvað afla hafa verið landað um
land allt þessa daga, en fram-
leiðslueftirlit sjávarafurða myndi
kanna samsetningu aflans. Hafa
enn ekki borizt skýrslur frá
þessum aðilum og því er ekki
komin fram nein beildarmynd af
því hvernig þorskveiðibannið hef-
ur tekizt.
Þórður Ásgeirsson kvað báta
hafa átt í erfiðleikum með að ná
upp netunum hinn 21. marz og
kvað hann suma hafa lent öfugu
megin við hádegið við það. Hann
kvað ráðuneytið myndu taka tillit
til slíkra erfiðleika, svo lengi sem
þeir gætu talizt eðlilegir. Netabát-
ar voru mest á sjó fyrsta daginn
og hurfu þeir meira eða minna af
sjónarsviðinu hina dagana. I gær
reru netabátar eftir að þorskveiði-
banninu lauk og kvað Þórður verða
mjög vel fylgzt með afla þeirra
bæði í dag og á morgun og ef
þorskur er mjög gamall, mun
ráðuneytið gera viðeigandi ráð-
stafanir.
Landhelgisgæzlan kærði fjóra
Vestmannaeyjabáta, sem komu að
landi með afla, sem talinn er vera
á bilinu um þriðjungur og allt upp
í tæplega 50% þorskur. Málið var
tekið fyrir á annan í páskum hjá
bæjarfógetaembættinu í Eyjum.
Júlíus B. Georgsson, fulltrúi við
bæjarfógetaembættið, sagði í sam-
tali við Morgunblaðið, að á laugar-
dagskvöldið hefði Landhelgisgæzl-
an farið um borð í eina 5 báta á
miðunum við Eyjar til þess að
athuga aflasamsetningu hjá þeim.
Eóru bátarnir síðan inn, en
klukkan 09 á páskadagsmorgun
kom varðskipið inn í Vestmanna-
eyjahöfn. F’óru varðskipsmenn
síðan í lestar togbátanna og hafði
þá einn þegar landað öllum
aflanum, en annar hluta aflans.
Þrír höfðu engu landað. Um
kvöldið á páskadag sendu síðan
skipherra varðskipsins kæru til
embættisins, sem var síðan tekin
fyrir á annan í páskum. Voru þar
Framhald á bls. 27
Nokkrir Vostmannaeyjahótar hafa fonKÍÖ
mikinn ufsaafla aA undanförnu ok m.a. kom
oinn Eyjahátur. I)ala-Kafn moö 65 tonn af
stórufsa fyrir hátíöina oins o« sa«t var írá í
MorKunhlaóinu. Flostir Eyjahátar tóku upp not
sin moóan þroskvoióihannió stóó vfir. on hins
vegar hóldu þoir áfram voióum som lontu í
ufsanum. því loyíiloKt var að voióa hann.
Ljósmyndina tók SÍKurKoir í Eyjum af
strákunum á I)ala-Rafni aó landa ufsanum.
Vonzkuveðiir
á Ströndum
llólmavík. 2S. marz.
VONZKUVEÐUR hefur verið hér
allt frá því á skírdag, sífelldur
blossi að segja má, og allar leiðir
ófærar meira og minna, bæði í
lofti og á landi. Á Gjögri mun það
slys hafa orðið að maður fótbrotn-
aði nú um hátíðarnar er klaka-
spöng féll ofan á hann, þar sem
hann var að vitja um reka. -
Fróttaritari.
Geir Zöega ferðaskrif-
stofuforstjóri látinn
GEIR Zoega. forstjóri og ferða-
málafrömuður. andaðist i sjúkra-
húsi í Reykjavík sl. laugardag á
82. aldursári. Hann hafði átt við
langvarandi vanheilsu að stríða.
Geir fæddist í Reykjavík, sonur
Helga Zoéga kaupmanns og konu
hans Geirþrúður Clausen úr
Stykkíshólmi. Strax í barnæsku
hóf Geir störf við móttöku er-
lendra ferðamanna hér á landi
sem faðir hans hafði með höndum.
Hann stundaði einnig nám í
Verzlunarskólanum en við fráfall
föður síns árið 1916 tók hann við
rekstri verzlunar hans, sem var til
húsa í Aðalstræti 10 en Silli &
Valdi keyptu síðar. Geir varð þá
hins vegar umboðsmaður fyrir
franska og spænska togara og í
framhaldi af því tók hann að
verzla með kol í Reykjavík.
Jafnframt kolaverzluninni hafði
Zoéga umboð fyrir Thomas Cook á
íslandi, og er lögin um rekstur
ferðaskrifstofa voru sett, fékk
Geir Zoéga leyfi nr. 1 og stofnsetti
Ferðaskrifstofu Zöega, sem hann
starfrækti allt til dauðadags en
fýrir liðlega ári var hún sameinuð
Urvali og starfaði Geir Zoéga þá
þar. Um tíma stundaði Geir Zoéga
einnig togaraútgerð og gerði þá út
ásamt fleirum togarann Helgafell.
Hann var einnig starfsmaður
Landssamband ísl. útvegsmanna í
Bretlandi um tíma og bjó þá í
nokkur ár erlendis og einnig var
hann umboðsmaður fyrir brezka
herflutningsráðuneytið á stríðsár-
unum.
Síðustu árin hafði Geir Zoéga
áhuga á að koma hér upp fyrsta
flokks hóteli og vann að framgangi
þess máls bæði hér heima fyrir og
erlendis.
Eftirlifandi kona Geirs Zoéga er
Anna Zoéga.
Prófkjör sjálfstæðismanna í Hafnarfirði;
36 í framboði vegna
bæjarstjómarkosnmga
PRÓFKJÖR sjálfstæðismanna í
Hafnarfirði vegna væntanlegra
bæjarstjórnarkosninga fer fram
dagana 13.. 14. og 15. apríl n.k..
en utankjörstaðaatkva“ðagreiðsla
vcrður 8. og 10. apríl í Sjálfstæð-
ishúsinu við Strandgötu. 36 kon-
ur og karlar eru í framboði í
prófkjörinu. Allt sjálfstæðisfólk í
Hafnarfirði og annað stuðnings-
fólk sem hefur kosningarétt
getur tekið þátt í prófkjörinu og
cinnig félagar í Stefni sem náð
hafa 16 ára aldri fyrir prófkjörs-
Fimmtug
kona brann
inni
ÁSTRÍÐUR Hansdóttir,
fimmtug kona, brann inni á
bænum Ljárskógum skammt
frá Búðardal snemma á páska-
dagsmorgun. Fólk á bænum
Hólum í Hvammssveit varð
eldsins vart og tilkynnti voðann
til Búðardals. Slökkvilið
staðarins brá skjótt við, en
þegar það kom að Ljárskógum
var húsið brunnið til kaldra
kola. Rannsóknarlögreglumenn
fóru á staðinn til þess að kanna
hvar eldsupptök hefðu verið, en
þeir höfðu ekki lokið störfum í
gær. Svefnherbergi Ástríðar
var á annarri hæð hússins.
dag. Þá geta sjúkir greitt atkvæði
þar sem þeir eru.
Á prófkjörslista skulu vera tvær
auðar línur, og prófkjörskjósanda
heimilt að rita nöfn og heimilis-
fang tveggja fnanna, sem ekki eru
á prófkjörslistanum.
Kosning fer þannig fram, að
kjósandi kýs ákveðinn mann í
ákveðið aðalsæti framboðslistans.
Skal þetta gert með því að setja
tölustafi framan við nöfn þeirra
manna á prófkjörseðlinum* og
tölusetja í þeirri röð, sem óskað er
að þeir skipi framboðslistann.
Prófkjörseðill er ekki gildur nema
merkt sé við minnst 7 menn og
mest 11.
Talningu skal haga þannig, að
fram komi, hverjir hafa fengið
atkvæði í hvert einstakt sæti og
hve mörg. Að talningu lokinni
hlýtur sá maður efsta sæti í
prófkjörinu, sem flest atkvæði fær
í það sæti. Annað sæti hlýtur sá,
sem ekki hefir hlotið efsta sæti, en
hefir flest atkvæð, þegar saman
eru lögð atkvæði hans í 1. og 2.
sæti. Þriðja sæti hlýtur sá, sem
ekki hefir hlotið 1. eða 2. sæti, en
hefir flest atkvæði, þegar saman
eru lögð atkvæði hans í 1., 2. og 3.
sæti. Síðan hljóta menn önnur
sæti í prófkjörinu með sama hætti.
Ef þátttaka í prófkjörinu nemur
50% af kjörfylgi flokksins við
síðustu bæjarstjórnarkosningar,
er kjörnefnd skylt að gera tillögu
til fulltrúaráðsins um skipan
framboðslistans þannig, að í jafn-
Framhald á bls. 27
Bræla á loðnumið-
imum og engin veiði
BRÆLA heíur verið á loðnumið-
unum út af Ingólfshöfða síðustu
daKa ok hefur engin loðnuveiði
verið síðan á skírdag. Er það mat
kunnugra manna, að sögn
Andrésar Finnhogasonar hjá
loðnunefnd. að vart sé að búast
við umtalsverðri loðnuveiði úr
þessu.
A miðvikudag og fimmtudag í
síðustu viku tilkynntu eftirtaldir
bátar afla til Loðnunefndar auk
þeirra, sem áður hefur verið getið
í Mbl.: Sigurbergur 80, Vonin 120,
Skarðsvík 220, Dagfari 160, Freyja
70, Bjarnarey 70, Náttfari 120,
Breki 450, Gjafar 30, Gunnar
Jónsson 120, Ljósfari 110, Guð-
mundur 550, Heimaey 120, Skírnir
130, Helga Guðmundsdóttir 30,
Magnús 100, Víkingur 140, Bjarni
Ólafsson 100, Faxi 30, Ársæll 450,
Gullberg 580, Loftur Baldvinsson
320, Sæbjörg 580, Þórkatla 240 og
Börkur 800 lestir.
Vithjálmur Vilhjátms-
son, söngvari og flug-
maður, ferst í bílslgsi
DÆGURLAGASÖNGVARINN
kunni. Vilhjálmur Vilhjálm{!son.
beið hana í bifreiðaslysi rétt við
Luxemborg í fyrrinótt.
Vilhjálmur starfaði sem flug-
maður hjá Arnarflugi um þessar
mundir, en vegna óhappsins er
flugvél Arnarflugs varð fyrir í
Bretlandi, var Vilhjálmur fenginn
til að fara til Luxemborgar til að
aðstoða farþega þar sem urðu að
fara um Luxemborg af þessum
ástæðum. Vilhjálmur var öllum
hnútum kunnugur í Luxemborg,
því að hann hafði starfað þar í 5
ár.
Vilhjálmur var á bílaleigiibíl og
staddur á þjóðveginum skammt
frá flugvellinum í Luxemborg eða
þar sem heitir Sandweiler þegar
slysið varð. Að sögn fréttaritara
Mbl. í Luxemborg, Ottós G.
Jörgensens, virðist svo sem Vil-
hjálmur hafi verið að reyna að
koma í veg fyrir árekstur við
stóran vöruflutningabíl en misst
við það stjórn á bíl sínum, sem
rakst á ljósastaur og fór síðan út
af veginum. Vilhjálmur mun hafa
látist samstundis. Ökuskilyrði
voru mjög óhagstæð er þetta
gerðist, rigning og þoka og vegur-
inn háll, en staðurinn sem slysið
varð á einnig mjög hættulegur, því
að þetta er 2 eða 3ja slysið sem
þarna verður á um vikutíma.
Vilhjálmur lætur eftir sig konu
og ungbarn og tvö eldri börn.
Hann var 32ja ára að aldri.