Morgunblaðið - 19.09.1978, Page 5

MORGUNBLAÐIÐ, ÞRIÐJUDAGUR 19. SEPTEMBER 1978
5
Sinfóníuhljómsveitin á Vestfjörðum:
Frumflutti í fyrsta
sinn tónverk utan
Reykjavíkur
SINFÓNÍUHLJÓMSVEIT ís-
lands hefur að undanförnu verið
á hljómleikaferð um Vestfirði og
voru síðustu hljómleikar ferðar-
innar haldnir í gærkvöldi á
Patreksfirði. Um helgina var hún
á ísafirði. Bolungarvík og Suður-
eyri og áður hafði hún verið á
ferðinni á Þingeyri og Búðardal.
Tvennir hljómleikar voru haldn-
ir á ísafirði sl. laugardag, hátíðar-
hljómleikar í tilefni 30 ára afmæl-
is Tónlistarskóla ísafjarðar og
aðrir tónleikar um kvöldið þar sem
leikin var sama efnisskrá og á
öðrum stöðum í ferðinni. Hljóm-
sveitarstjóri var Páll P. Pálsson og
einsöngvarar Sieglinde Kahman
og Kristinn Hallsson.
Á hátíðarhljómleikunum á ísa-
firði frumflutti hljómsveitin ís-
lenzkt tónverk og er það í fyrsta
sinn sem það er gert utan Reykja-
víkur. Var það konsert fyrir víólu
og hljómsveit eftir Jónas Tómas-
son og lék einleik Ingvar Jónasson,
en hann kom gagngert frá Malmö
til að leika á þessum hljómleikum.
Þá var leikin fantasía fyrir víólu
og hljómsveit eftir Hummerl,
sinfónía nr. 5 eftir Schubert,
Coriolan-forleikur eftir Beethoven
og Nocturna og Scherzo eftir
Mendelsohn.
Sigurður Björnsson fram-
kvæmdastjóri Sinfóníuhljómsveit-
arinnar sagði í samtali við Mbl. að
ferðin hefði gengið að óskum,
aðsókn verið góð að öllum hljóm-
leikunum. Sérstaklega kvað hann
hafa verið góða aösókn í Búðardal,
ríflega 100 manns, en ekki hefði
verið nema innan við 30 síðast er
hljómsveitin var þar á ferð, 1973.
Félagsheimilasjóður styrkti ferð
þessa, en Sigurður sagði að
kostnaður við slíkar ferðir væri
mjög mikill og nægði aðgöngu-
miðaverð hvergi nærri fyrir kostn-
aði og því yrði einhver styrkur að
koma til, en hljómsveitinni ber að
halda tónleika utan Reykjavíkur á
hverju ári.
Páll Pampichler Pálsson hljóm-
sveitarstjóri tók undir þau orð
Sigurðar Björnssonar að aðsókn
hefði verið góð og móttökur
áheyrenda góðar, enda væri efnis-
skráin sniðin með það fyrir augum
að gera sem flestum til hæfis, en á
henni eru m.a. forleikir, aríur úr
óperum og dúett úr Don Giovanni
eftir Mozart og lög úr West Side
Story eftir Bernstein. Páll sagði að
hljómsveitarmenn væru ánægðir
með ferðina, en um aðstæður til
hljómleikahalds á hinum ýmsu
stöðum sagði hann, að þær væru
mjög misjafnar. Sum félagsheim-
ilin sem leikið hefði verið í væru
ágæt, en önnur nokkuð þröng og
svo væri t.d. á Isafirði. Kom það
reyndar fyrir að fiðluleikarar ráku
boga sína hver í annan í þrengsl-
unum, en það mun þó hafa heyrt
til undantekninga.
í lok hátíðarhljómleikanna á
ísafirði flutti Ragnar H. Ragnar
skólastjóri Tónlistarskólans ávarp
og þakkaði þann heiður sem
skólanum hefði verið sýndur.
Sagði hann að vel færi á því að
tveir afkomendur Jónasar Tómas-
sonar legðu hönd að verki á
þessum tónleikum. Ingvar Jónas-
son sonur hans og Jónas Tómasson
sonarsonur hans og með því væri
haldið á loft minningu Jónasar
Tómassonar eldri sem hafði for-
göngu um stofnun Tónlistarskól-
ans og lét jafnan tónlistarmál á
ísafirði mikið til sín taka.
Páll P. Pálsson stjórnaöi Sinfóníuhljómsveit íslands í Vestfjarðarför-
inni. sem lauk í gær. Ljósm. Úlfar,
Ráðstefna um reyk-
ingar og heilsufar
SAMSTARFSNEFND um reyk-
ingavarnir gengst í næstu viku
fyrir ráðstefnu um tóbaksreyk-
ingar og heilsufar og er tilgang-
ur hennar að ná til fulltrúa frá
félögum. samtökum, stofnunum
og starfshópum sem tengst hafa
eða æskilegt væri að tengdust
baráttunni gegn tóbaksreyking-
um hér á landi, segir í frétt frá
nefndinni.
Dagskrá ráðstefnunnar verður
sem hér segir: Olafur Ragnarsson,
formaður samstarfsnefndar um
reykingavarnir, setur ráðstefnuna,
Magnús H. Magnússon heilbrigðis-
ráðherra flytur ávarp, Auðólfur
Gunnarsson læknir ræðir um
reykingar og heilsufar, Esther
Guðmundsdóttir þjóðfélagsfræð-
ingur um tóbaksneyzlu á Islandi,
Nikulás Sigfússson læknir fjallar
um hjarta- og æðasjúkdóma,
Jónas Hallgrímsson læknir um
krabbamein, Hrafnkell Helgason
um langvarandi lungnasjúkdóma,
Guðmundur Magnússon prófessor
um kostnað samfélagsins vegna
tóbaksneyzlunnar, Ólafur Ragn-
arsson ritstjóri um reykingavarnir
á íslandi, Ingimar Sigurðsson
deildarstjóri um erlenda löggjöf
um reykingavarnir, Sigurður
Bjarnason prestur um aðstoð við
fólk sem vill hætta að reykja,
Ásgeir Guðmundsson um tóbakið
og unga fólkið og Þorvarður
Örnólfsson framkvæmdastjóri um
fræðslustarfið í skólum. Að lokn-
um erindunum verða fyrirspurnir
og urhræður.
Á hátíðarhljómleikum á ísafirði þakkaði Ragnar H. Ragnar skólastjóri Tónlistarskóla (safjarðar fyrir
heiðurinn sem skólanum var sýndur. Standandi f.v.i Ingvar Jónasson, Ragnar H. Ragnar. Jónas Tómasson.
Páll P. Pálsson og Sigurður Björnsson.
Völundar útihurðir
Fallegar útihurðir setja ekki hvað síst svip á húsið
og Völundar útihurð getur gjörbreytt útliti hvaða
húss sem er.
Timburverslunin Völundur hefur 70 ára reynslu í
smíði hurða og hefur jafnan fylgt þeim sveiflum,
sem orðið hafa í hurðasmíði undanfarin ár.
Massifar Völundar útihurðir úr teak og furu eru
framleiddar úr bestu efnum, sem völ er á og mikil
áhersla lögð á vandaða vinnu, góða þjónustu og
eingöngu fullkomnustu vélar notaðar til framleiðsl-
unnar.
Hinar viðurkenndu Assa skrár og lamir eru í öllum
hurðum frá Völundi.
Vandaðu val útihurðar á hús þitt, það er mikilvægt
vegna heildarútlits.
„Valin efni, vönduð stníd“ hafa verið einkunnarorð
Völundar í mörg ár og gildir það um alla fram-
leiðslu.
áTá Timburverzlúnin
Volundur hí.
KLAPPARSTÍG 1, SÍMI 18430 — SKEIFAN 19, SÍMI 85244