Morgunblaðið - 19.09.1978, Qupperneq 33

MORGUNBLAÐIÐ, ÞRIÐJUDAGUR 19. SEPTEMBER 1978
37
siðleysi margra landsins barna
uppúr fermingu áhyggjuefni. Bak
við áfengisþambið leynast menn-
ingarbrengl ásamt tilfinningaleg-
um og geðrænum skekkjum.
Ástæðurnar fyrir ofneyzlu áfengis
eða annarra vímuefna eru marg-
slungnar og margt á huldu í dökku
djúpi blóðsins. Ofdrykkju verður
ekki hnekkt með einfeldnislegum
yfirlýsingum af því tagi sem flæða
frá Skandinavíu. Það er líklegt að
hinir íslenzku bindindisfrömuðir
eigi einhver betri úrræði í poka-
horninu en að sækja fundi skandi-
navíumanna og beygja sig undir
álvktanaáráttu þeirra.
E.A."
• Gripu í tómt
Húsmóðir á Sauðárkróki var
heldur óánægð með þjónustu
varðandi kjötsölu þar nyrðra, en
hún sagði að nú fyrir helgina
þegar húsmæður á Sauðárkróki
hefðu ætlað að gera helgarinn-
kaupin og fá kjöt á gamla verðinu,
þá hefðu þær gripið i tómt. Þær
voru upplýstar um að allt kjöt
hefði verið sent suður og líklega
gætu því Reykvíkingar haft það á
borðum sínum næstu vikurnar.
Fannst húsmóðurinni þetta heldur
lítil þjónusta við heimili á Krókn-
um, að kjötbirgðir staðarins
skyldu hafa verið sendar suður, en
ekki séð til þess að eitthvað yrði
eftir handa heimamönnum.
• Gangnavísa
Allmikið hefur verið sent af
vísum og verða þær áð bíða
birtingar margar í bili a.m.k., en
vegna þess að nú standa réttir yfir
er birt hér vísa um göngur og hana
sendi maður sem vill láta nefna sig
sveitamann á mölinni. Aðrar vísur
hans verða að bíða betri tíma.
Eftir viku arg og sveim
andar kauði léttar.
Tvílembinga-tittum tveim
tókst að ná til réttar.
• Einföldum
bankakerfið
Eftirfarandi vangaveltur hafa
borizt frá einum, sem oft segist
leggja leið sína í banka og kveðst
hafa komizt að þeirri niðurstöðu
að i bankakerfinu megi einfalda
vissa hluti og grípa til meiri
hagræðingar:
„Sem kunnugt er mun eitt af
stefnumörkum nýrrar stjórnar
vera það að einfalda eitthvað
hankakerfið, þ.e. talað hefur verið
um sameiningu tveggja banka.
Ekki skal ég leggja neinn dóm á
hvort það er rétt eða hagkvæmt,
en sjálfsagt má einfalda banka-
kerfið nokkuð.
Þessi grunur hefur að minnsta
kosti læðst að manni oft þegar
staðið er í biðröð í banka og beðið
(en til þess þarf gífurlega þolin-
mæði, ekki sízt í hádeginu á
föstudögum), og staðfestir ráð-
stefna bankamanna, sem hér var
EF ÞAÐ ER
FRÉTTNÆMT
ÞÁ ER ÞAÐ í
MORGUNBLAÐENU
nýlega haldin, þennan grun. Þar
mun hafa komið Jram samkvæmt
fréttum, að mjög mikinn hluta
bankastarfa er hægt að vélvæöa.
Talað var um að 80% bankastarfs-
manna yrðu óþarfir eða allt að því
ef ég man rétt.
Þarna tel ég að við fáum efni til
umhugsunar. Þegar talað er um að
einfalda ieða grípa til hagræðingar,
er það þá ekki einmitt fólgið í því
að hafa hemil á fjölgun starfs-
manna, a.m.k. eða jafnvel fækka
þeim? Bankamenn lýstu nokkrum
áhyggjum að mér fannst við þá
frétt að hægt væri að vélvæða svo
mjög í bönkum, en ég hefði talið
það fagnaðarefni, því þá er e.t.v.
frekar hægt að spara verulega og
hagræða rekstrinum þannig að t.d.
þeim fjölda bankamanna sem nú
vinna eru tryggð störf um alla
framtíð, en hins vegar að ekki sé
þörf á fjölgun. Það hlýtur að vera
hugmynd allra bankastarfsmanna
að geta unnið fljótt og vel að
afgreiðslu mála og því hlýtur
vélvæðing innan einhverra eðli-
legra marka að geta verið jákvæð.
Einn sem oft fer í banka."
HÖGNI HREKKVÍSI
„Pabbi þinn er kominn til Kanada.“
Héraðsfundur Isa-
fjarðarprófastdæmis
HÉRAÐSFUNDUR Ísaíjarðar-
prófastsdæmis var haldinn
sunnudaginn 17. september 1978
í Ilolti í Önundarfirði og hófst
með hátíðarguðsþjónustu í Holts-
kirkju kl. 11.00. Séra Jakob
Iljálmarsson á Isafirði prédikaði.
séra Gunnar Björnsson í Bolung-
arviðk þjónaði fyrir altari fyrir
prédikun og skírði eitt barn og
settur prófastur. séra Lárus
I>orv. Guðmundsson í Ilolti, út-
deildi altarissakramenti. Kirkju-
kór söng undir stjórn Brynjólfs
Arnasonar organista á Vöðlum.
Meðhjálpari var Guðmundur Ingi
Kristjánsson. skáld og bóndi á
Kirkjubóli í Bjarnardal.
Héraðsfundarstörf hófust í
Holtsskóla kl. 16.00 en áður höfðu
fundarmenn og aðrir kirkjugestir
þegið kaffiboð prestshjónanna í
Holti, séra Lárusar Þorv. Guð-
mundssonar og frú Sigurveigar
Georgsdóttur. Pófastur setti fund-
inn með ræðu. Minnist hann
tveggja látinna kennimanna og
eins látins safnaðarfulltrúa, er um
langt skeið brugðu svip sínum á
mannlíf á Vestfjörðum, þeirra
séra Jóhannesar Pálmasonar á
Stað í Súgandafirði, séra Stefáns
Eggertssonar prófasts á Þingeyri
og Guðmundar Gilssonar, fyrrum
bónda í Innri-Hjarðardal. Mun
síst ofmælt þótt sagt sé, að þessir
menn hafi reynst söfnuðum sínum
vel, hver í sínum reit. I símskeyti
sendi fundurinn kveðju til séra
Sigurðar Kristjánssonar, fyrrum
prófasts á Isafirði, en hann lét af
störfum á fyrra ári fyrir aldurs
sakir. Einnig sendi fundurinn
heillaskeyti nýjum kirkjumálaráð-
herra, Steingrími Hermannssyni,
þingmanni Vestfjarðakjördæmis.
Prestar og safnaðarfulltrúar
ræddu helstu tíðindi og verkefni
sinna sókna, en að því loknu tók til
máls sérstakur gestur þessa hér-
aðsfundar, Aðaisteinn Steindórs-
son, umsjónarmaður kirkjugarða
og flutti erindi um kirkjugarða,
hlutverk þeirra, gerð og umhirðu.
Urðu umræður um erindi hans,
sem var fróðlegt og vekjandi, og
svaraði Aðalsteinn fýrirspurnum
fundarmanna. Fram kom, að víða
á Vestfjörðum er snyrting garðana
góð og leiðir/til fyrirmyndar, en
annars staðar í héraðinu er hvoru
tveggja ábótavant. Vanhirða staf-
ar oft af óþarflega fyrirferðamikl-
um búnaði leiða og verður af þeim
sökum erfitt að koma við sláttuvél,
að ekki sé minnst á ljái, sem færri
kunna nú að fara með svo vel sé.
Þeir, sem sáu landbúnaðarsýningu
Búnaðarsambands Suðurlands
munu kannast við nýja gerð
sláttuvéla, er segja má að valdi
gjörbyltingu á þessu sviði:
ísmeygilegir nælonþræðir læsa sig
leifturhratt um grasstráin líkt og
höggormstungur og hreinslá ör-
ugglega þá bletti, þar sem ómögu-
legt er að beita öðrum verkfærum.
Aðalsteinn umsjónarmaður mælti
með þessum verkfærum, sem eru
létt í meðförum og ekki tiltakan-
lega dýr. Að öðru leyti minnti
hann á nauðsyn þess að kirkju-
garðar yrðu staðarprýði hverrar
sóknar, enda yæru þeir oft það,
sem gestir og gangandi veittu
gleggst athygli í hverjum við-
komustað.
Eitt höfuðverkefni héraðsfunda
er að ræða og úrskurða reikninga
kirkna og kirkjugarða. Ber fjár-
haldsmönnum kirknanna, gjald-
kerum sóknarnefnda, að skila
prófasti reikningunum, endur-
skoðuðum af sóknarpresti, fyrir
maílok ár hvert. Nokkuð hefur
viljaö brenna við að vanskil verði á
reikningum, dráttur á því að þeir
berist prófasti í tæka tíð og
stundum óendurskoðaðir. Þarf
ekki að fjölyrða um óþægindi er af
slíku ieiða, auk þess sem óskýrir
reikningar tefja héraðsfundar-
störf óg rýra þá stund, sem
fundarmenn gætu varið til þarfrar
umræðu um önnur málefni.
Ástæður þessara vanskila kunna
að vera þær, að uppsetning reikn-
inga kann að vefjast fyrir reikn-
ingshöldurum og endurskoðend-
um, enda ef til vill flóknari en vera
þyrfti. Var því samþykkt á fundin-
um að fela þeim Brynjólfi Árna-
syni á Vöðlum og Bjarna Pálssyni
á Núpi að taka saman ásamt
prófasti leiðbeiningaplagg um
þessi efni, sem sent verður hlutað-
eigandi fjölritað. Má vænta þess,
aö ráðstöfun þessi auðveldi fjár-
haldsmönnum kirknanna sitt þýð-
ingarmikla verk. Þá var og sam-
þykkt að stefna að því í framtið-
inni að reikningar verði komnir í
hendur prófasti fyrir maílok, svo
og að halda héraðsfundi að jafnaöi
fyrsta sunnudag í septembermán-
uði.
Héraðsfundinn sóttu 14 safn-
aðarfulltrúar og þrí prestar. Að
fundarstörfum loknum snæddu
menn kvöldverð í Holtsskóla í boði
sóknarnefndar Holtssóknar og
hreppsnefndar Mosvallahrepps.
Fundarslit fóru fram í Dalskirkju
í Valþjófsdal, sem nýiega hefur
hlotið prýðilega viðgerð og er hið
fegursta guðshús. Þar flutti séra
Jakob Hjálmarsson bæn, Brynjólf-
ur Árnason og séra Gunnar
Björnsson léku saman á orgel og
selló og séra Lárus Þorv. Guð-
mundsson sleit fundi með hugleið-
ingu.
Loks þágu fundarmenn kvöld-
kaffi hjá hjónunum á Kirkjubóli í
Valþjófsdal, þeim Ágústínu Bern-
harðsdóttur og Björgmundi Guð-
mundssyni.
Höfn í Hornafirði:
Brjóstmyndir af Þórhalli
Daníelssyni og Ingibjörgu
Friðgeirsdóttur afhjúpaður
Höfn í Hornafirði,
18. september.
í GÆR voru við hátíðlega athöfn
afhjúpaðar brjóstmyndir af heið-
urshjónunum Þórhalli Daníels-
syni kaupmanni og konu hans
Ingibjörgu Friðgeirsdóttur. At-
höfnin hófst með guðsþjónustu í
Ilafnarkrikju. síðan var gengið
að myndastyttunum, sem standa
rétt austan við Hótel Höfn. bar
lék Lúðrasveit Hornafjarðar og
Óskar Ilelgason oddviti hrepps-
nefndar flutti minningarræðu um
þau hjón og lýsti brautryðjenda-
starfi þeirra hér.
Að loknu ávarpi Oskars flutti
Anna Þórhallsdóttir söngkona
þakkarávarp og hún afhjúpaði
einnig stytturnar. Ríkarður Jóns-
son gerði styttuna af Þórhalli, en
það var hans síðasta verk. Sigrún
Guðmundsdóttir gerði styttuna af
Ingibjörgu. Frá minnisvarðanum
var svo gengið á Hótel Höfn til
kaffidrykkju í boði hreppsnefndar
Hafnarhrepps. Voru þar fluttar
ræður, en fjöldi manns var við
athöfn þessa úr öllum hreppum
sýslunnar. Á meðan á athöfninni
stóð var veður hið fegursta og
þótti athöfnin takast vel.
Þess má geta að kvöldið áður
höfðu ættingjar þeirra Þórhalls og
Ingibjargar haldið ættarmót að
Hótel Höfn.
Gunnar.