Morgunblaðið - 17.10.1978, Blaðsíða 23

MORGUNBLAÐIÐ, ÞRIÐJUDAGUR 17. OKTÓBER 1978.
31
Guðrún Hallvarðsdóttir
frá Kirkjubæ — Níræð
Hvað skal segja um ömmu sína
níræða? Slíka ekta ömmu sem
vefur fléttum um höfuð sér og
lumar stöðugt á nýbökuðu bakk-
elsi, — kleinum og pönnukökum.
Sem sér fjölskyldumeðlimunum
fyrir prjónasokkum og vettlingum.
Ömmu sem bregður sér í hringferð
um landið eins og ekkert sé.
Skondrar til kosninga eins og
unglamb. Spjallar um landsmálin
— og sem svo skelfing gott getur
verið að þegja með.
Kannski ættum við barnabörnin
hennar Guðrúnar Hallvarðsdóttur
frá Kirkjubæ í Vestmannaeyjum
bar að halda okkur frá ritfærum
og slíku dóti, og arka til hennar á
öðrum eins tímamótum. Ætli við
gerum það ekki líka. En einhver,
einhvers staðar, fékk hugmynæd-
ina um þesa klausu. Og gangi það
þolanlega að koma einhverju pári
á blað, þá á hún amma það alveg
skilið.
A að rifja upp þessar líka
skemmtilegu stundir í húsinu út i í
Eyjum sem okkur öllum fannst við
eiga? Þegar amma og við
krakkarnir brugðum fyrir okkur
betri fætinum og dönsuðum polka
eða vals á eldhúsgólfinu? Og
amma hló og skemmti sér svo
konunglega að tárin runnu niður
kinnarnar.
Eða þegar eitt okkar eða fleiri
tylltum okkur niður við stóra
eldhúsborðið. Á kyrrlátum, björt-
um sumarkvöldum og gleymdum
okkur við dularfullar og ævintýra-
legar frásagnir ömmu. Stundum
voru þær sannar og stundum bara
sögur.
Eða þegar maður sofnaði út frá
léttu hjali í stóra rúminu hennar.
— Þegar lukkan var með manni,
og leyfi gefið til þess að lúra hjá
henni. Hvað þá með það þegar
krakkar þóttust stórir, og læddust
upp brakandi stigann til þess að
vekja ekki gömlu konuna, af því að
komið var langt fram yfir sett
útivistarleyfi?
Líklega fer bara betur á því að
halda öllum slíkum minningum úti í
skoti og skoða þær svona sjálfur
til að hressa upp á stundum
hversdagslega tilveruna.
En staðurinn þar sem það allt
gerðist, er löngu horfinn. Hús
ömmu var eitt af því sem fór undir
hraun í Eyjagosinu. Eitt af
Kirkjubæjarhúsunum. Með því
varð amma að segja skilið við
hálfrar aldar búskap. Sem hún
hafði haldið áfram með hjálp
barna sinna, — eftir að afi, — Jón
Valtýsson, — dó.
Þá flutti amma til höfuðborgar-
innar. En ekki til að vera. Bara til
að staldra við, þar til aftur var
haldið til Eyja. Og núna, þegar hún
heldur upp á níutíu ára afmælið í
húsinu við Strembugötu 15, er hún
jafn hress og kát og við munum
hana fyrst. Hún er ekki einu sinni
farið að þurfa. á gleraugum að
halda. Hefur aldrei sætt sig við
það apparat. Og það yrði áreiðan-
lega ekkert erfitt að drífa hana í
ræl eða polka. Kannski við prófum
í tilefni dagsins.
Elsku amma. Bestu kveðjur
okkar til þín á þessum degi. Og
þakkir fyrir allt. Barnabörn.
Norðmenn gef a Portúgölum
fullkomið rannsóknarskip
NORÐMENN afhentu
Portúgölum nýlega að gjöf
fullkomið 950 tonna
rannsóknaskip. Skipið var
smíðað í Bergen og verð
skipsins nam 3 milljónum
sterlingspunda eða rúm-
lega 1,8 milljörðum
íslenzkra króna. Um borð í
skipinu eru fullkomnar
rannsóknastofur og er það
bæði hugsað sem rann-
sóknaskip í sambandi við
fiskveiðar og haffræðileg
verkefni.
Skipið ber nafnið
Noruega og er sömu gerðar
og Friðþjófur Nansen, sem
mikið hefur unnið við
Mosambique og Sri Lanka,
o£ Bien Dong, sem Norð-
menn skenktu Víetnömum.
Fögur orð voru höfð um
vináttu og bræðralag smá-
þjóða er Norðmenn afhentu
Portúgölum skipið, en ekki
minnst á hvort Norðmenn
hefðu með gjöfinni öðlast
tryggari markaði í
Portúgal.
—
Efla vélstjóra-
menntunina í Eyjum
VÉLSKÓLI Vestmannacyja er
um þessar mundir að hefja
vctrarstarfið ásamt Stýri-
mannaskólanum í Vestmanna-
eyjum en þessir tveir skólar
hafa sameiginleKa heimavist
bæói fyrir einstaklinKa ok
fjölskyldur. í vélskólanum er
kennt 1. og 2. síík fyrir 500 og
1000 hestöíl og hafa að jafnaði
verið um 10 nemendur í hvoru
stigi síðan skólinn hóf aftur
starf eftir gos. Meðfylgjandi
mvndir tók Torfi Haraldsson í
Vestmannaeyjum úr starfi vél-
skólans. en skólastjóri er
Kristján Jóhannesson.
Mikill skortur er á vélstjórum
með réttindi á Eyjaflotann og á
þessu ári hafa verið veittar 53
undanþágur fyrir 1. vélstjóra
fram til 15. sept. og 76 undan-
þágur fvrir II. vélstjóra.
Vélskólinn í Eyjum er vel
búinn tækjum og aðstaða öll er
góð, enda mikill áhugi manna í
Evjum að efla veg skólans sem
rnest.
Fullkomin aðstaða er til þess
að kenna verklega rafmagns-
fræði. Sérstök vélsmíðastofa er
og í vélasal eru margar vélar,
m.a. 250 ha 6 strokka MAK-vél
úr Frá, þýzk gæðavél til kennslu
að sögn skólastjóra.
Séð yfir hluta af vélasal Vélskólans í Vestmannaeyjum.
Ljósmyndir Mbl. Torti ilaraldsson.
Hafrannsóknaskipið Noruega, sem Norðmenn afhentu
Portúgölum nýlega að gjöf.
Mjólkurtæknifélagið
vill ákvæði í regíu-
gerð um léttmjólk
MJÓLKURTÆKNIFÉLAG ís-
lands. sem er félag mjólkurfræð-
inga í' landinu hélt dagana 6. til 8.
október fund í Stykkishólmi og
var á fundinum aðallega rætt um
reglugerð um mjólk og mjólkur-
vörur og reglugerð um gæðamat
á smjöri. Fundurinn samþykkti
að leggja til að ákvæðum reglu-
gerðar um mjólk og mjólkurvör-
ur verði breytt á þann hátt að
tekin verði upp í hana sérstök
ákvæði um fituskcrta mjólk
(léttmjólk), en hún er skilgreind
sem mjólk með stöðluðu fituinni-
haldi.
Fundurinn samþykkti einnig að
mæla með því að fituinnihald í
jógurt og öðrum sýrðum mjólkur-
afurðum verði ekki fastákveðið í
reglugerð heldur verði það frjálst.
Lagt var til að við endurskoðun
reglugerðarinnar verði sett ákvæði
um að mjólkursamlögin skuli hafa
í þjónustu sinni sérlærða starfs-
menn til að leiðbeina mjólkur-
framleiðendum um meðhöndlun
mjólkuráhalda og meðferð mjólk-
ur á framleiðslustað. Fundurinn
gerði tillögur um, að við endur-
skoðun reglugerðarinnar, verði
vald dýralækna aukið, þannig að
þeir geti stöðvað mjólkursölu frá
framleiðendum, sem ekki uppfylla
lágmarkskröfur, sem kveðið er á
um í reglugerðinni.
Þá var lagt til að settar yrðu
strangari kröfur um kælingu
mjólkur hjá framleiðanda og
vinnslustöðvun, en jafnframt lagt
til að reglur um tímalengd frá
framleiðslu mjólkurinnar og sölu
hennar verði rýmkaður. Það er
brýn þörf á endurskoðun þessa
ákvæðis í gildandi reglugerð, m.a.
vegna styttingar vinnuvikunnar.
Þar sem kæling og allt hreinlæti í
meðferð mjólkur hefur batnað
mikið á síöari árum er geymsluþol
hennar mun meira nú en áður.
F'und Mjólkurtæknifélagsins
sóttu um 50 manns og samþykkti
fundurinn ýmsar fleiri tillögur um
breytingar á þeim reglugerðum,
sem getið var hér að framan.
SJÓN ER SÖGU RÍKARI
ITT Schaub Lorenz, vestur þýsku litsjónvarpstækin
eru þekkt fyrir skýra mynd, góða liti og endingu.
Spyrjið þá sem eiga ITT litsjónvarpstæki, þeir eru
okkar besta auglýsing.
GELLIR hefur verið umboðsaðili fyrir vestur þýsk
ITT tæki í meira en áratug, og hefur reynslu i
meðferð þeirra.
Tæknimenn okkar, sem eru menntaðir hjá
framleiðanda í Vestur-Þýskalandi, sjá um viðgerðar-
og stillingaþjónustu.
Bræðraborgarstíg1-Sími 20080- (Gengiðinn frá Vesturgötu)