Morgunblaðið - 17.10.1978, Blaðsíða 29
MORGUNBLAÐIÐ, ÞRIÐJUDAGUR 17. OKTOBER 1978
37
ByKKÍngaframkvæmdir við nýju æfingastöð Sjálfsbjargar við Sindragötu á Akuroyri.
Sjálfsbjörg — félag
aðra á Akureyri 20
Akureyri, 8. okt. 1978
SJÁLFSBJÖRG. félag fatlaðra á
Akuroyri og nágronni. hélt í dag
veglegt afmælishóf vegna þoss. að
20 ár voru liðin frá stofnun þess.
Félagið var stofnað að Hótol KEA
8. okt. 1958. Aðalíorgöngumaður-
inn að stofnun félagsins var
Sigursveinn D. Kristinsson tón-
skáld. sem um svipað leyti gekkst
fyrir stofnun félaga með sama
nafni víða um land. Á stofnfundi
gerðust um 30 manns félagar.
Formaður var kosinn Emil
Andersen en aðrir í fyrstu stjórn
félagsins voru: Heiðrún Stein-
grímsdóttir. Adolf Ingimarsson.
Kristín Konráðsdóttir og Sveinn
Þorsteinsson.
Um tilgang félagsins var m.a.
kveðið svo á í lögum félagsins:
„Markmið félagsins er að efla
samhjálp hinna fötluðu, vinna að
auknum réttindum þeirra og
bættri aðstöðu í þjóðfélaginu svo
sem með því-að:
a) Styðja fatlað fólk til að afla
sér menntunar, bóklegrar og
verklegrar, sem það hefur löngun
og hæfileika til.
b) Aðstoða fatlað fólk við að
leita sér starfa sem það er fært um
að leysa af hendi í atvinnurekstri
eða þjónustu.
c) Efla félagsleg kynni og
skemmtanalíf meðal fatiaðs
fólks.„
Félagsheimilið
Bjarg
Á næsta ári eftir stofnun
félagsins hófst það handa um
byggingu félagsheimilis við
Hvannavelli 10 á Akureyri sem við
vígslu þess 6. júní hlaut nafnið
Bjarg. Nokkru síðar var byggt við
húsið með tilliti til þess að þar
yrði komið á fót vinnuaðstöðu
fyrir fatlað fólk en fyrstu árin var
húsið nær eingöngu notað fyrir
almenna félagsstarfsemi.
Plastiðjan
Bjarg
Árið 1968 hóf félagið rekstur
Plastiðjunnar Bjargs í húsi sínu og
hefur hún starfað þar síðan og
jafnan veitt nokkrum fötluðum
atvinnu. Einkum hefur verið
framleitt raflagnaefni en einnig
kapalrennur, fiskbakkar og
kassar, ljósaskilti, „snjóþotur" og
fleira. Takmarkað húsnæði hefur
lengi staðið í vegi fyrir því að hægt
væri að auka starfsemina eins og
þó væri full þörf á til að geta veitt
fleiru fötluðu fólki atvinnu.
Endurhæfingar-
stöð
Haustið 1970 hóf félagið einnig
rekstur endurhæfingarstöðvar í
húsakynnum sínum að Bjargi.
Kiwanisklúbburinn Kaldbakur
veitti mikilsverðan stuðning við að
koma þeirri starfsemi af stað.
Mikill fjöldi fólks, fatlaðra og
ófatlaðra, hefur jafnan notið
meðferðar í stöðinni frá því hún
tók fyrst til starfa og er jafnan
langur biðlisti eftir meðferð þar,
enda héfur skortur sjúkraþjálfara
og takmörkuð aðstaða jafnan háð
starfseminni. Óhætt er þó að
fullyrða að rekstur stöðvarinnar
hefur gegnt þýðingarmiklu hlut-
verki auk þess sem hún hefur
sparað Akureyringum og nær-
sveitarmönnum milljónatugi
miðað við að þeir hefðu þurft að
sækja þessa þjónustu til Reykja-
víkur.
Nýbygging
Nú er hafin bygging nýrrar og
fullkominnar endurhæfingar-
stöðvar á rúmgóðri lóð sem félagið
fékk við Sindragötu. Framkvæmd-
ir hófust á fyrra ári en um þessar
mundir er verið að ljúka steypu-
vinnu við neðri hæð 900 fermetra
álmu, en alls verður gólfflötur
endurhæfingarstöðvarinnar 1700
fermetrar. Til framkvæmda
þessara nýtur félagið styrks frá
Erfðasjóði sem nemur Vs hluta
kostnaðar, sami aðili lánar einnig
'á hluta en einn þriðjunginn
verður félagið sjálft að fjámagna
og beitir til þess ýmiss konar
fjáröflunarstarfsemi auk þess sem
fjöldi einstaklinga hefur lagt fram
fé til framkvæmdanna svo og
ýmsir klúbbar, félög og stofnanir,
m.a. flest verkalýðsfélaganna í
bænum og nokkur atvinnufyrir-
tæki, auk þess sem bæjarfélagið
sjálft hefur stutt vel við bak
félagsins. Ennþá hefur því félagið
getað staðið við sinn hlut og vonar
að svo verði áfram með góðra
manna stuðningi. Til undirbúnings
og framkvæmda hefur nú alls
verið varið nálægt 80 milljónum
króna.
Síðar er áætlunin að á sömu lóð
Afmælishóf Sjálfsbjargar á Akureyri.
„STARFIÐ
HEFUR SKILAÐ
ÁRANGRI"
í RÆÐU sinni í afmælishófi
Sjálfsbjargar. félags fatlaðra á
Akureyri, komst formaður
félagsins. Heiðrún Steingríms-
dóttir. m.a. svo að orðii
„En ég held að það þýðingar-
mesta og afdrifaríkasta sé enn
ótalið. Sú var tíðin að það þótti
góður stráksskapur að glettast
við fatlaðra og skopast að þeim
vegna fötlunar þeirra. Vegna
þessa og ótal fleiri ástæðna var
minnimáttarkennd margra fatl-
aðra svo alger að þeir földu sig
fyrir umheiminum, létu helst
aldrei sjá sig á almannafæri
hvað þá að þeir sæktu manna-
mót, fundi, skemmtanir eða því
um líkt. Sumir voru nánast
lifandi dauðir. Dæmi slíks finn-
ast enn, en sem betur fer mjög
fá. Það kraftaverk sem Sjálfs-
bjargarfélögin hafa unnið er að
þau hafa kennt mörgum fötluð-
um, að þeir eru líka menn alveg
eins og allir aðrir. Það var
fyrsta og stærsta verkefni félag-
anna að fá þetta fólk til að koma
fram í dagsljósið, fá það til að
koma á samkomur félaganna og
taka þátt í starfi þeirra. Það eitt
jók sjálfstraaustið ótrúlega.
Margir hafa síðar einnig farið
að taka þátt í öðru félagsstarfi
og fundið það sem þeir höfðu
áður týnt. Með þessu var unnið
ómetanlegt björgunarstarf og á
þessum vettvangi þarf alltaf að
vera vakandi til að koma í veg
fyrir, að líkamleg fötlun valdi
einnig andlegri fötlun eins og
sagan geymir allt of mörg dæmi
um.
Jafnréttisganga eins og sú
sem farin var í Reykjavík fyrir
skemmstu hefði verið óhugsandi
um það leyti sem fyrstu Sjálfs-
bjargarfélögin voru stofnuð.
Faltaö fólkið hefði einfaldlega
ekki þorað að sýna sig. En nú er
það flestum áreynslulítið. Starf-
ið hefur skilað árangri."
rísi byggingar fyrir Plastiðjuna
Bjarg og svo almenna félagsstarf-
semi.
Félagið og
stjórn þess
Formenn félagsins á þessu tuttugu
ára tímabili hafa verið auk fyrsta
formannsins, Emils Andersens:
Adolf Ingimarsson, Karl Friðriks-
son, Sigvaldi Sigurðsson og
Heiðrún Steingrímsdóttir, sem nú
hefur gegnt formennsku samfellt
frá árinu 1966. Auk hennar eiga nú
sæti í stjórninni: Baldur Bragason,
varaformaður, Björg Þórðardóttir,
gjaldkeri, Elinóra Rafnsdóttir og
Ragnheiður Stefánsdóttir.
Fullgildir félagsmenn eru nú
nokkuð á annað hundrað en
styrktarfélagar eru um 200.
Afmælishófið
í dag
Félagið efndi til myndarlegrar
afmælisveislu í dag í félagsheimili
fatl-
ára
flugbjörgunarsveitar Akureyrar
að Galtafelli. Þar flutti Heiðrún
Steingrímsdóttir, formaður
félagsins, ræðu og rakti sögu þess.
Sigurður Jóhannesson, forseti
bæjarstjórnar Akureyrar, flutti
kveðju hennar og bæjarráðs og
afhenti Sjálfsbjörgu 5 milljón
króna gjöf frá Akureyrarbæ.
Sverrir Leósson, varaformaður
Lionsklúbbs Akureyrar, afhenti
250 þús. kr. frá klúbbnum og fleiri
góðar gjafir og árnaðaróskir
bárust víðs vegar að. Aðrir sem til
máls tóku voru: Hulda Steins-
dóttir, gjaldkeri Sjálfsbjargar á
Siglufirði, Rafn Sveinsson, fulltrúi
Kiwanisklúbbs Kaldbaks, Jón
Helgason, formaður Verkalýðs-
félagsins Einingar, og Sigursveinn
D. Kristinsson, fulltrúi Sjálfs-
bjargar landssambands fatlaðra.
Sv.P.
Ileiðrún Stoingrímsdóttir