Morgunblaðið - 16.01.1979, Blaðsíða 33

MORGUNBLAÐIÐ, ÞRIÐJUDAGUR 16. JANÚAR 1979
37
VELVAKANDI
SVARAR í SÍMA
0100 KL. 10—11
FRÁ MÁNUDEGI
MjjJAjntosaia'í) n
hryllingur. Einnig minnkaði til
muna vegaviðhald, innflutningur
bíla, varahluta og enginn loft-
mengun yrði.
• Jólasveinar
einn og átta
Það flögrar stundum að mér,
að núverandi ríkisstjórn sýni
jafnvel meiri snilli í hrekkjum en
hinir þjóðlegu jólasveinar eru
sagðir hafa gert.
Fyrir nokkru varð stór hluti
Frakklands rafmagnslaus vegna of
mikils álags. Franskur kommún-
istaforingi átaldi harðlega þar-
lenda stjórn orkumála fyrir að
vera nær eingöngu háða erlendum
orkuinnflutningi og gerði lítið eða
ekkert til að nýta mikla innlenda
orku sem væri ónýtt í landinu.
Þessu er líkt farið hér og er því
ekki óeðlilegt að orkustjórn okkar
sé grunuð um græsku gagnvart
erlendu stórveldi.
• Verðbólgusýk-
ina verður að
lækna
Það er staðreynd, að ef við
minnkum ekki umsvif ríkisbákns-
ins fljótlega þá er þýðingarlaust
að tala um afnám eða hjöðnun
verðbólgu. Það er hryllileg stað-
reynd að ríkið fær stóran hluta
tekna sinna af bílum, bensíni og
brennivíni. Næstum allur inn- og
útflutningur er stórlega skattlagð-
ur bæði með tollum og söluskatti.
Stóran hluta sparifjárins gleypir
ríkið en hinn lífræni atvinnurekst-
ur er í fjársvelti.
Hvort tveggja verður að gerast,
afnám margra alóþarfra opin-
berra stofnana og líka almennur
sparnaður með heilbrigðara líf-
erni. Það er ömurleg staðreynd að
síðasta söludag ársins keypti hluti
þjóðarinnar vínföng fyrir 300
milljónir en framlag okkar til
bágstaddra er hungurlús. Ef efna-
hagshnúturinn verður ekki leystur
á þessu ári blasir við efnahagslegt
hrun. Islenska krónan verður ekki
pappírsins virði. Ég er hræddur
um að mörgum þyki þá þröngt
fyrir dyrum. En skuldakóngar og
braskarar standa þá með pálmann
í höndunum með eignir sínar
skuldlausar því skuldirnar hafa
fallið niður í núll eins og pening-
arnir.
Væri nú ekki nær fyrir hina
ungu efnilegu þingmenn okkar að
beita sér fyrir farsælli lausn
efnahagsmála og þar með beislun
og notkun innlendra orkulinda
(því það verður einn stærsti liður í
efnahagsviðreisn okkar) heldur en
að hefja ofsóknarherferð gegn
þeim alltof fáu alvörustórfyrir-
tækjum sem enn eru starfandi í
landinu.
Ingjaldur Tómasson
• Þakkir fyrir
ábendinguna
Velvakandi,
Laugardaginn 6. þ.m. er í
dálknum yðar frásögn frú Sesselíu
Steingrímsdóttur um illa gerða
lopapeysu er notuð var til auglýs-
ingar á lopa í verzlun í Bandaríkj-
unum.
Við hér á Alafossi leggjum
mikið upp úr að söluvara okkar sé
vel kynnt á erlendum vettvangi, og
að svo hefur verið gert, þökkum
við m.a. síauknum útflutningi
okkar. Auðvitað geta mistök átt
sér stað, eins og virðist hafa orðið í
umræddri verzlun í Bandaríkjun-
um. Öllum ábendingum um slíkt
tökum við þakksamlega og bætum
úr. Væri vel ef fleiri bæru slikan
velvilja til íslenzks iðnaðar sem
frú Sesselía.
Það hefur komið í ljós eftid
samtal við frú Sesselíu að er hún
kom athugasemd sinni á framfæri
við Alafoss ræddi hún ekki við
sölustjóra fyrirtækisins, heldur
annan starfsmann þess, er láðist
að koma boðum hennar rétta leið.
Við höfum nú gert ráðstafanir
til að ný sýningarpeysa verði sett
í viðkomandi verzlun og viljum
þakka frú Sesselíu fyrir ábendingu
hennar.
Virðingarfyllst,
Álafoss h/f,
Magnús Pétursson,
sölustjóri.
• Dýrt sport
Margir hafa hringt til Velvak-
anda til að ræða um þáttinn
„fræga“ úr myndaflokknum „Ég
Kládíus" sem sýndur var fyrir
rúmri viku. Ástæðulaust þykir að
birta orð hvers fyrir sig en álit
viðmælenda Velvakanda hafa
skipst í tvo hópa.
Ánnar hópurinn er mjög á móti
því, að sjónvarpið sýni slíkan
viðbjóð og framkom í þættinum.
Vilja þeir benda á, að sjónvarpið
er almenningseign og almenningur
borgar afnotagjald af því. Það sé
því í lófa lagið fyrir þá sem horfa
vilja á hrylling að fara í kvik-
myndahús þar sem yfirleitt sé nóg
af slíku.
Hinn hópurinn er á því máli að
ekkert sé athugavert við sýningu
þessa þáttar þar sem hann sé
sögulegur. Þeir benda á að þótt
fólk hafi sjónvarpstæki á heimil-
um sínum sé það ekki nauðsynlegt
fyrir það að horfa á allt það sem
þar sé sýnt. Þar sem sjónvarpið sé
almenningseign sé það skylda þess
að sýna eitthvað sem allir hafa
gaman af og að öðru vísi sé að
horfa á hrylling sem maður viti að
hafi átt sér stað en að horfa á
verksmiðjuframleiddar hryllings-
myndir sem gerðar séu með
gróðasjónarmið í huga.
HÖGNI HREKKVÍSI
Starfslið Snyrtihúss Bentfnu, Stelanía Gunnarsdóttir, Þóra
Hallgrímsson og Bentína Björgúlfsdóttir.
Snyrtihús Bentínu
Ný snyrtistofa við Fischersund
Snyrtihús Bentínu býður
upp á afsláttarkerfi, þannig að
sé tekinn tíu skipta baðkúr
fæst 17% afsláttur af venju-
legu verði, auk þess sem 10%
afsláttur er veittur ungling-
um, sem þurfa á húðhreinsun
að halda.
Nuddbaðið tekur 20 til 30
mínútur, en auk þess sem
vatnsþrýstingurinn á að laga
línurnar mynda efni úr sjávar-
gróðri froðuna, sem einnig á að
hafa jákvæð áhrif.
SNYRTIHÚS Bentínu heitir
ný snyrtistofa við Fischersund
í Reykjavík. Eigendur stof-
unnar eru Bentína Björgólfs-
dóttir snyrtisérfræðingur og
Þóra Hallgrímsson.
í Snyrtihúsi Bentínu er
hægt að fá alhliða snyrtingu,
andlitsböð, húðhreinsun,
hand- og fótsnyrtingu og
vaxmeðferð á andlit og fætur,
svo eitthvað sé talið. Þá hefur
stofan á boðstólum nýjung,
sem er vatnsnudd með loft-
þrýstingi. Auk þess sem nudd-
baðið þjónar þeim tilgangi að
lina gikt og vöðvaspennu, er
það ráðlagt þeim sem vilja
fækka kílóum og minnka
ummál.
m m
af matar- og kaffistellum
af leikföngum

iKaupfélág
i
Strandgötu 28 sími: 50200
Búsáhaldadeild