Morgunblaðið - 30.01.1979, Side 41

MORGUNBLAÐIÐ, ÞRIÐJUDAGUR 30. JANÚAR 1979
41
félk f
fréttum
+ Rithöfundurinn brezki
Robert Graves er vafalítið einn
kunnasti rithöfundur vorra
tíma. — Þó mikið liggi eftir
hann. alls um 150 bækur og
verk. hefur sjónvarpið átt trú-
lega mestan þátt í frægð hans
og þeirri viðurkenningu sem
hann hefur hlotið — og eru það
þá sjónvarpsþættirnir Ég
Kládíus. sem gerðir eru eftir
bók hans. Rithöfundurinn er
nú orðinn 83ja ára gamall.
Ilann hætti að skrifa fyrir 3
árum. Hann hefur sagt frá því í
blaðasamtali, að allt frá ungl-
ingsárum hafi hann fyrst og
fremst verið unnandi ljóðsins.
Graves hefur búið á Mallorka
um margra áratuga skeið, í
litlu þorpi þar á eyjunni, og
þorpsbúar kalla hann Don
Robert. Hann nýtur lífsins í
þessum rólega bæ ásamt eigin-
konu sinni, Beryl. Hún er
seinni kona rithöfundarins og
eiga þau f jögur börn, en f jögur
börn átti hann með fyrri konu
sinni, svo Graves er átta barna
faðir. Sagt er að hann hafi
aldrei séð Kládfus-þættina á
ensku, en þeir hafa hlotið
miklar vinsældir suður á
Spáni. Myndin hér að ofan var
tekin af Robert Graves er hann
í fyrsta og einasta skiptið kom
til Rómaborgar og heimsótti
söguslóðir sinar, — ekki alls
fyrir löngu.
Svarfdælingur?
+ bessi mynd
minnti okkur á
Jóhann Péturs-
son Svarfdæl-
ing, hæsta ís-
lending fyrr og
síðar, sem lið-
lega tvítugur að
aldri reyndist
vera 220 sm hár.
— Hann fór scm
kunnugt er í
kvikmynda-
bransann vestur
í Ameríku. —
Þar er einmitt
þessi risi og
þetta smáfólk
sem með honum
er. Koma
þremenningarn-
ir fram í kvik-
mynd sem verið
er að gera og
heitir „Side
Show“. Risinn
Sandy Allen er
rétt innan við
240 sm á hæð, en
smáfólkið. frök-
en Patty Malone
og Jerry
Marren, eru
hvort um sig
rétt innan við
120 sm.
Sumir eru jaf n-
ari en aórir
Blaðinu hefur borizt eftirfar
andi frá Skólafélagi Menntaskól-
ans á ísafirðii
Þegar landsfeðurnir tala til
þjóðarinnar á tyllidögum ræða
þeir jafnan mikið um það, hversu
dýrðlegt það sé að byggja land, svo
til allir hlutir margfalt fullkomn-
ari en annars staðar, og það sem
ekki sé þegar orðið fullkomið
stefni í það minnsta hraðbyri að
því marki. Þá er gjarnan minnst á
jafnrétti til náms og að á Islandi
sé enginn stéttaskipting. „Þjóðin
er eins og ein stór fjölskylda" er
jafnan viðkvæðið. Allir eru sagðir
standa jafnt að vígi, hafi jafna
möguleika til náms og atvinnu.
Væri þetta rétt, hlytu þeir sem
ekki tekst að afla sér menntunar
að vera heimskari en aðrir, enda er
því haldið fram.
En þetta er ekki rétt. Á Islandi
er ekki jafnrétti til náms. Það er
ekki rétt að allir hafi jafna
möguleika til að afla sér menntun-
ar. Dreifbýlisungmenni hafa mun
minni möguleika til að ljúka námi
en þau sem geta sótt skóla í
heimabyggð sinni og geta þar af
leiðandi verið í fæði hjá foreldrum
sínum. Þetta verður síðan til þess,
að það eru börn sem ekki þurfa að
fara að heiman í skóla sem fá
mesta menntun og valdastöðurnar
í þjóðfélaginu.
Tilefni þessara skrifa er reyndar
að vekja athygli á einum þeim
kostnaðarlið námsmanna sem ekki
hvað síst viðheldur þessu ástandi,
þ.e. mötuneytiskostnaði í mennta-
skólum.
Eins og hlutum nú er háttað,
greiða mötunautar í menntaskóla-
mötuneytum allan kostnað við
rekstur þeirra, þ.e. bæði hráefni og
laun starfsfólksins. Þetta verður
það mikil upphæð á hvern og einn
að það verður ekki svo auðhlaupið
að því að vinna fyrir því yfir
sumartímann, ef menn ætla líka
að eiga fyrir fötum, skólabókum og
öðrum nauðsynlegum hlutum. I
vetur er t.d. gert ráð fyrir 60.000.-
króna kostnaði á mánuði per
mötunaut í mötuneyti Mennta-
skólans á Isafirði. Þetta þykir
okkur há upphæð. Svo há að ekki
verður við unað. Sömu sögu er að
segja úr öðrum menntaskólum þar
sem mötuneyti eru starfrækt.
Kostnaður á mann er svipaður, og
allt að 40% af upphæðinni eru
laun starfsfólks. Það er því
sanngjörn krafa Landssambands
Mennta- og fjölbrautaskólanema
að ríkið greiði allan launakostnað
starfsfólks í mötuneytum skól-
anna. Án þess er tómt mál að tala
um jafnrétti til náms á Islandi.
Með þessum háa kostnaði er verið
að tryggja það að börn dreifbýlis-
fólks verði aldrei annað en lág-
launafólk, sem sagt, að viðhald
óþolandi misrétti.
Skólafélag Menntaskólans
á ísafirði.
Athugasemd við leiðara
í Morgunblaðinu 24. jan sl. er
hluti leiðara blaðsins helgaður
erindum Þorsteins Helgasonar um
Kampútseu í Ríkisútvarpinu og
Einingarsamtökum kommúnista
(m-1). Ekki sé ég hvað það kæmi
andstæðum skoðunum hans og
Mbl. eða EIK (m-1) og Mbl. við. En
hitt er þó rétt að Þorsteinn er ekki
félagi í Einingarsamtökunum. Á
umræðufundi þeirra með Elínu
Pálmadóttur um Kampútseu var
Þorsteinn í tvígang kynntur sem
óháður framsögumaður. Ætti Elín
að geta staðfest það. Að vísu stóð í
Verkalýðsblaðinu 1. tbl. 1979 að
Þorsteinn talaði fyrir hönd EIK
(m-1) og er ónákvæmni í vinnslu
blaðsins um að kenna — enda
aðeins um auglýsingu að ræða.
Þessi rangfærsla var leiðrétt t.d. í
auglýsingu í Þjóðviljanum 18. jan.
Það er þó ekki þetta atriði sem
er aðfinnsluvert í leiðaranum,
heldur það að höfundi hans finnst
rangt að Þorsteini sé hleypt að
hljóðnemanum í hljóðvarpinu „til
að verja rauðu khmerara". Elin
Pálmadóttir fékk tækifæri til þess
að „ráðast á rauðu khmerana" í
hljóðvarpi fyrir skömmu. Varla er
það „lýðræði á útopnu" — eins og
leiðarahöfundur kemst að orði —
ef Elín og Mbl.-menn hafa einka-
leyfi á sannleikanum um Kampút-
seu?
Einhvern tíma hefur Mbl. mót-
mælt því að einungis ein ákveðir
skoðun á hverju máli fái að heyr-
ast og birtast. Vill leiðarahöfund-
ur ekki standa við það?
Lokaorð Elínar á fundi EIK
8m-l) um Kampútseu voru þessi:
Það var áhugavert að fá að skipt-
ast á skoðunum við ykkur í kvöld.‘
Hér er örlítið meiri víðsýni á
ferðinni en í leiðara Mbl. og mætti
höfundur hans læra af starfsbróð-
ur sínum.
Með þökk fyrir birtinguna,
Ari T. Guðmundsson,
formaður miðstjórnar
EIK (m-1).
Á myndinni eru forstöðukona SH, Guðlaug Sigmarsdóttir, Guðrúr
Sigfúsdóttir, formaður styrktarsjóðs, og Gísli Auðunsson Iæknir.
Húsvíkingar eignast sogklukku
NÝLEGA afhenti Styrktar-
sjóður kvenna við Verkalýðsfé-
lag Húsavíkur sjúkrahúsinu í
■Húsavík að gjöf sogklukku
(Electric Extractor/ Aspiration
pump) til notkunar á fæðingar-
deild sjúkrahússins. Verðmæti
gjafarinnar er kr. 438.000,- utan
innflutningsgjalda og sölu-
skatts, en fjármálaráðuneytið
gaf eftir þessi gjöld.
Sjúkrahúsið færir gefendum
alúðarþakkir.
Meðf. mynd er tekin við
afhendingu gjafarinnar.