Morgunblaðið - 28.08.1979, Blaðsíða 22

30
MORGUNBLAÐIÐ, ÞRIÐJUDAGUR 28. ÁGÚST 1979
Sigurbjörn Báröarson á Garpi er hann keppti í fimmgangi á mótinu á föstudag en peir voru báðir
dæmdir úr leik par sem dýralæknar töldu Garp veikan. Ljósm. V.K.
Penni og Garpur
verða ekki seldir
Frá Valdimar Kriatinasyni,
fréttaritara Mbl. á EM
f Hollandi. 27. ágúst.
EIGENDUR íslensku hestanna.
Garps og Penna. sem áttu að
keppa hér á Evrópumótinu hafa
ákveðið að selja þá ekki að sinni
og reyna að keppa á þeim á
næsta Evrópumóti, sem haldið
verður að tveimur árum liðn-
um. Garpur, sem Hörður G.
Albertsson á, verður í Þýska-
landi hjá dr. Viola Halmann í
Haguen, og Penni, sem Reynir
Aðalsteinsson á verður í Aust-
urríki hjá Jóhannes Hoyos.
Mun Jóhannes þjálfa Penna en
ekki er enn ljóst hver þjálfar
Garp.
Gustur Högna Bæringssonar,
sem Regnar Hinriksson átti að
keppa á ytra var seldur hér í gær
og er kaupandi hans Gerhard
Giesecke í Bonn en þessi sami
maður keypti Gretti frá Svarf-
hóli af Ragnari Hinriksyni á EM
í Danmörku. Giesecke hefur
nánast safnað skeiðhestum og á
hann meðal annars, auk Grettis,
Þyt, sem keppti 1975 fyrir ísland
í skeiði og Rjúkanda, sem Sigur-
björn Bárðarson og Hörður G.
Albertsson voru með í skeiði
heima fyrir nokkrum árum.
Skelmir, sem Hörður G. Al-
bertsson átti, en Aðalsteinn
Aðalsteinsson átti að sitja á
mótinu, fer til Danmerkur .
Valur Sigurðar Sæmundssonar
átti að fara til Noregs en kemst
ekki þangað af óviðráðanlegum
orsökum. Sjálfur fer Sigurður til
Þýskalands, þar sem hann held-
ur reiðnámskeið og járninga-
námskeið. Váli Sigurbjörns
Bárðarsonar, sem Ragnar Hin-
riksson átti að sitja á mótinu
verður sennilega seldur til
Þýskalands. Brjánn, sem Hörður
G. Albertsson á og fór utan sem
varahestur, var seldur Walter
Schmitz í Þýskalandi, sem m.a. á
Baldur frá Stokkhólma, Trítil
frá Leirulækjarseli og Ljóska,
sem Albert Jónsson keppi á í
Austurríki 1975.
Jökull, sem Trausti Þór Guð-
mundsson átti að sitja á mótinu
en Sigurbjörn Bárðarson og
Hörður G. Albertsson áttu var
seldur Suasse Gime frá Bremen.
Suasse þessi var áður við tamn-
ingar hjá Reyni Aðalsteinssyni á
Sigmundarstöðum og seinna á
Stóra-Hofi.
Reynir Aóalsteinsson á Penna. Myndin ar tekin á Landsmótinu 1978.
Fimm efstu hestar í fimmgangi, Ragnar á Fróða, lengst til vinstri, pá
Jen Iversen á Vindskjóna, Walter Feldmann á Hákoni, Reynir
Aðalsteinsson á Pöndru og Jóhannes Hoyos á Ljóra. Ljósm. Sig. Sigm.
Jóhannes Hoyos frá Austurríki situr hér Ljóra frá Eiríksstöðum, en
hann náði bestum árangri I skeiöi ásamt Víkingi og Fróða. Ljósm. V.K.
Aðalsteinn Aðalsteinsson á Grákolli. Ljósm. V.K.
Reynir Aðalsteinsson á Pöndru. Ljósm. V.K.