Morgunblaðið - 28.08.1979, Blaðsíða 40

iSími á afgreiöslu:
83033
}H*r0unblnbi%
ÞRIÐJUDAGUR 28. ÁGÚST 1979
13 tónleikar í þrem
landsfj órðungum
SINFÓNÍUHLJÓMSVEIT fslands fer í hljómleikaferð um Norður-.
Austur- og Suðurland um miðjan september og mun hljómsveitin leika
þar á 13 tónleikum að sögn Sigurðar Björnssonar söngvara,
framkvæmdastjóra hljómsveitarinnar. Söngkonurnar Ingveldur
Hjaltested og Svala Nielsen verða einsöngvarar á tónleikunum, en á
efnisskrá er létt sígild tónlist úr óperum og óperettum, íslenzk
sönglög og ýmsir forleikir og dansar. Stjórnandi verður Páll P.
Pálsson, en alls munu 47 hljóðfæraleikarar fara í ferðalagið.
Einleikari á Beethoventónleikum á Akureyri verður Anna Málfríður
Sigurðardóttir píanóleikari og á þrennum tónleikum mun Lárus
Sveinsson leika einleik á trompett.
22,5%
hœkkun á
„vísitölu-
brauðum
VERÐLAGSYFIRVÖLD hafa
heimiiað 22,5% meðaltalshækkun
á brauðum, sem eru í vísitölunni
og falla því undir verðlags-
ákvæði. Tekur hið nýja verð gildi
í dag.
„Vísitölubrauðin" eru fransk-
brauð, heilhveitibrauð, rúgbrauð,
maltbrauð og normalbrauð. Sem
dæmi má nefna að 500 gramma
franskbrauð og heilhveitibrauð
hækka úr 160 í 196 krónur stykkið
og 675 gramma maltbrauð hækka
úr 158 í 194 krónur stykkið.
Fyrstu tónleikarnir verða 12.
september kl. 20.30 á Blönduósi,
hinn 13. kl. 21 á Sauðárkróki, hinn
14. kl. 20 í Siglufirði, 15. sept. kl.
15.30 á Akureyri í íþróttaskemm-
unni þar sem Anna Málfríður mun
leika 3. píanókonsert Beethovens
og einnig verður 5. sinfónían flutt
þar m.a. Kl. 21 verða aðrir tón-
leikar á Akureyri með léttu og
sígildu efnisvali. 16. sept. kl. 15.30
verða tónleikar á Húsavík og kl.
21.30 í Skjólbrekku. Hinn 18. kl. 21
á Egilsstöðum, 19. á Eskifirði kl.
19 og í Neskaupstað kl. 22. Hinn
20. sept. kl. 21 á Seyðisfirði, 21.
sept. kl. 21 á Hornafirði og 22.
sept. kl. 21 á Kirkjubæjarklaustri.
Hljómsveitin kemur til Reykjavík-
ur 23. september. Fararstjóri er
Sigurður Björnsson.
Tveir langferðabílar munu
flytja hljómsveitina á hljómleika-
ferðalaginu og auk þess fylgir
eldhúsbíll til að matreiða þar sem
ekki eru matarboð hinna ýmsu
aðila og einnig verða hljóðfærin
flutt í eldhúsbílnum.
Ljósm. Mbl. Emilía.
FRAM BIKARMEISTARI
FRAM varð bikarmeistari í knattspyrnu á sunnudaginn
er félagið sigraði Val í úrslitaleik 1:0. Myndin sýnir
Ásgeir Elíasson fyrirliða Fram taka við bikarnum úr
hendi Ejörgvins Schram, fyrrverandi formanns KSI, sem
var heiðursgestur leiksins. Sjá nánar um leikinn á bls. 24
og 26.
Féll9maf
húsþakiá
eina auða
blettinn
Reyftarfirði, 27. ágúst.
VINNUSLYS varð á Reyðar-
firði s.l. fimmtudag með
þeim hætti að 47 ára gamall
maður féll af mæni tveggja
hæða húss í byggingu. Slysið
varð er verið var að
koma einangrunarplötum
milli sperra á þaki húsins.
Var maðurinn nýbúinn að
leysa utan af einangrunar-
búnti þegar snögg vindhviða
feykti 3 metra löngum ein-
angrunarplötunum á mann-
inn og tókst hann á loft og
fauk ofan af húsinu frá mæni
og niður á jörð, eða um 9
metra fall.
Fullt var af járni og timbri
við húsið en maðurinn lenti á
malarfyllingu, eina auða
blettinum við húsið. Skjótt
var náð í lækni og sjúkrabíl
og var farið með manninn í
sjúkrahúsið á Norðfirði. Við
rannsókn kom í ljós að
mjaðmagrindin var sprungin
en aðrir áverkar fundust
ekki.
—Gréta.
Steingrímur Hermannsson formaður Framsóknarflokksins:
Eðlilegt að verðtrygging-
arstefnan sé endurskoð-
uðíljósi verðbólgunnar
,,ÉG ER fylgjandi lágum vöxtum og því að reynt verði
að nálgast fulla verðtryggingu og ég geri ákaflega
mikinn greinarmun á svokölluðum raunvöxtum og
lágum vöxtum og verðtryggingu. En það ber að hafa í
huga, að þegar tillögur um að nálgast fulla verðtrygg-
ingu voru settar fram, þá höfðu menn til hliðsjónar það
takmark að ná verðbólgunni niður í 30—35%. Það er því
eðlilegt að verðtryggingarhliðin sé endurskoðun í ljósi
þess að verðbólgan er nú 40 og jafnvel 50%, en ekki á því
stigi, sem menn höfðu til hliðsjónar við tillögurnar um
að nálgast fulla verðtryggingu. Sú akvörðun í vaxtamál-
um að fara nú bil beggja má segja að sé viss
endurskoðun í ljósi nýrra staðreynda og meðan ekki
gengur betur í slagnum við verðbólguna þá má segja, að
viss frestun sé sett á að ná lokamarkinu varðandi
verðtrygginguna,“ sagði Steingrímur Hermannsson
formaður Framsóknarflokksins, er Mbl. spurði hann í
gær um viðhorf hans til vaxtamála og stefnu Fram-
sóknarflokksins á því sviði.
Bretaprins
heimleiðis
í skyndi
KARL Bretaprins sem hefur
stundað laxveiðar í Hofsá að
undanförnu breytti í gær
áætlun sinni er honum bárust
tíðindin um morðið á skyld-
mennum sínum eins og sagt er
frá á forsíðu blaðsins. Karl
prins hafði áætlað að hætta
veiðum í Hofsá n.k. miðviku-
dagskvöld, en einkavél átti að
koma til Egilsstaða í nótt er
leið til þess að sækja hann.
Mountbatten jarl var móður-
br ' Filippusar hertoga og
. a miklir kærleikar með
honum og Karli prinsi.
Steingrímur sagði það hins
vegar ekki rétt, að nýja vaxta-
hækkunin þýddi 500 þúsund króna
vaxtaútgjöld á mánuði af 2ja
herbergja íbúð, eins og Svavar
Gestsson viðskiptaráðherra hélt
fram í samtali við Mbl., sem
birtist á sunnudag. gagði gtein_
grímur að menn yrðu að hafa í
huga að verðtryggingin væri að
verulegu leyti lánuð aftur og
meðan við byggjum við það vísi-
tölukerfi, sem nú ríkir, þá hækk-
uðu laun manna, þannig að lán-
takendur greiddu ekki mestan
part verðtryggingarinnar fyrr en
eftir að þeir væru búnir að fá
launahækkanir, sem væru sam-
svarandi eða jafnvel meiri. jjins
vegar sagði Steingrímur ljóst að
vaxtahækkunin kæmi af fullum
þunga á skammtímalán, eins og
víxillán, og væri það vissulega
umhugsunarefni, hvort eitthvað
þyrfti að gera á því sviði.
Steingrímur sagði útlán banka
nú mikil og innlán einnig, þannig
að nokkurt jafnvægi ríkti, en svo
virðist sem þessi háa verðtrygging
drægi ekki úr útlánum, hvort sem
menn létu eitthvað blekkjast af
lágum vöxtum eða önnur sjónar-
mið réðu þar um.
„Við framsóknarmenn viljum
halda fram stefnunni um verð-
tryggingu og lága vexti," sagði
Steingrímur. „En auðvitað verður
hraðinn á verðtryggingunni að
haldast í hendur við aðra þætti
efnahagslífsins og þá ekki sízt,
hvernig til tekst í baráttunni gegn
verðbólgunni."
Stúlka beið bana í
dráttarvélarslysi
TÓLF ÁRA gömul stúlka beið bana í
fyrradag í dráttarvélarslysi við bæinn
Syðra Vallholt í Seyluhreppi í Skaga-
firði. Stúlkan var á dráttarvél sem valt
og mun vélin hafa slegist í stúlkuna
þannig að hún hlaut bana af. Ekki er
unnt að greina frá nafni stúlkunnar þar
sem ekki var búið að ná í alla ættingja
hennar í gærkvöldi.